成為付費訂閱者：https://creators.spotify.com/pod/show/miss-cha5/subscribe移英中學中文老師，因為怕仔仔（就快3歲）唔識中文，帶咗海量嘅中文教科書、故事書同練習，準備慢慢教佢廣東話、普通話，同埋學寫中文字。由佢識坐直開始，我就同佢睇繪本、講故事。聽故事對小朋友學語言嚟講，有趣又易吸收，即使佢細個未識講嘢未識對答，但腦仔其實已不斷儲緊詞彙，越早聽故事，對學習語言好有幫助。知道好多移英香港人都想仔女學好中文，所以順便post上podcast分享（整咗幾集，發現一d 都唔「順便」，為求流暢，要先寫稿，仲要試講好多次😅）。除咗成語，我其實仲想講唐詩、論語、世説新語、童話故事、節日文化、小朋友安全常識、培養好習慣、日常禮儀、十萬個為甚麼、遇險自救方法、情緒管理等等。廣播嘅對象主要俾喺外國而又繼續想學廣東話嘅小朋友為主，所以會作出好輕微嘅改動，令內容更淺白，例如「舉鋤鋤地」，我會講成「繼續耕作」，又如時間的「間」，正音係「奸」，我會照讀間尺的「間」，令佢哋易d明白。大部份廣播都屬免費，但係都想得到你嘅支持，歡迎訂閱，當請下Michael食生果～