Afleveringen
-
उत्कट भव्य तेचि घ्यावे, मळमळीत अवघेचि टाकावे, निस्पृहपणे विख्यात व्हावे...भूमंडळी ! समर्थांचे हे शब्द दासबोधातून आपणास भेटतात. दासबोध आपल्या जीवनात कसा उतरेल, याची काळजी घेण्यासाठी उत्कटत्वाने दासबोधाला जाणून घेणं आवश्यक आहे. याच अनुषंगाने १९८९ मध्ये दासबोध अभ्यासकांच्या शिबिरात प.पू. सद्गुरुदास महाराजांनी केलेले उद्बोधन आपणास समर्थांच्या आणखी समिप आणतं... मनात भक्ती नि भव्यतेची आस पेरतं.
-
साधकांच्या आयुष्यात शिबिरांचं अत्यंत महत्त्व असतं. कारण, शिणलेलं मन आणि बिघडलेला मेंदू रस्त्यावर आणण्याचं काम शिबिरं करतात. आळस, आशा अन् आसक्ती ही त्रिसूत्री, ते कधी सोडावे अन् कधी अंगिकारावे याविषयी अकोला येथील शिबिरात प.पू. श्री. सद्गुरुदास महाराजांनी केलेले उद्बोधन कानात प्राण आणून ऐकावं असंच आहे. चला तर ऐकुया, महाराजांच्या शब्दांत याविषयीचे मार्गदर्शन...
-
Zijn er afleveringen die ontbreken?
-
प्रत्येक व्यक्तीच्या आयुष्यात उपासनेचे अनन्यसाधारण महत्त्व आहे. मग ही उपासना म्हणजे नेमकी काय असते, उपासना का करावी, कशी करावी, त्यासाठी मन एकाग्र कसे करावे, उपासनेचे अंतरंग अन् बहिर्रंग कसे असतात, या व अशा अनेक प्रश्नांची उत्तरे प.पू. सद्गुरुदास महाराज यांनी अत्यंत सोप्या शब्दांत दिलेली आहेत. ऐकावे अन् मनात रुजवावे असे हे शाश्वत चिंतन ऐका आणि इतरांपर्यंत पोहोचवा.
-
आज प्रजासत्ताक दिन. त्यानिमित्त सर्व देशबांधवांना शुभेच्छा. कोणत्याही राष्ट्राच्या जडणघडणीत सर्वात महत्त्वाचा वाटा असतो शिक्षणाचा. आजच्या शिक्षणपद्धतीवर तुम्ही पूर्ण समाधानी आहात का,असा प्रश्न विचारला तर बहुतेक लोकांचे उत्तर नकारार्थी असते. मग, कोणती शिक्षण पद्धती आपले समाधान करू शकते, यावर पूज्य सद्गुरुदास महाराज जेव्हा मार्गदर्शन करतात, तेव्हा ते चिंतन मनातील विचारांना अधिक प्रगल्भ करते...हे विचारांचे अनमोल धन मनात जपा आणि मनोमनी पोहोचावा...ही देखील देशाच्या प्रगतीसाठी आपले मोलाचे योगदान ठरू शकते.
-
मकर संक्रांतीच्या पर्वाचे महत्त्व काय आहे, त्याचा अन् सूर्योपासनेचा काय आणि कसा संबंध आहे, संक्रमणकाळात दानाचे महत्त्व का आहे या आणि अशा अनेक बाबींची उलगड केली आहे, प.पू. सद्गुरुदास महाराज यांनी. मकर संक्रांतीच्या मुहुर्तावर प्रत्येकाने ऐकायलाच हवे आणि इतरांनाही ऐकवायला हवे असे हे पवित्र विचारांचे तिळगूळ.... त्याचे सेवन करा आणि आयुष्यातील नवसंक्रमणाचे सस्मित स्वागत करा.
-
जि म्हणजे जिवंतपणा. जा म्हणजे जागेपणा. बा म्हणजे बाणेदारपणा. ई म्हणजे ईश्वरार्पण वृत्ती. असा गुणसमुच्चय असणारी माता म्हणजे राजमाता जिजाबाई, अशा शब्दांत सद्गुरुदास महाराज जिजाऊ मासाहेबांचं यथार्थ वर्णन करतात. पौष शुद्ध पौर्णिमा, म्हणजेच राजमाता जिजाऊंची जयंती. ही तिथी संशोधित करण्याचं महान कार्य प.पू. सद्गुरुदास महाराज (म्हणजेच पूर्वाश्रमीचे शिवकथाकार विजयराव देशमुख) यांनी केलं. आठ वर्षे अविरत संशोधन करुन त्यांनी ही तिथी शोधून काढली आणि त्याची नोंद आपणास शककर्ते शिवराय या त्यांच्या द्विखंडात्मक शिवचरित्रामध्ये पाहावयास मिळते. पौष शुद्ध पौर्णिमा शके १५१९ म्हणजेच, १२ जानेवारी १५९८ ही तिथी इतिहासकारांबरोबर सरकारनेही मान्य केली. म्हणून, ७,८ व ९ जानेवारी १९८२ मध्ये सिंदखेड राजा येथे जिजाऊंचा जन्मोत्सव श्री सद्गुरुदास महाराजांनी खूप मोठ्या प्रमाणात साजरा केला. अभूतपूर्व अशा या उत्सवानंतर दरवर्षी जिजाऊ मासाहेबांचा जन्मोत्सव इथे साजरा होतो आहे. आजचा पॉडकास्ट मातोश्री जिजाऊंच्या समर्पित. त्यांच्याविषयी सद्गुरुदास महाराजांनी सांगितलेला शब्द नि शब्द श्रद्धापूर्वक ऐकावा, मनात कायम साठवून ठेवावा आणि त्यातून फुलणारी प्रेरणा मनोमनी जागवावी.
-
प. प. वासुदेवानंद सरस्वती स्वामी भक्तांच्या रक्षणार्थ रचलेले आणि अनेक दत्तभक्तांच्या नित्य पठणात असलेले असे घोरकष्टोद्धरण स्तोत्र. प.पू. सद्गुरुदास महाराजांनी घोरकष्टोद्धरण स्तोत्राची निर्मिती आणि त्याचा अर्थ अतिशय सोप्या शब्दात उलगडून सांगितला आहे. त्यातील काही भागाचा अर्थ आपण मागील पॉडकास्टमध्ये जाणून घेतला. या भागात ऐकुया, त्याचाच उत्तरार्ध...
पत्रभेट व श्री गुरुमंदिर परिवाराची परंपरा, उपक्रमांची माहिती घेण्यासाठी आमच्या www.patrabhet.in या संकेतस्थळास जरुर भेट द्या.
-
प. प. वासुदेवानंद सरस्वती स्वामी महाराजांनी अनेक प्रासादिक ग्रंथाची, स्तोत्रांची रचना केली आहे. स्वामी महाराजांनी भक्तांच्या रक्षणार्थ रचलेले आणि अनेक दत्तभक्तांच्या नित्य पठणात असलेले असे घोरकष्टोद्धरण स्तोत्र. प.पू. सद्गुरुदास महाराजांनी घोरकष्टोद्धरण स्तोत्राची निर्मिती आणि त्याचा अर्थ अतिशय सोप्या शब्दात उलगडून सांगितला आहे. गुरुप्रबोध नवनीतच्या आजच्या भागात आपण ऐकूया - 'घोरकष्टोद्धरण स्तोत्र'.
-
उत्तम घराचे स्वप्न प्रत्येकाचंच असतं. पण घराची संकल्पना काय? कोणत्या घरात ईश्वराचं वास्तव्य असतं ? कोणत्या घरात सुखसमृद्धी नांदत नाही? आणि कोणत्या घरात आनंद, समाधान प्राप्त होऊ शकतं. अशा आपल्या जीवाळ्याच्या प्रश्नांची उत्तरं जाणून घेण्यासाठी पूज्य श्री सद्गुरुदास महाराजांचे
हे मौलिक मार्गदर्शन अवश्य ऐकावे.
-
परमपवित्र, वेदतुल्य अशा श्री गुरुचरित्राच्या प्रत्येक अध्यायात काही रहस्य दडलेलं आहे. गुरुचरित्रात श्री नृसिंह स्वामींनी अनेक लोकांचा उद्धार केल्याच्या कथा आहेत. या ग्रंथातील ३८ व्या अध्यायात, भक्तीमार्गाचं अनुसरण केल्यामुळे भास्कर नावाच्या गृहस्थाचं कसं सर्वार्थानं कल्याण झालं, याविषयी आज ऐकणार आहोत. यातच दडलेला आहे, श्री गुरुचरित्रात दडलेला एक विलक्षण संदेश, जो परमपूज्य श्री सद्गुरुदास महाराज यांनी सर्वांसाठी उलगडून दाखवला आहे.
-
अध्यात्मिक जीवनात `श्री गुरुचरित्रा`चे अनन्यसाधारण महत्त्व आहे. या पवित्र ग्रंथाची वैशिष्ट्ये काय आहेत? श्रीगुरुचरित्र मंत्रग्रंथ कसा? यातील नामधारक व सिद्ध कोण? असे अनेक प्रश्न आपल्याला पडतात. त्यांची उकल परमपूज्य श्री सद्गुरुदास महाराजांनी अत्यंत सुंदररित्या करुन दाखवली आहे. गुरुचरित्राचा हा असा स्पर्श आपल्याला होणे, ही देखील एक वेगळी अनुभूतीच ठरते. ऐका आणि अनुभवा!
-
उपासना, साधना करताना अनेकांच्या मनात अनेकदा विविध शंका डोकावतात. असे प्रश्न अथवा शंका मग साधनेच्या मार्गात अडसर बनण्याची दाट शक्यता असते. म्हणूनच, त्यांचे वेळेत निराकरण होणे गरजेचे असते. परमपूज्य सद्गुरुदास महाराजांनी अनेक साधकांच्या मनातील अशाच काही महत्त्वाच्या शंकांचे वेळोवेळी निरसन केले व त्यांचा साधनामार्ग सुंदर बनविला. शंका समाधान या विशेष भागामध्ये पू. महाराजांनी विविध विषयांचा केलेला उहापोह केवळ शंकांचे निरसन करत नाही तर नवी प्रेरणाही देऊन जातो.
-
जगातील महान वैज्ञानिकांनी केलेल्या संशोधनांच्या आधारे आधुनिक विज्ञानाने मोठी प्रगती साधली. आपल्या ऋषिमुनींनी हजारो वर्षांपूर्वी ध्यानातून, उपासनेतून सूक्ष्मापासून विशालत्वाचे संशोधन कसे केले, याचा वेध घेता आपले अध्यात्म किती प्रगत आहे याची खात्री पटते. याविषयी परमपूज्य सद्गुरुदास महाराजांनी केलेली उलगड विज्ञान आणि अध्यात्म यांच्यातील संबंधांवर प्रकाशझोत टाकते. विज्ञानाचे कौतुक करतानाच अध्यात्मातील अथांगतेची महती विशद करणारे हे चिंतन प्रत्येकानेच ऐकावे, इतके महत्त्वाचे.
-
विज्ञान आणि अध्यात्म यांचा खूप जवळचा संबंध आहे. आजच्या भौतिक जगात विज्ञानाने खूप प्रगती केली आहे. विज्ञानाच्या शोधामुळे प्राप्त झालेल्या गोष्टींचा अनुभव आपण प्रत्यक्ष घेऊ शकतो. तसा देव आपणास प्रत्यक्ष दिसत नाही. त्याची कृपा प्राप्त झाली असा विश्वासच आपणास ठेवावा लागतो. तो कितपत खरा आहे, अशी शंका आपल्या मनात निर्माण होऊ शकते. अशा वेळी देवाला मानावे की न मानावे? देव मोठा की विज्ञान मोठे? अशा सर्व शंकांचे निरसन परमपूज्य श्री सद्गुरुदास महाराज यांनी केले आहे.
-
१६ मे १९९७ रोजी भगवंत मंदिर, बार्शी येथे साधकांच्या आग्रहास्तव प.पू. सद्गुरुदास महाराजांनी जीवनात सद्गुरुंचे महत्त्व काय असते, यावर अतिशय सुरेख विवेचन केले होते. सद्गुरु म्हणजे अशाश्वत जीवनातील शाश्वत सत्य असे ते का म्हणतात...त्याची ही उलगड खास आपणासाठी.
-
श्रीसुक्ताच्या या विशेष भागामध्ये प.पू. सद्गुरुदास महाराजांनी लक्ष्मीपुत्र कोण? जलतत्व कसे जाणावे? हे विशद करतानाच आत्मसूर्य, आत्मज्योती, अग्नितत्व या संकल्पना सोप्या करुन सांगितल्या आहेत. अध्यात्मातील या अद्भूताचा थांग घेण्यासाठी जरुर ऐकावा असा हा पॉडकास्ट.
-
श्री सुक्तातील मागणं व्यक्तिगत नसून ते व्यापक आहे, असे पूज्य श्री सद्गुरुदास महाराज सांगतात. तसेच अलक्ष्मी, असमृद्धी या संकल्पना म्हणजे काय याचीही उलगड महाराजांनी केलेली आहे. श्रीसुक्त पठणासमवेत ऐकुया त्यात दडला अद्भूत आशय.
-
सुक्त ही चिरंतन आहेत. त्यातील विचार सत्य होते व आजही आहेत. म्हणूनच, प्रत्यक्ष श्री सुक्त ऐकणे, त्याचे अर्थ आणि मर्म जाणून घेणे अत्यंत महत्त्वाचे आहे. पूज्य सद्गुरुदास महाराज यांनी या विषयावर केलेले चिंतन ऐकणार आहोत, वैशाली कणसकर यांच्या स्वरात. श्री सुक्त श्लोक पठण केले आहे, श्री गौरव कुलकर्णी यांनी.
-
श्री सुक्त म्हणजे जगद्जननीच्या म्हणजेच मातृशक्तीच्या सामर्थ्याचा विलक्षण मंत्रोद्गार. जाणून घेऊया, `श्री सुक्त` या विषयीची परमपूज्य सद्गुरुदास महाराजांनी केलेले शब्दचिंतन. ऐकुया, सौ. प्राजक्ता अगस्ती यांच्या स्वरांत.
-
परमपूज्य सद्गुरुदास महाराज म्हणजे पूर्वाश्रमीचे प्रसिद्ध शिवकथाकार विजयराव देशमुख. महाराजांनी, शिवकार्याप्रमाणेच धर्मकार्यातही विलक्षण कार्य केले आहे. त्यांच्या ओजस्वी शब्दांतून अध्यात्म आणि जीवनाचं असणारं नातं सहज उलगडत जातं. महाराजांच्या या अध्यात्मिक कार्याविषयी, येथील गुरुपरंपरेविषयीची माहिती `गुरुप्रबोध नवनीत`या पॉडकास्ट मालिकेच्या या पहिल्य़ा भागात आपण घेणार आहोत, गौरव कुलकर्णी यांच्या प्रासादिक आवाजात.
