Afleveringen
-
物初有声剧场：广播剧《愚蠢的来信》
2024年1月隆重上线，敬请期待！
-
这期节目…是在�的时候剪出来的
我只记得糊里糊涂，东歪西倒，满天怪诞的感觉。
�在2023年的元旦，希望大家都身体健康，精神爽利。 -
Zijn er afleveringen die ontbreken?
-
哩个月，我从年更主播摇身一变
成为咗每个星期五大家定时期待的周更主播
虽然只有三个星期，但都足够令我短暂幻想。
仿佛翻到咗以前果个无拘无束，只做一件事的简单时光
适逢暑假，七月份嘅哩三个星期
又真系好似暑假一样夏天就系充满阳光，开心，同伙伴嘅
能够同大家度过三个星期的重聚时间
就似你地嘅留言写嘅咁：成件事好梦幻
好啦，重聚系列，嚟到最后一集
今期系最后一位老朋友，
万众期待因为佢爽朗同可爱嘅笑声，
系大家最挂住的声音
我地欢迎：叮当妹
讲东讲西的叮当妹，你地仲记得吗？
-
上一期重聚节目发布之后，我见到唔少朋友因为第一期节目
霖起好多过往听粤语fm的果段岁月霖起咗一啲曾经的自己，
亦都有人因此获得咗一些启发甚至得到咗一些力量
这个正正就系我做哩个重聚系列最开始的期望
即使系几微细都好，某一些岁月同某一些人，
系值得被记住的。
今日，嚟到第二期
哩一期，系好啱一边叹住柠檬茶，
一边舒服咁听嘅节目因为有哩一位，
我嘅难兄难弟——DJ悦斌
《Soul味十足》的DJ悦斌，你地还记得吗？
-
两个月前，我揾翻以前一齐喺荔枝FM哩度，做过粤语网台的三位小伙伴：
车仔、悦斌、叮当妹。
我同佢地讲，都好几年啦，大家好耐都无听到你地把声，去咗边啊，好挂住喔。
所以，我分别同佢地三位，坐低静静咁，倾咗一次计。
三位老朋友，分成三期节目。
今日第一期，我地有车仔。
《Little Car Radio》的车仔，你地还记得吗？
-
叮当妹、悦斌、车仔。
多年后，一次重聚，一段预告。
3位老朋友，3期节目，不日推出。
-
本期为大家介绍
无须厚脸皮，也可体面逗利是的三个招式
预祝大家2021新春恭喜发财。
-
窄播剧《融为一个世界2》
Matt & Jane的故事，四年后。
Matt，由尴尬饰演
Jane，由观辰饰演
Yoyo，由沙拉饰演
男同事，由卡神饰演
编剧：沙拉、尴尬
制作：尴尬
插曲：《罪恶感》- 观辰
主题曲：《Christmas in your eyes》- 观辰 featuring 爆G
-
【臣级专访】Eason陈奕迅.荔枝App专访为你带来全新专辑《L.O.V.E.》- Eason and the Duo Band。一张酝酿6年，寄存无限的爱嘅全新大碟。
太幸运了！ 太幸运了！ 太幸运了！ 太幸运了！
一辈子都难以忘记的一天！！Eason啊！
啊，院长见医生！美好的下午~
2018年9月22号。
-
尴尬 x RealMan
#逢星期四晚11点#
话题深夜未满18岁人士谨慎点击
《为何深夜总是闷》· #尴尬 x RealMan# · 回放精华集锦
你地有冇发觉
为何深夜·总是闷?
係因为无聊/寂寞/饿
定係单纯因为失眠训唔到
两个月前，有一班不睡觉的闷友
每逢星期四夜晚11点就吹鸡
讲埋晒啲...唔知出唔出得街嘅嘢
属于深夜·闷友的节目
无聊人尴尬 + 神秘人Realman
深夜a爆 唔准训觉
做了十几期 我想大家都知道
这个节目的最大特色
就是删减
因为话题很深夜，学Realman话斋
“留低回放就有把柄 有把柄就唔够Real啦”
所以我们通常，就会在直播中大讲特讲
讲完再惊觉...好似唔出得街
直播讲完 直播散
当然只针对我们自己
听众连线讲的 我们一句也没有删
啱嘅 可以来听直播
#逢周四晚11点#
如果那晚你睡不着
又想找人吹水
我们等你
-
86. 【潮文】从小就立Flag，一直被打脸
立Flag，係近年来喺网络上十分常用嘅一 个词语。关于佢嘅出处有多种解释，就费事啰嗦。我承认当我第一次听到哩个词嘅时候，我完全唔知道佢咩意思。因为立Flag嘅字面意思同实际含义实在大相径庭。立Flag嘅立......就是树立？Flag的中文就是旗帜，咁立Flag就是树立旗帜。
咁咪啫係扯旗？
OK...原来立Flag係扯旗嘅意思。
果阵时係朋友圈见到某啲人都话自己要立Flag，要立一个大大嘅flag，
我真係哇一声叫出嚟，咁都讲得出嚟嘅咩。而且我仲亲眼睇到佢，话自己从年头立flag到年尾。当时我心中只有一个感觉：佩服。持久，相当持久。
不过佢发晒朋友圈咁係想点呢？得个讲字冇用啊，又冇图。
羞耻，相当羞耻，不知廉耻。
正当我准备攞个手机出嚟影幅相，顺便发朋友圈话自己都要立大flag嘅时候，阿实制止咗我。
阿实：“尴尬，立Flag唔係咁解噶”
尴尬：“喂，你入嚟唔敲门嘅！？变态噶你！？”
阿实：“你先变态，着翻条裤啦”
尴尬：“你就变态，唔见我立紧flag嘅咩”
于是，喺我地用咗3分钟嚟搞清楚，原来我地两个都冇资格话人地係变态之后。阿实就开始用自己嘅亲身经历，为我清楚解释“立Flag”嘅真正意思。
原来，立Flag嘅意思係完全同扯旗毫无关系。而佢嘅真正意思亦颇为广泛，但简单嚟讲，立Flag嘅其中一个常用含义係“订立目标”。譬如话，阿实喺5年前曾经立Flag，话25岁之前一定要揾到女朋友。而“揾到女朋友”，就係佢立嘅Flag啦。
到咗今年，终于啊，阿实话自己，筹备紧皈依佛门。祝福佢啊。
除咗“订立目标”，立Flag嘅另一个常用含义，可以解释为“释放某啲预期信号”。哩种解释喺影视作品中就十分常用。譬如话，某个角色话自己“做埋一铺就金盘洗手”；又譬如话，某个角色係上战场之前同队友讲，自己答应家乡的未婚妻要係“战斗胜利之后翻去食佢只鲍鱼...捞面哩味拿手住家菜”。诸如此类展望未来甚至立誓嘅说话，都係“释放某啲预期信号”亦可以称之为立Flag。
所以，以上就係“立Flag”喺当今网络世界最广泛嘅用意：“订立目标”或者“释放某种预期信号”。
咦？咁听上去，立Flag解释为扯旗都唔係冇道理喔，扯旗哩个行为都係“释放紧某种预期嘅信号啊”？佢咪就係预期紧要咩咩咯！
实：“尴尬，你个变态”
尴尬：“扑你个乖，入嚟要敲门啊！扯！你同我扯！”
阿实：“扯？扯旗个扯？”
尴尬：“扯啊，啫係lan啊，啫係滚你嘅JB蛋啊！”
阿实：“着翻条裤先讲嘢啦......”
呼~好啦，我地唔好理会果啲变态。
回归翻今期嘅话题：立Flag。
其实讲起立Flag，就不得不提一个响当当嘅名字。
佢係一个搞咗5年网络电台嚟到今时今日已经理智失控而且发际线都失控嘅人；
佢係一个拥有大嗱嗱20万订阅但参加比赛网上投票得2000零票嘅网络人气主播（抛弃个弃）；
佢係一个超级靓仔。
以上3条，只有其中1条係真嘅。係边条好明显啦。
Anyway，讲紧嘅当然就係院长尴尬，亦即係本人。
每到年尾，本人都钟意回顾下自己一年以来做咗啲乜嘢，顺便向明年立Flag。
今年直播收听人数要到达50万人，係本人立过嘅flag；
今年要开一场个人Talk Show，係本人立过嘅flag；
今年多啲更新，亦係本人立过嘅flag；
今年唔好再立旧年立过嘅flag，亦係本人立过嘅flag;
不停咁立flag立flag立flag立flag，flagflagflagflag U！What the hell?
我深感懊恼，点解我立嘅哩啲flag，都仲未实现。
如果要得到哩个问题嘅答案，我认为就要从根源揾起。
所谓三岁定八十。立Flag哩件事，可能係我从细就养成嘅坏习惯。
于是，前一段时间我做咗件事。
就係回到过去。
你冇听错啊，就係“想回到过去”果个回到过去，就係“谁求谁，春秋都只听天地号令”果种回到过去。是咁的，我问肥猫A梦借咗部时光机，“shu”一声就穿越翻到去自己仲读紧小学嘅时候。哇，一听就知係真噶啦，讲得几咁详细。
唔通你仲唔信咩。
要查清楚点解我宜家成日立Flag，就必须从根源查起。
我一落机，咁啱见到当时正处于小学鸡嘅我，同同学仔一齐喺课堂上接受紧老师嘅盘问。
老师：“各位同学，今日我地要讨论嘅题目呢，就係‘我的理想’。”
（点解老师把声咁怪嘅）
老师：“大家都分别讲下，自己大个之后想做咩工作啦”
（哇，真係怀念啊，我细个嘅时候啲老师係用广东话教书噶）
老师：“咦，小尴同学，你好似蠢蠢欲动咁喔”
（嗯？老师屈我答问题）
老师：“嗱老师问你，你长大之后要做咩工作啊”
小尴尬：“老师，我长大之后要做科学家！”
（科...科学家？唔係咁搞笑啊嘛）
我：“你讲大话！”
哩个时候全班小学鸡连同老师都一齐望住我哩个来自21世纪嘅胡须型男，一面不知所措。
我知道佢地唔单只俾我哩个突然出现嘅男人吓亲，仲被我英气嘅脸庞震慑住。
哩个时候老师忍唔住开声：“哩位先生，麻烦你着翻条裤啊”
我：“下，咩话？”
“shu”一声，我就咁又从过去翻到嚟现在啦。
噢，我冇逃跑，我赶时间啫。
不过，我终于明白啦。
细个立Flag话长大要做科学家，其实根本就係乱嚟。
如果俾我答多次，我一定会咁样讲...
小尴尬：“老师，我长大之后要做一个晨咁早逼地铁翻工午饭时间得半粒钟然后直踩加班到9点一个礼拜做足7日冇时间又冇钱嘅亡命上班族啊！”
老师：“答得好啊，小尴同学，哩个学期你就企喺课室外面听课啦”
小尴尬：“多谢老师！......吓？”
如果当时咁讲，至少宜家实现咗细个立嘅第一个Flag。
不过，我依稀记得，当时自己回答要做“科学家”的时候，係有一种奇怪嘅感觉嘅。
係一种轻微嘅成就感。
当喺全班同学面前，讲出高大上嘅“科学家”三个字嘅时候，仿佛我已经成为咗半个科学家了。至少我会被大家认为，係一个“以当上科学家为目标的细路”，听上去几招积，只脚都en得劲啲。
哩个时候，我察觉到答案嘅一丝踪迹。
点解我咁中意立Flag，而又无办法实现自己立过嘅flag呢？
原来因为立Flag本身，已经可以带比人成就感。
而重点係在于：公开立Flag。
一个人匿埋喺房间里面立Flag（我讲紧嘅係“订立目标”，唔係扯旗，唔好误会），或者喺心里面暗暗立Flag，得到嘅只会係自我激励嘅效果。但公开立Flag，喺所有人面前讲出你的目标志向，得到的效果就係其他人认同你的果份成就感。
我将佢称之为：“成就感预支”
即係预先提取成就感。
可以想象一下，当你要完成一个成就。喺做之前就宣布哩个伟大目标，定係喺达成之后才公告天下，得到嘅感觉可以係截然不同。达成之后先话俾大家知，当然会得到大家惊喜嘅赞赏，哇，原来你咁劲。但係，喺未达成之前，甚至喺未开始做之前就宣布你哩个目标，得到嘅都有可能係大家嘅赞赏，哇，劲喔你，好有志向啊。
譬如，喺朋友圈发一条，我决心今年一定要考到注册会计师证；
大家可能会留言：好劲啊，加油！听讲好难个喔！你咁犀利一定得啦~
又譬如发一条：我今年嘅目标係跑10K，减10斤，练腹肌同马甲线！
大家可能就会留言：支持你！马甲线好吸引咯！对腹肌完全冇抵抗力啊！
再譬如话我自己嘅例子，当我讲话要喺今年开一场个人Talk show，大家嘅反应係：好期待啊，正啊！我一定买票！（多谢，你地话噶，我逐个marked低名噶啦）
喺公开宣布你嘅目标之后，无论你开始走上实现目标嘅道路与否，大家都会认为你已经係一个向目标奋发紧嘅人，而且哩个目标听起身仲唔係咁简单。跟住，喺大家向你表达支持，认可甚至赞赏之后，就不禁令人想象到成功果一刻嘅场景，令你提前享受到，实现目标果一刻嘅成就感。
我认为可怕嘅地方就係哩度了，预先提取咗成就感，而成就与否都仲係未知之数。
成就感唔一定就等于成就。
我霖通咗啦，原来立Flag之所以失败，係有时我觉得立咗Flag就当搞掂，好似已经做咗嘢。而更加严重嘅时候係本住避难就易嘅偷懒态度，我沉迷係预先提取嘅成就感当中而疏于真正嘅目标。
哇......好深刻啊，点解个结论会咁鬼认真嘅。
都啱嘅，係应该认真对待自己立过嘅flag，如果真係想达成嘅话。
嗯，立flag真係好重要，尤其係对于男人嚟讲，真係要睇下自己系咪每朝早都有立flag。
（开门）
阿实：“喂，尴尬，你又开始变态啦？”
尴尬：“何超实！入嚟要敲门啊讲几多次啊！”
阿实：“咩啊，又匿埋立flag啊？”
尴尬：“讲紧你啊，立flag沟女，日日吹水。”
阿实：“呜呜呜...戳中痛点（普通话）（fade out）”
（关门）
立flag冇错嘅，人地对你立嘅flag表达支持就更加冇错。只係实现目标唔係一条线性嘅道路，喺哩个愈发复杂嘅社会，每一个订立的目标，每一次实现立Flag的道路，都係纵横交错，险象环生的。所以喺咁艰辛嘅时候，可以预先品尝成就感，就可能容易令人变得松懈。最后我觉得，flag都係要立！但做唔做得到，唔关人地事，最紧要记得自己最初想点。
如果宜家老师再问我一次：大个之后想做咩啊？
我会答：我大个之后...想做翻个细路啊，老师。
做一个日日立flag唔算数嘅曳细路。
完
-
今年未够喉，就到2019
2018对我来说是很有趣的一年，有趣到我每晚都不想睡觉。
希望明年大家都唔会肚饿，快乐很多。
2019年，继续开心痴线！
#6分钟总结我的四年网台之路
#浓缩型胡须佬
#我爱养脑院
-
曾经 有一对形影不离的童年好朋友
佢地就好似
炸薯条同番茄酱
啤酒同花生
AV同纸巾一样
难舍难分 亲如兄弟
直到那天 他失踪了
但咸鱼发誓一定要揾翻佢
————————
感谢佛山贷款网对本期节目的独家赞助
拥有领先的线上智能网站加线下门店模式，为佛山人贷款提供更悭时、悭力、悭工夫的专业、诚信、收费透明的佛山贷款网！
佛山贷款网整合佛山地区超多贷款方案，线上咨询，线下门店批核，总有一间在你附近，不需要特别准备材料，还有专人为你全方位服务！
【佛山贷款网】
官网：http://foshan.dai12345.com/?p=man
公众号：佛山贷款网
详询：13702524628 马经理
-
【本期节目视频版】
https://www.bilibili.com/video/av34037795
以下开始正文
————————————————————
今晚，我决定要早啲训。
然后，我训唔着。
于是我决定起身写稿。係，勤奋嘅我决定今晚要熬夜写稿。
至少喺我跟住落嚟玩《怪物猎人》嘅果三个钟头里面，我个心都一直係咁霖嘅。唉，揸住把斩击斧锯钢龙大髀，真係比揸住个鼠标对住个空白文档发牛逗吸引得多。
到咗下半夜，我感觉自己已经修成正果，即将得道成仙。哇，个头fafa声（头嗡嗡响），全身都发出金光咁滞。喺我慢慢飘翻上张床嘅时候，却陷入深深嘅沉思。
其实我对自己好失望，竟然将宝贵嘅休息时间浪费係打机上面。我决定下不为例，以后一定唔可以再咁样熬夜打机。我发誓如果以后再熬夜，就从此无人再赞我靓仔到好似彭于晏咁！（哇，好毒啊哩个毒誓）
然后，我将哩一个毒誓发咗一条仅自己可见嘅朋友圈，嚟警醒自己。
大家都知道啦，熬夜对身体嘅伤害实在係太大啦。
事实证明，长期熬夜的确係会令人记忆力严重下降。我发现一模一样嘅朋友圈，原来自己已经发过几十条。嘻嘻。
然后，我终于放低手机训咗上张床度。却再次陷入深深嘅沉思。
宜家2点4，如果我用15分钟训着，听朝8点半起身，我一共可以训到几多时间呢？Er...2点4过15分钟即係2点...2点7个字？係，2点7个字...去到听朝8点半，一共係...6个钟？好似唔啱喔...8点半减去2点7即係....Er...唉算啦数手指啦，3点7、4点7、5点7、6点7、7点7、8点7，一共6个钟，然后再减去5分钟就係8点半，咁遮係得5个钟零55分钟？下？训得咁少时间！？咪啦，掉翻转头计过...如果我要训7个钟，咁宜家係2点4个字...下！？扑你个乖啦！宜家已经2点9！？我有无计得咁耐啊头先....唉，唔计啦，痴孖筋嘅。一个堂堂大学生，半夜三更系度计啲小学鸡算术题。羞家。
不过，我再一次亲身验证咗，原来熬夜对身体嘅伤害真係咁大噶。
除咗记忆力严重下降，原来智力都会受到影响。霖到哩度，我都比自己哩种置生死于度外的自杀式科学探索精神感动咗。（抽泣）
怪不得果啲阿爸阿妈最中意转发嘅文章都成日写，熬夜等于慢性自杀。
（自言自语）慢，性，自，杀......咩叫慢性自杀呢？霖真啲，哩个词好似讲唔通喔。慢性自杀，顾名思义即係缓慢咁结束生命，唔係即刻死而係慢慢咁死。咁听上去，所有人从一出世就开始慢性自杀啦，大家都一分一秒咁慢慢接近死亡，关熬夜咩事呢。喂，照哩个道理啊，我宜家何止係慢性自杀啊，我係慢性发达添啊。我虽然宜家未发达，但我每分每秒都係缓慢咁走向发达，唔係即刻发达噶！而係慢慢咁逐渐发达，仲唔係慢性发达啊？哼！我又悟出咗一个人生真理啦。
啊~等我发咗达之后，你话係买跑车先定係买豪宅先好呢？
宜家要霖定噶啦，万一听日我突然就发咗达，又未霖好啲钱点使，个人好邐迤（粤语读音：呢hea，意为狼狈）噶嘛。我本身个人係比较有规划嘅，趁今晚训唔着，咪规划下咯。
嘻嘻嘻嘻嘻嘻嘻嘻（笑容逐渐消失）.......噢，惨啦，熬夜除咗令记忆力下降同埋影响智商之外，宜家仲令我出现埋幻觉添。唔怪之得大家都话熬夜係炼仙啦，直头炼金都得啊。
好啦，真係要训啦。已经2点9有多啦....扑，扑你个乖啊！3点钟！？咁就3点钟！？咩料啊，翻工唔见你时间过得咁快！？星期一开例会嘅时候唔见你过得咁快！？痴线.....唉唔好霖咁多啦，训啦。再熬夜真係会痴线。
唔可以再熬夜啦...唔可以再熬夜啦...
（沉默）
熬夜...熬夜...熬......夜.......
熬夜个熬字...系咪读[au]呢？
熬夜...熬底...熬汤，好似係读[au]喔
定係读[ou]呢？煎熬！系咯，煎熬就读[ou]喔
咁究竟係熬[au]夜，定係熬[ou]夜啊？
熬[ou]夜...熬[ou]夜？...熬[ou]夜？...
[MBLAQ - Oh Yeah]
......痴孖筋，半夜三更唱咩歌啫
不过熬[ou]夜好似都几顺口喔，系咯，咁熬[au]夜呢？不嬲都讲开熬[au]夜个喔
[GD&T.O.P、朴春- OH YEAH]
.....痴~孖筋，我系咪痴咗线啊....
[Bruno Mars - Locked Out of Heaven]
痴线！ah咩yeah啫，唔好再唱啦喂！！
得啦得啦，熬[au]夜又好熬[ou]夜又好啦，唔霖啦...训啦
（沉默）
[Leo Sayer - More Than I Can Say]
你老板你话你真係，我已经话咗唔得噶啦，你仲要噢~噢~咁样，你完全唔理我几咁难受嘅你，你唔好再烦我，我一嘢队死你。
咦？咁熟嘅，系咪星爷啲电影对白嚟噶？....
唉，救命啊...3点半...咁又半个钟。
唔得，我需要催眠自己...同自己讲“我好眼训”、“我好眼训”、“我即刻训着”、“我宜家立即训着”、“除咗训教我宜家咩都唔想做”、“无嘢係比起训教更加吸引我噶啦”、...
（一边玩PS4一边吃零食，玩游戏和吃东西的音效，然后突然醒悟）
下？咩事啊？！点解我会喺度打机食薯片噶？几时发生嘅事啊？
四点半，到咗哩个阶段，我嘅大脑已经好似戴住无限手套嘅灭霸仲要饮醉酒一样，已经无人可以阻止到佢了。
我觉得，喺几个钟头前我训唔着决定起身打机......决定起身写稿，不过鬼使神推去咗打机嘅时候，就注定咗我今晚係要熬夜。一切都係自己攞嚟嘅。
熬夜的感觉，就好似爱上了一个唔应该爱嘅人，好似谈一场无结果的恋爱。
一直熬，也熬唔出咩结果，而过程，总係快乐同失落嘅交叉。
明知无结果还是继续熬，一直熬到自己顶唔顺了先肯结束。
既然改变唔到状况又无法自拔，倒不如用尽佢，
既然话熬夜浪费时间，咁我就将哩啲时间嚟做啲有意义嘅嘢！
睇书啦！好耐无睇书啦！一于提升自我，做个有内涵嘅人！
（鼻寒声）
哦，原来我，注定係无乜内涵。
完。
彩蛋
-
男人，喺经过千万年嘅进化历程之后，已经成为咗一种适应力极强嘅生物，可以随住环境嘅改变而灵活调节自己。一个男人会做好人，定係衰人，好多时候唔轮到佢自己拣，而係取决于男人最重要嘅环境——女人。
当男人追求女人唔成功嘅时候，佢会得到哩一句评价：“你係一个好人。”
而当男人成功追到女人嘅时候，佢又会得到另一句评价：“你真係一个衰人！”
甚至仲会得到哩句评价：“你真係一个贱人！！”
唉，做男人真係苦。
追你嘅时候万般珍惜，追到之后就松毛松翼。
哩句18字真言，可以话係完全概括咗男人适应力极强嘅哩个特点，特别係喺爱情上面。而一个做好人嘅男人，同一个做咗衰人嘅男人，无论喺言[咸]举止、定係相对[湿]度，都有好大唔同。今期，我地就嚟关注下：一个衰男人嘅特点——嘴贱。
咦？咁好男人呢？唔使关注佢地？
傻啦，做得好人嘅男人，一般都无乜人关心噶啦，佢地惯咗噶啦。你睇，佢宜家咪同佢只左手玩得几开心？
好啦，废话唔讲啦，跟住落嚟，院长为各位总结咗嘴贱男友嘅5大必杀技。
回应篇：
头两招，係嚟自“回应篇”。指嘅係当女人揾男人麻烦，或者准备发男人脾气嘅时候，男人会使用嘅绝技。
1、嘴贱男友第一招：恶人先告状
l 你唔好咁小器啦
女：“BB，我地今个星期六系咪去睇戏啊？”
男：“哎呀，r係星期六咩？我以为星期日添，星期六我约咗班Friend打机啊”
女：“咁噶你，应承咗人又唔算数。”
男：“......你唔好咁小器啦”
女：“我小器？我边有小器啊，明明係你应承咗我噶，你自己又甩底”
男：“哎呀，你唔好咁小器啦，上次你约班姊妹去街唔陪我我都无嬲啦，系咪？我个人就最宽宏大量噶啦，你就唔好咁小器啦！”
女：“你先小器啊，痴线。”
男：“下，咁都嬲啊，唔好咁小器啦你。喂，你走去边啫？”
l 你都唔讲道理嘅
女：“有无搞错啊，我约你12点，你1点先到，边有人要女仔等噶，仲要等咁耐”
男：“我琴晚唔记得教闹钟”
女：“你都唔重视我地嘅约会嘅”
男：“唔係，你讲下道理得唔得”
女：“我....我唔讲道理？好啊，咁你自己迟到有咩道理讲啊”
男：“你知啦，琴晚打机好攰啊嘛，咁咪记得咗教闹钟咯”
女：“咁算係咩道理啊？...自己迟到仲要话我唔讲道理”
男：“唉！你都唔讲道理嘅，我都话咗...”
女：“痴线！”
l “唔使咁认真啊，讲下笑都唔得”
女：“你觉得我靓啲定係佢靓啲啊？”
男：“诶，使乜讲，佢靓好多！”
女：“哼！”
男：“喂，唔使咁认真啊嘛，我讲笑啫”
女：“唔好笑咯”
男：“讲下笑都唔得？唔係啊嘛，唔好咁小器啦，喂，你又走去边啊？”
以上三句：“你唔好咁小器啦”、“你都唔讲道理嘅”、“我讲下笑啫”，都系第一招“恶人先告状”嘅最常用句式。当中嘅逻辑就係用一句说话歪曲事实，继而快速转守为攻。係唔少男人每日都袋喺裤袋，随时攞出嚟对付女朋友嘅快攻绝技。
2、嘴贱男友第二招：九唔搭八/生安白造
哩招係“恶人先告状”嘅进阶版，比起用歪曲事实，哩一招嘅境界更高，因为秘技就在于无视事实。无论女朋友即将发脾气嘅内容係乜都好，男人都可以用哩一招完美化解，毫无漏洞，绝对唔会俾女朋友揾到位入。
l 你冷静啲先，OK？
女：“头先有个女仔微信打俾你喔，都咁夜啦，边个女仔会咁夜微信你呢？”
男：“你冷静啲先。”
女：“我边度有唔冷静啊，我心平气和咁问你係边个打俾你啫？”
男：“BB你冷静啲，relax，你咁唔冷静我好难同你沟通噶”
女：“你咁讲啫係当我发癫啦？”
男：“嗱，你睇下你，又乱霖嘢啦，几咁唔冷静。你睇下我，我好冷静噶，我地理性沟通啊嘛，你relax啲，OK？”
女：“痴孖筋！”
l 饮多啲水啊，燥啊你个人。
女：“琴晚我打俾你你做乜唔听电话”
男：“下？”
女：“我话啊，琴晚你做乜唔听我电话啊”
男：“.....”
女：“喂，你有无听我讲嘢噶”
男：“嚟，BB，饮杯水先”
女：“饮咩水啫，我成日都饮噶啦，喂你答咗我先”
男：“一定要多啲饮水啊。燥啊你个人”
女：“见到你我就最燥啦”
男：“嗱，你睇下你，又干又燥，嚟，饮水，饮多啲。”
女：“...癫嘅你都”
l 哇超臭啊...
女：“我同你讲过好多次噶啦，你点解次次都唔听嘅啫，次次都係咁，你究竟几时先肯改...”
男：“哇.....超臭啊”
女：“你讲咩啊.....”
男：“系咪你放屁啊？好臭啊”
女：“放咩屁啊，我宜家话紧你啊”
男：“讲嘢你咪讲咯，放咩屁啫，超臭”
女：“你咪扯开话题喔，我...”
男：“哇唔掂，超臭啊....哇...”
女：“啊!!!!!......痴线噶！”
犀利，犀利。屈女朋友唔冷静，屈佢饮得唔够多水，仲屈埋佢放屁......能够使出哩一招“九唔搭八/生安白造”嘅男朋友，都可以算係男人当中嘅男人，人中之龙。除咗面皮要够厚之外，个样一定係沟死女或者超有钱果啲，唔係咁嘅嘢点讲得出口啊。
讲完嚟自“回应篇”嘅头两招，跟住嚟到“进击篇”，都有两招。男朋友有时唔单止识得嘴贱回击，仲会嘴贱出击，跟住落嚟，就为你地介绍以下嘅招式。
3、嘴贱男友第三招：我有我自由，理X你感受
男：“今晚食咩啊”
女：“我唔想食嘢”
男：“点解啊？”
女：“心情唔係好...食唔落”
男：“哦....心情唔好食唔落....咁我约班兄弟队啤睇波噜，夜啲倾啦，bye！”
女：“......正白痴”
女：“我唔理啊，总之以后你咩都要同我报告”
男：“哦...”
女：“你做咩都要话比我知先做”
男：“我...我想及女啊”
女：“......正扑街”
女：“哇，好靓啊”
男：“咦？你中意啊？”
女：“係啊，哩条裙我睇中咗啦，好中意啊，BB...”
男：“咁你钟意就睇耐啲啦，翻屋企无得睇噶啦，哈。”
女：“......正贱人”
原谅我这一生不羁放纵，爱自由。对住哩一种野马般嘅自由斗士，女朋友係永远都得唔到，佢地期望值当中嘅回应，而且只能够眼白白咁睇住自己条仔係度笑骑骑唔知有乜咁好笑，但个心就暗暗落泪，质问自己究竟有乜动力驱使自己同哩个白痴仔拍拖，係爱啊，定係责任啊？係盲啊，顶你个肺。
4、嘴贱男友第四招：失惊无神放冷箭
有时呢，男仔都钟意制造一啲生活小惊喜俾女朋友，只不过粗心大意嘅男人呢，总係漏咗喜，得个惊。唉，每个女孩子曾经都係小公主，直到膝盖中了一箭。
女：“我地公司Amy有咗BB之后，身材走晒样...唉，以后我有BB都唔知会唔会咁”
男：“你就唔使担心哩啲啦”
女：“下，真系噶？”
男：“你宜家已经走晒样了。”
女：“......”
女：“喂，BB，你做紧咩啊”
男：“食紧饭啊”
女：“食咩啊”
男：“食你啊”
女：“啫係咩啊”
男：“猪扒啊...哈哈”
女：“......”
女：“你会唔会嬲我成日化妆化好耐噶？”
男：“唔会啊，难得可以静下”
女：“......”
各位女士，其实你地唔好怪你条仔会讲啲咁贱格嘅说话，其实佢地係无心嘅，真噶，除咗有心之外嘅，都系无心噶。“失惊无神放冷箭”以及“我有我自由，理X你感受”哩两招，各有千秋，而且杀伤力都不容小觑（ceoi3读:趣）。其特点都係嘴贱男友主动出击，攻其不备，杀女友一个措手不及口哑哑，从而达至不战而胜嘅至高境界。
纵然，无论系前两招嘅回应篇，还是后两招嘅进击篇，虽然係嘴贱男友修炼法当中已经係上盛绝技，但其实，仲有一招从天而降嘅掌法。可以瞬间打沉女友嘅哩招，方为嘴贱男友超必杀技。无错啦，就係最后嘅第五招——笑你啲啡唇（Fashion）。
5、嘴贱男友第五招：笑你啲啡唇（Fashion）：
女：“BB我今日靓唔靓啊”
男：“哈哈哈哈，Woh Woh，旺财，旺财我地玩抛接球咯，旺财”
女：“咩旺财啊！哩个係颈圈嚟噶，唔係狗带啊”
男：“哈哈哈哈哈哈哈”
女：“哩啲叫啡唇啊，你识条铁咩，啊~~~~~~”
女：“BB我今日靓唔靓啊”
男：“哈哈哈哈，亏佬裤？”
女：“咩亏佬裤啊，哩条高腰牛仔裤嚟噶！”
男：“哈哈哈哈，咁咪同亏佬裤一样？哈哈哈”
女：“哩啲叫啡唇啊，你识条铁咩，啊~~~~~~”
女：“BB我今日靓唔靓啊”
男：“哇，我头先见到个阿婆，同你条裙一模一样噶”
女：“去死啦你，我啲碎花唔同噶”
男：“哈哈哈哈哈，阿婆裙”
女：“哩啲叫啡唇啊，你识条铁咩，啊~~~~~~”
女：“BB我今日靓唔靓啊”
男：“哇，你啲指甲咩事啊”
女：“琴日做嘅美甲啊，靓唔靓啊”
男：“哎呀，得了灰指甲，一个传染俩”
女：“哩啲叫啡唇啊，扑街啦你！啊~~~~~~”
啡唇哩家嘢，男人真係识条铁咩...女人嘅啡唇，就係女人嘅自尊。无知嘅男友嘲笑女友嘅啡唇，就係践踏紧佢嘅自尊。我作为一个男人，係认同佢地笑点嘅同时，又感到无比羞愧...羞愧点解人地可以对住真人笑，我对住只左手笑。Anyway，总之都係果句：追你嘅时候万般珍惜，追到之后就松毛松翼。
哩一期节目，讲出咗嘴贱男友嘅5大招式，展示出贱格男朋友嘅贱格真面目。各位女士，我知道你地係心酸嘅同时又好感动，终于有人明白你地嘅苦啦。係...係，唔好鼓掌住。如果真係咁，你地就仲未真正明白你地自己嘅男朋友啦。
你以为佢嘴贱係因为唔够爱你？错啦。
男朋友嘅每一次嘴贱，恰恰係爱你的表现。
两个人拍拖，梗係希望多啲恩爱，少啲矛盾。但点样先可以做到少啲矛盾？作为一个嘴贱男友，其实就深谙当中之道。
根据《孙子兵法》第三篇《谋攻》，“不战而屈人之兵”，意思係唔使通过战斗交锋，就令对方丧失战斗意志。严格嚟讲，孙子係一个“反战者”，所以佢认为喺战场上，最佳嘅胜利就係不战而胜，甚至不会损害自己或者对方嘅一兵一卒。哩一位和平主义嘅战略家，根本就同恋爱中嘅嘴贱男友一摸一样。
佢地唔希望同女朋友哎交，所以当佢地预感到跟住落嚟女朋友会发作...发脾气...都唔啱，总之就大家都有唔啱有啲嬲嬲猪啦嘅时候，就用以上提到嘅嘴贱绝招，一招就提早结束哩场未开始嘅战斗。“不战而屈人之兵”，重点係个“屈”字。佢唔想同你嘈，因为，佢係爱你啊。真噶，佢真係爱你啊。佢真係唔系突然犯贱贪过瘾/贪好玩/表面无心嘅其实最钟意挑战女朋友底线又扮晒懒有道理咁啊，唔係啊，你宜家明白未啊？
除非係。
完。
-
喺哩个世界上嘅人类，可以分成两种人，一种係有配偶嘅人，而另一种係有自尊嘅人。
单身嘅人，又名天之骄子，係人类当中最独立骄傲，最有学识智慧，同埋最懂得点亮自己照亮他人嘅一类人（俗称做电灯胆）；而有配偶嘅人……就係其余一般嘅普通人。
作为天之骄子，头先都讲过啦，係最有学识同智慧嘅一类人。即使係去到恋爱方面，都比起一般人优秀。点解啊？因为一般人拍拖，对象会揾翻一般人，好普通。但天子骄子就係天之骄子，佢地嘅恋爱对象通常会係于晏啊、昊然啊、热巴啊、结衣BB啊哩一种，係一般人好难接触到嘅高度。而且，天之骄子谈恋爱嘅方式，係同好多中国传统武术“大师”嘅绝世功夫一样，全靠想象力。
“恋爱令人谦虚，单身最叻吹水”哩一句鼎鼎大名嘅说话，係我头先霖出嚟嘅。
天之骄子虽然係单身，但对于所有爱情理论都讲得头头是道，简直可以话係专家。而每当佢地身边嘅平凡普通人遇到感情问题，作为单身恋爱博士嘅天之骄子都可以从心理学、行为学、概率论、量子物理以及热搜小鲜肉情报等等方面做出全方位理论分析。见招拆招，遇佛杀佛，从无败手（咁咪又同果啲武术“大师”一样？）。
之但係，如果你一旦问起佢地本人嘅现实恋爱状况，佢又会好巧妙咁答翻你。
路人甲：“咦喂，尴尬啊，你识得咁多恋爱理论，又唔见你拍拖嘅。”
尴尬：“我同你讲啦，人生呢，就同街口茶餐厅果啲嘢食一样......”
路人甲：“下，咁啫係点啊”
尴尬：“啫係，好多嘢都喺整定噶。”
路人甲：“......（讽刺地鼓掌）”
街口茶餐厅嘅嘢食固然之喺整定嘅，但係恋爱人生又喺咪整定嘅呢？的确，每年都有唔少反骨仔开始怀疑哩一点，唔想再做天子骄子啦。而每当两个心存疑虑嘅人懵盛盛咁行埋一齐，暗自萌生恋爱想法之后，本来个个都係单身恋爱博士，一旦开始拍拖，就越来越觉得，自己根本唔识得拍拖。
佢地嘅智力开始下降，逐渐依赖对方成瘾，从此变得一无是处，令人惋惜，唉。
虽然，佢地已经唔再係天之骄子，唔再喺人群当中闪闪发光。但係，却有一个难能可贵嘅品质因此而诞生咗。无错，就係“单身最叻吹水，恋爱令人谦虚。”再提一提啊，哩句全球知名嘅惊世名言，係我头先霖出嚟噶，系咪好叻呢。
谦虚，即喺唔会夸大自己嘅能力或者价值，而且保持不断学习嘅心态。
拍拖嘅人，的确係好识得谦虚。攞恋爱当中嘅男仔做例子啊，好多男朋友都非常谦虚。有一样嘢，佢地明明好擅长，但从来都唔会觉得骄傲自满，甚至有啲男仔都唔知自己原来咁叻嘅添。哩一样嘢，相信亦系唔少男朋友嘅共通点，就係非常擅长于——激嬲自己条女。
好多男仔都精于此道，但係佢地好谦噶，唔会四围同人讲。更加喺保持不断学习嘅心态，每日都喺实践当中不断自我提升添。
（女朋友讽刺地鼓掌）
男儿天生最爱冒险，最爱试探女友底线。
激嬲女朋友哩一个能力，可以话喺每个恋爱男士嘅标准配备，係所有男朋友嘅一个最大共通点，条条仔都识噶啦。
于是，我从此得出一个结论。好多天子骄子表面高冷，其实暗瓦底努力咗十几二十年，都係无拖拍，追极都追唔到一条女，其实一直都做错晒！方向错Q晒！
因为，正如果啲“成功学”书籍教你嘅方法，咩《成功人士的秘诀》、《成功人士的七个习惯》、《成功人士都用拉屎时间在做什么》等等嘅书籍一样，想成为某一类人之前，你就要改变自己，模仿果一类人嘅行为习惯。所以，天子骄子想要拍拖，靠嘅唔喺送Chanel袋，唔喺揸波子，唔喺年年去日本旅行哩啲咁嘅嘢，错晒啦！
（女朋友一脸惊吓：“下无错啊，係哩啲...”）
所以想脱单最重要嘅，就喺学识点样去激嬲条女啊！
路人甲：噢，原来係咁。
完
-
“阿实，我地曾经一齐食过几次鸡？”
“.......三次？”
“喺一次都无。”
-
本期介绍的5位粤语配音员（70年代出道）：雷碧娜、袁淑珍、冯锦堂、卢素娟、林保全。
-
#喜马拉雅520表白墙
之
尴尬最惊通街冷气机
-
本期介绍的5位粤语配音员（80年代出道）：林丹凤、郑丽丽、陈欣、林元春、陆惠玲。
- Laat meer zien
![93.【剧】原创广播剧《愚蠢的来信》预告 [物初有声剧场]](https://is4-ssl.mzstatic.com/image/thumb/Podcasts125/v4/92/c0/b2/92c0b212-0db5-7a87-ca0a-ea2818d72536/mza_8571241173973125264.jpg/80x80bb.jpg)