Afleveringen
-
Í þessum þætti ræða Halldór og Kjartan saman um bókina Mikilvægt rusl, sem er stórskemmtileg kómedía með Bitcoin ívafi og líklega fyrsta bókin á íslenskum markaði sem hægt er að kaupa fyrir Bitcoin. Einnig ræða þeir félagar um vegferð Halldórs sem rithöfundar og hvernig það kom til að hann varð hugfanginn af Bitcoin.
-
Zijn er afleveringen die ontbreken?
-
Í þessum þætti fjallar Björn Harðarson um þær miklu sveiflur sem einkennt hafa rafmyntamarkaðinn síðustu daga. Farið er yfir atburðarásina í tímaröð ásamt því að fjalla um það helsta sem hefur gerst með Bitcoin, Ethereum og Solana.
-
Í þessum þætti fórum við yfir það helsta í heimi rafmynta sem gerst hefur eftir helmingunina 19. apríl, ásamt því að fjalla um lykilatriði þeirra rafmynta sem eru að bætast við vöruúrval Myntkaupa.
Björn fer á dýptina og greinir helstu rafmyntir í þaula. Mælum eindregið með fyrir þá sem hafa áhuga á öðrum rafmyntum.
-
Í þessum þætti er fjallað um nýfengið samþykki bandaríska verðbréfaeftirlitsins á Ethereum kauphallarsjóðum (Spot ETF), en Bitcoin kauphallarsjóðir fengu samþykki hjá SEC í janúar á þessu ári. Einnig er fjallað um vendingar í bandarískum stjórnmálum en þar eru nokkuð sterk teikn á lofti um að stjórnmálamenn beggja flokka sjái sér tækifæri í því að taka upp málstað rafmynta þar sem sífellt stækkandi hluti almennings stundar nú viðskipti með rafmyntir.
-
Kjartan fjallar um Avalanche (AVAX) sem er nýjasta rafmyntin í boði á Myntkaupum.
-
Kjartan fjallar um Solana sem er nýjasta rafmyntin í boði á Myntkaupum.
-
Í þessum þætti er fjallað um Bitcoin helmingunina og um vel heppnaðan helmingunarfögnuð Myntkaupa. Einnig er farið yfir hvers viðskiptavinir mega vænta á næstunni í vöruúrvali Myntkaupa.
-
Daði Kristjánsson, framkvæmdastjóri Visku Digital Assets, fór yfir allt það helsta i heimi rafmynta. Ítarleg umfjöllun um áhrif kauphallarsjóðanna og Bitcoin sett í samhengi við efnahagslegar aðstæður í víðari skilningi. Einnig fjallað um viðhorf íslensks fjármálakerfis gagnvart Bitcoin og rafmyntum.
-
Í þessum þætti er fjallað um hvað hefur gerst fyrstu dagana í starfsemi Bitcoin kauphallarsjóða frá því að þeir hlutu samþykki bandaríska verðbréfaeftirlitsins 10. janúar. Sérstaklega er fjallað um uppbyggingu og áhrif Grayscale sjóðsins og hvaða áhrif hann kann að hafa haft á gengi Bitcoin undanfarna daga.
-
Eftir lokun markaða vestanhafs í gær, 10. janúar 2024, tilkynnti bandaríska verðbréfaeftirlitið, SEC, að allar umsóknir um Bitcoin kauphallarsjóði hefðu verið samþykktar. Í þessu fréttahorni er fjallað um hvaða þýðingu má ætla að felist í tilkomu þessara sjóða.
-
Töluverðar verðhækkanir hafa einkennt gengi Bitcoin fyrstu daga ársins og má rekja þær til eftirvæntinga um tilkomu Bitcoin kauphallarsjóða. Vægast sagt undarleg atburðarás átti sér stað 9. janúar og leiða má líkur að því að ekki öll kurl séu komin til grafar
-
Sálfræðingurinn Björn Harðarson fjallar um bakgrunn sinn í rafmyntum, hverju hann býst við í næsta bolamarkaði, af hverju Bitcoin skiptir máli, sálfræðina á bak við ákvarðanatöku hjá þátttakendum á markaði og margt fleira.
-
Í þessum þætti er fjallað um þær miklu verðhækkanir sem hafa átt sér stað undanfarna daga á gengi Bitcoin, en nýverið náði það hæstu hæðum ársins. Fjallað er um þær ástæður sem kunna að skýra þessar verðhækkanir. Eins er fjallað um næstu helmingun Bitcoin og þá þýðingu sem helmingunin hefur haft fyrir verðþróun myntarinnar í sögulegu samhengi.
-
Í þessum þætti er fjallað um skuldavanda Bandaríkjanna og hvernig Bitcoin getur verið lausnin við núverandi peningakerfi, en rætt var talsvert um þessi málefni á nýafstaðinni ráðstefnu um Bitcoin. Einnig er fjallað um áhugaverða falsfrétt frá Cointelegraph sem keyrði Bitcoin tímabundið í $30.000!
- Laat meer zien
