Afleveringen
-
Nachdem mier zuvor 2 Wuche gfehlt hend, simmer zrugg und beantwortet die Frage, wo eu under de Finger brennet! Wenn rennt de Oscar endlich en Marathon? Mit wem wür sich de Andri gern es Hotelzimmer teile? Isch Sex vorem Wettkampf guet oder schlecht? Das und no vieles meh ih de neuste Folg! Darum, wie immer, VOLL INE lose!
Hosted on Acast. See acast.com/privacy for more information.
-
Nachere churze Pause simmer zrugg! S isch viel passiert, au bim Andri und sim Olympia Traum. De Osci verzellt vu sim super SportSunntig in Madrid und all das macht die hüttig Ileitig lang. Ide Top3 vu dere Wuche gönd mir druf i wieso s guet isch dass de Marco Odermatt usegfuled isch und wieso die neue EM Fuessballtrikots zum Teil recht kacki sind…zudem natürlich nochli Playoff Action mitm EVZ! Losed Voll Ine hopp hopp.
Hosted on Acast. See acast.com/privacy for more information.
-
Zijn er afleveringen die ontbreken?
-
Yooo...Voll Ine entschuldigt sich scho mal im Vorus für die hütigi Folg. Selte simmer so unvorbereitet, aber so unhinged wie hüt gsi. Es wird also en wildi Fahrt.
Fast so wild wie die vom Tadej Pogačar, wo bi de Strade Bianche mit sim Solo allne devo fahrt und scho mal es Zeiche gegenüber de Konkurrenz uselaht. Wer sell de Mah eigentlich stoppe?! Wild wirds au ih de Formel 1, wo bim aktuelle Dominator Red Bull en Bürgerchrieg usbroche isch, will de Christian Horner oder wie mier ihn nennet, Horny, vermeintlich seich gmacht hett. Voll Ine hett exklusivi Leaks und stellt sie eu zur Verfüegig (siehe unten). Wild isch au das, was de Simon Ehammer uspackt hett. GOLD im Siebekampf ah de Halle-WM in Glasgow. Voll Ine isch sich sicher, Paris 2024 chan cho für de Golden Boy us de Schwizer Liechtathletik! Hemmer scho die erste Vorbote vonere Olympiamedaille?
Darum, wie immer, VOLL INE lose!
_______________________________
De gleakti Chatverlauf vom Christian Horner
Hosted on Acast. See acast.com/privacy for more information.
-
Eusi hüttig Gast brucht eigentlich kei Intro. De Stefan Küng ghört zu de beste Radfahrer vo de Welt und isch de heissisti Medaillekandidat vo de Schwiz ah Olympia und de Heim-WM im September.
De Stefan verzellt eus über sini neui Leaderrolle im französische Team Groupama–FDJ, wies für ihn isch mit de Netflixcrew im Bus z'si, wie er sich ufd Früehjahrsklassiker freud (insbsondere Paris-Roubaix), welli Fahrer de perfekti Allrounder usmached, wer zu sine Favorite bi Olympia ghört, wie sehr er sich ufd Heim-WM im September freut, wieso d'Schwiz im Verglich zu Spanie sehr velounfründlich isch, wie er mit Rückschläg wie sin schweri Sturz bi de EM 2023 umgaht und wieso sis Motto isch "it is, what it is".
Du gsehsch, mier hend eus würkli alli ine Rusch gredt (und glaub eus mier hettet no so viel Frage uf Lager gha). Darum, wie immer, VOLL INE lose!
Hosted on Acast. See acast.com/privacy for more information.
-
Wie du ufgrund vom Titel richtig vermuetisch isch Voll Ine hüt im Boulevard unterwegs. De Nicola Abt, sinersits Sportjournalist bi Rignier/Blick und Host vom Podcast "Chopfstark", isch z'Gast bi üs. Was als en spontani Ahfrag an Andri gstartet hett, hett mitere komplette Podcastfolg geendet. Falls also scho immer mal hesch welle wüsse wie Sportmedie funktionieret, wieso bim Blick so gschriebe wird und was en gueti Story usmacht, denn bisch genau richtig! Darum, wie immer, VOLL INE lose!
Hosted on Acast. See acast.com/privacy for more information.
-
Hallo Sportsfründe! Voll Ine isch zrugg mit de hottiste und aktuellste News us de letschte Sportwuche und dammi hett ein Mah abglieferet. De Lewis Hamilton schockt d'Formel 1 Fans mit sim überraschende Wechsel zu Ferrari. Doch ob er dett glücklich wird oder eher sini Legacy verbaut? Voll Ine deckt uf! Zuesätzlich belüchtemer die besti Fahrt im Lebe vom Daniel Yule, wo in Chamonix historisches schafft und vo Platz 30 sich no de Sieg holt im Slalom. Z'letscht luegemer no uf de Super Bowl und gennd dier chli was mit, damit du am Sunntig mit unnötigem Wüsse chasch brilliere. Darum, wie immer, VOLL INE lose!
Hosted on Acast. See acast.com/privacy for more information.
-
Ih de hüttige Folg widmemer eus zwei vergessene Legende us de Sportwelt und nehmed eu mit uf es wilds Abentür dur d‘Gschicht📚
Vorher luegemer aber uf de Triumph vom Jannik Sinner gege de Daniil Medwedew ah Australian Open. Voll Ine find „Carota Boy“ isch on Fire gsi🔥
Als zweits Thema gömmer de viele Verletzte im Skizirkus nah und fraged eus göbnd im Weltcup bald d‘Fahrer:inne us? Darum besprechemer möglichi Gründ und Lösigsahsätz geg die Verletzigsmiserie🤕
Zum d‘Top-3 abrunde verabschiedemer eus vom Andy Schmid, erw absolute Legende vom Handball🤾♂️
Darum, wie immer, VOLL INE lose!⚡️
Hosted on Acast. See acast.com/privacy for more information.
-
Let them cook🥘!
Hüt wird bi Voll Ine kochet. Mier zeiged eu je 3 vo eusne gsunde und schnelli Lieblingsrezept für dini Inspiration. Nebst Broccolipizza und Overnight Oats gihts au no Rezept für Shashuka, Couscoussalat, Mexican Bowl und Süesskartoffel-Kichererbse Curry. Du gsehsch, gsunde und geile Shit!
Vorher redemer ih de Top 3 aber no über Skifahre und belüchtet de Cyprien Sarrazin chli gnauer. Denn belüchtemer die aktuelli Form vo de Lena Häcki-Gross und chömmed zum Schluss Biathlon > Langlauf. Z‘letscht werfemer no en Blick ufd Australian Open und fraged eus ob öpper de Novak Djokovic chan stoppe…
Darum, wie immer, VOLL INE lose!
Hosted on Acast. See acast.com/privacy for more information.
-
D'Voll Ine Boys sind hüt wieder mal online unterwegs. De eint im Nebelloch und de andere bi de Richkids in St. Moritz. Entsprechend gihts was z'berede...
und wenig verwunderlich redemer die Wuche über d'Machtemonstration vom Marco Odermatt am Lauberhorn. De huere Siech chan au nix falsch mache Dammi. Anyway, de Andri trainiert zemme mit de Bobfahrer im Gym und wunderet sich wo sini Gains blibed. Z'letscht rundemer d'Top-3 mit eme zuckersüesse Red Bull ab.
Als Thema vo de Wuche hemmer das mal d'Rolle vo de Trainingspause für d'Regeneration debi. Dos & Don'ts und vor allem dummi Sprüch sind eu gwüss. Darum, wie immer, VOLL INE lose!
________________
Folg eus uf Instagram
Hosted on Acast. See acast.com/privacy for more information.
-
Yoooo...Wie viel geili Events erwartet eus eigentlich im 2024?! Voll Ine nimmt s'nächste Supersportjahr gnauer under d'Lupe! Velo-WM in Züri, Americas Cup in Barcelona, Fuessball-EM in Dütschland und Olympischi Spiel in Paris sind nur es paar vo de Events wommer belüchtet. Darum, wie immer, VOLL INE lose!
Hosted on Acast. See acast.com/privacy for more information.
-
Sie sind ned nur Gsamtweltcupsieger, Europameister und Weltmeister 2023 im 2er-Ohne, sondern vor allem geili Sieche. De Roman und de Andrin hend de Weg zu eus in Seeclub Zug gfunde und hend mit eus de erste Livepodcast bestritte. Nebst ganz viel Ruedertalk wird vor allem viel glachet. Darum, wie immer, VOLL INE lose!
________________
Folg eus uf Instagram
Hosted on Acast. See acast.com/privacy for more information.
-
Wie de Titel vo de hüttige Folg verrated dreiht sich alles um d'Frag "wie wird ich mental stärcher"? Für das hemmer eus mit em Böbi und em Pascal zwei absoluti Experte ufem Gebiet gholt, wo dier ned nur es sehr unterhaltsams Gspröch lieferet sondern au Technike nöcher bringed wie du mental stärcher wirsch, egal ob im Alltag oder Sport!
Nonie isch en Folg vo eus so lang gsi (glaub eus mier hettet nomal 2 Stund chönne rede!), aber das hett en guete Grund: Mier lueged under anderem uf Theme wie gschidi Zielsetzig, Visualisierig, Diszilpin, (Selbst-)Reflexion, Zwifel, Ufwärts- und Abwärtstrends, optimali Leistigszueständ, Flow und no vieles meh.
Darum gib dier die 2 Stund und tue, wie immer, VOLL INE lose!
_______________________________
Chauf Tickets für de Live-Podcast am 5. Januar mit em Roman Röössli und Andrin Gulich
Folg am Böbi uf Instagram
Folg am Pascal uf Instagram oder bsuech sini Website www.lehmann-mental.ch
Folg eus uf Instagram
Peace
Hosted on Acast. See acast.com/privacy for more information.
-
Hüt wird mal persönlicher. Konkret redemer über s'Thema Essstörige im Spitzesport und de Andri verzellt über sini Struggles mit sim Gwicht und wie das sis Essverhalte beihflusst. Vorher redemer ih de Top-3 drüber ob de neui Mega-TV-Vertrag vo de Premier League d'Fuge im europäische Fuessball wiiter ufrisse wird, wasmer sich als Baseballer mit 700 Mio US Dollar alles chan chaufe und wie de Skizirkus wege Fluor duregwirblet wird. Darum, wie immer, VOLL INE lose!
________________
Chauf Tickets für de Live-Podcast am 5. Januar mit em Roman Röössli und Andrin Gulich
Folg eus uf Instagram
Peace
Hosted on Acast. See acast.com/privacy for more information.
-
Früher fuhren Rainer und Andri regelmässig im Wasser Rennen gegeneinander. So auch 2017 im U-23 WM-Finale als die Österreichische und Schweizer Crews sich um die Goldmedaille duellierten. Doch trotz einer erfolgreichen Ruderkarriere entschied sich Rainer zu einem Wechsel in einen anderen Sport. Zum Radlfahren, wie die Österreicher sagen. Heute fährt er als Profi beim Team Bahrain-Victorious.
In dieser Folge gehen wir diesem Wechsel auf den Grund. Was hat Rainer dazu bewegt die Sportart zu wechseln? Wie kommt er mit dem Wechsel zurecht? Wie lebt es sich als Quereinsteiger im Profiradsport?
Das und noch vieles mehr gibt es in der neusten Folge. Darum, wie immer, VOLL INE lose!
Hosted on Acast. See acast.com/privacy for more information.
-
Nachem Interview mit em Mat vo 44west letscht Wuche chummt Voll Ine wiedermal mitere reguläre Folg ums Egg. Zerst redemer über die Olympische Winterspiel 203x wo selled ih de Schwiz stattfindet und belüchtet d'Stärche und Schwäche vo de potentielle Schwizer Kandidatur. Denn gahts witer mit de Dominanz vom Max Verstappen und mier ordnet ih, ob das würkli no bis im 2026 so blibe wird. Zu gueter letscht giht es neus Dopingmittel z'rede und zwar konkrete s'Bluet vom WATTwurm. Irgendwie no lustig wenn so drüber nahdenksch ned? Im Thema vo de Wuche gahts au um Doping. Konkrete ums Gständnis vom Jan Ullrich. Vor allem interessiert eus d'Frag: Isch er Täter oder eifach es Produkt vo sinere Ziit und sine Umständ? Ier gsehnd es mangled ned ah geile Theme die Wuche! Darum, wie immer, VOLL INE lose!
Hosted on Acast. See acast.com/privacy for more information.
-
Hesch dich scho mal gfragt wies wäre mit eme Boot über de Atlantik z'ruedere? Zum ehrlich si Voll Ine au ned, aber eusi hüttig altbekannti Gast macht genau das im 2025! De Mat vo 44 West verzellt eus under Anderem wie er dank 44west wieder sin Platz im Ruedersport gfunde hett, wieso 44west meh isch als nur über de Atlantik ruedere & was sie 30 Täg in Isolation ufem Atlantik erwartet und was für anderi Herusforderige suscht no dezueghöret. Darum, wie immer, VOLL INE lose!
________
Meh Infos zu 44West
Voll Ine uf Instagram
Hosted on Acast. See acast.com/privacy for more information.
-
Yo, Yo, Yo! Neui Wuche, gliche Podcast! Dasmal ih de Top 3 mit em Livevoting zum Schwizer Sportpris 2023, ere Prise Velo-WM 2024 und em EVZ Fraueteam. Lueged, mier wüsseds selber. D'Aktualität hett die Wuche eus ned die beste Theme beschert, aber das sind meistens eusi beste Folge (seged mier).
Defür hemmer eus fürs Thema vo de Wuche uf en chlini Ziitreis begeh. Wie de Titel scho verrated redemer über de (ehemals) grossi FC Basel und was d'Gründ sind, dassmer ihn momentan am Tabelleendi findet. Darum, wie immer, VOLL INE lose!
______________________
BTW chauf bis am 22. November euses exklusive Voll Ine T-Shirt indem da druffklicksch⚡
Hosted on Acast. See acast.com/privacy for more information.
-
Junge, Junge, Junge! Was isch au wieder alles ih de Welt vom Sport passiert...Zerst mal WTF, de Andri chillts würkli eifach mit em Roger Federer und de Osci krepiert fast bim Halbmarathon in Luzern. Naja irgendwenn werdemer au no seriös und redet über d'Gschehniss ih de Welt vom Sport. Ahfah tüemmer mit em Skizirkus wo vor allem wege Bagger uf de Gletscher z'rede giht. Vo de eint Katastrophe springemer denn zur nächste und zwar gahts um d'Rolle vo de Inka Grings als Nationaltrainerin, s'Voll Ine Verdikt: You got to go! Z'letscht giht au de Gianni Infantino wieder vo sich rede. Dammi Gianni heb mal dini Finger 5 Minute still bevor wieder en WM anes dubioses Land vergisch...Anyway Top-3 ganz wild die Wuche. Abrunde tüemmer d'Folg mitere Tierlist, wommer die beste Olympiasportarte ranked. Segemers so, Voll Ine mag kei Rössli. Ganz kontrovers unterwegs wieder zzz. Darum, wie immer, VOLL INE lose!
______________________
BTW du chasch bis am 22. November exklusiv euses Voll Ine T-Shirt gönne ih dem da druffklicksch⚡
Hosted on Acast. See acast.com/privacy for more information.
-
Euses Interview mit em Kevin Kuhn isch wie es Radquerrenne: D'Frage sind wie d'Hügel wo er überwinde muess. Mengisch sind sie glatt und liecht zum bewältige, wie asphaltierti Strasse, während anderi so herusfordernd wie schlammigi Passage und Sanstrecke sind. Jedoch ghört euse hüttig Gast ned nur ufem Rad sondern au hinderem Mikro zu de Weltbeste und manövriert sich gschickt dur euse Frageparcours!
Mier redet mit em Kevin über sini Sportart Cyclocross - oder ebe volkstümlich Radquer - und fraged eus wiemmer dezue chummt. Usserdem luegemer ufs seltene Profidasi und sis (Teilziit-)lebe in Belgie. Was natürlich au ned fehle döff sind d'Duell gege van der Poel und van Aert. Das und no vieles meh ih de neuste Folg! Darum, wie immer, VOLL INE lose!
Hosted on Acast. See acast.com/privacy for more information.
- Laat meer zien