Afleveringen
-
Хүн ямар нэгэн зүйлийг удаан эрж хайж явсны эцэст олохоороо бусадтайгаа хуваалцах хүсэл төрдөг. Хүн болгон энэ хорвоод ямар нэгэн даалгавартай ирдэг гэж ярьдаг, магадгүй тэр нь л энэ байх гэж би боддог.
Тийм биш бол шинжлэх ухааны нээлт, шинэ бүтээл, шинэ арга зам, амьдрах ухаан, дөт зам гээч зүйлс бий болохгүй байх байсан.
Тэгвэл таны хувьд ямар зүйлийг даван туулж чадсан бэ? Ямар зүйлд хүрч чадсан бэ? Тэрийгээ хуваалцах нь таны цаашид хийх ёстой зүйл ч байж мэдэх юм. Заавал агуу том байх албагүй, заавал онцгой байх албагүй. Таны хувьд чухал байсан бол бусдад ч хэрэгтэй байх нь гарцаагүй.
Өөрийгөө ойлгоход тань, юу хийх ёстойгоо мэдэхэд тань дөхөм байж магадгүй гэж бодоод найзтайгаа ярилцсанаа хуваалцья. -
Австралируу ирэхээр сонирхож байгаа та нартаа зориулаад мэдээлэл хүргэх зорилгоор энэхүү подкостын цуварлаа гаргаж байна.
-
Zijn er afleveringen die ontbreken?
-
Өдөр тутмын бидний амьдралын нэгэн дайсан маань бас найз маань ухаалаг төхөөрөмж болсон байна. Ялангуяа бидний хүүхдэд яаж нөлөөлж байгааг нэг эргэж харах цаг болсон мэт. Байна уу? Подкастын шинэ дугаараа ухаалаг төхөөрөмж бидний хүүхдэд яаж нөлөөлсөн талаар жишээтэй ярилцлаа.
-
Ээж хүн , эхнэр хүний ажил дуусахгүй байхад яаж өөртөө цаг гаргах юм бэ ? гэж бодогдож байвал энэ дугаарыг сонсоод үзээрэй. Бидний хамтдаа хөгжилдөж өөрсдийн асуудалаа шийдэх арга зам нь нэгэндээ ярих, нэгний сонсох юм. Бүсгүйчүүд минь чамайг байгаагаар нь хайрлаж чаддаг найзтай байх нь маш том давуу тал шүү.
-
Эмэгтэй хүнд хайр халамж хэрэгтэй, эр хүнд хүндлэл хэрэгтэй гэр бүлийн орчинд энэ хэрэгцээ хангагдахад ямар их хүчтэй хайр ундран гарахыг бид таашгүй. Нөхрөөсөө хайр, халамж хүртэхийн тулд юуг анхаарвал дээр бол? Энэ талаар Туул бид 2 -ын ярьлцсан дугаарыг та бүхэндээ хүргэж байна.
-
Найзыгаа хүлээн зөвшөөрөхгүй бол та найзгүй, нөхөрөө хүлээн зөвшөөрөхгүй бол та хайрлуулахгүй, хамт олноо хүлээн зөвшөөрөхгүй бол та ганцаардмал нэгэн. Хүлээн зөвшөөрөх эрх таньд байгаа. Бүх асуултын хариулт өөрт чинь байгаа бүсгүй минь. Чамайг бидний подкастыг сонсож байгааг мэдрэх сайхан байна шүү. 🥰
-
Эмэгтэйчүүдийн үерхэл юун дээр нураад байна? Юун дээр цэцэглээд байгааг ам уралдан ярилцлаа. Өөрийг чинь ойлгох сайхан найзтай байхыг хүсэж байвал энэ яриаг сонсоорой
-
Найзын нандин харилцаа сэтгэлийн утсыг яаж хөглөдгийг маш сайхан жишээн дээр ярьсныг бид 2-ын ярианаас анзаарах байх. Эмэгтэйчүүд бид нэгнийгээ яаж дэмжвэл амьдралын аянд аз жаргалтайгаар хамтдаа аялж болох вэ?
-
- Байна уу?
- Байна, байна
- ...
Ингэж бид өдөр тутамд, байнга ярьдаг. Энгийн мөртлөө эдгээр үгсээр эхэлсэн ярианууд сая сая хүний амийг аварч, хичнээн олон хүнд түргэн тусламжийг хүргэж, хичнээн хосуудыг учруулж, магадгүй хэн нэгний ганцаардлыг арилгаж, санасан сэтгэлийг дэвтээж, бас хичнээн олон гэр бүлийг бүтэн авч үлдсэн бол. Гайхалтай байгаа биз?
Энэ удаад 2 найз бүсгүйгийн утасны яриаг дэлгэвэл ямар вэ?
Бидний хувьд ч ялгаагүй, “- Байна уу?” гэж эхлэх энэ гайхамшигт яриа бие биедээ зааж зөвлөх, заримдаа зэмлэх, эсвэл хамтдаа хүсч мөрөөдөх, бас урамшуулах, түшиг болох гэх мэт олон зүйлийг шийдвэрлэх амьдралын минь томоохон хүч болдог. Товчхондоо бол харилцан хөгжих, төлөвших түлхэц маань болдог.
Тиймээс магадгүй хэн нэгэнд яг ийм найз дутагдаж байгаа бол, эсвэл өөрт байгаа асуудлаа ямар талаас нь харж, яаж хандахаа мэдэхгүй эргэлзэж байгаа бол бидний ярианаас хэрэгтэй зүйлээ олж авч магадгүй юм.Мэдээж, бид бас өөрсдөө улам хөгжиж, өөрсдийгөө нээх том зорилго тээсээр энэхүү “БАЙНА УУ?” нэртэй Подкастаа эхлүүлэхээр шийдсэн юм.
Бидэнтэй хамт байгаарай, баярлалаа.
Ajgaa&Tuul
