Afleveringen
-
Davíð Snorri Jónasson er alinn upp í Fellahverfinu í Breiðholti. Hann er kennararmenntaður og hefur starfað sem slíkur ásamt því að hafa náð frábærum árangri sem knattspyrnuþjálfari.
Davíð Snorri er í dag aðstoðarþjálfari A-landsliðs karla en hefur einnig þjálfað 21 árs landslið Íslands, yngri landslið ásamt því í að hafa þjálfað hjá Leikni og Stjörnunni.
Við fórum yfir feril Davíðs Snorra, hvernig maður býr til liðsheild, byggir upp sjálfstraust, lið og margt fleira.
Davíð Snorri hefur einstaklega þægilega nærveru og vonandi skilar það sér til ykkar.
Þátturinn er í boði Visitor, Lengjunnar, Hafsins Fiskverslunar, World Class og að sjálfsögðu Tékkneska ríkisins í gegn Budvar.
Njótið kæru vinir! -
Það er leikdagur á HM í handbolta og tilvalið að kynna einn okkar besta þjón landsliðsins síðustu ár til leiks.
Gunnar Magnússon er Víkingur sem hefur verið aðstoðarþjálfari Alfreðs Gísla, Guðmundar Guðmunds og Arons Kristjánssonar hjá landsliðinu auk þess að vera tímabundinn landsliðsþjálfari um stuttan tíma.
Gunnar gerði ÍBV fyrstur manna að Íslandsmeisturum í karlahandbolta og hefur leikið sama leik með Hauka. Í dag þjálfar hann Aftureldingu í Mosfellsbæ.
Við fórum yfir víðan völl. Frá upphafsárunum í þjálfun í Víking, við komum við í Peking og hver veit nema að Gunnar eigi eftir að taka aftur við Víkingum!
Við Turnarnir bendum á ferð Visitor til Króatíu á morgun, það eru til miðar. Kannski sjáumst við þar! Sökum ferðarinnar og slæmra meiðsla spyrils mun hann ekki sjást í World Class fyrr en um mánaðarmót, en ekki örvænta. Þá mætir hann tvisvar á dag.
Við skiptum yfir í 0%Budvar og það hjálpar til við val leikja á Lengjunni.
Í janúar borðum við fisk úr Hafinu fimm sinnum í viku, það hjálpar beinum að gróa. Ekki veitir af þessa dagana.
Njótið handboltans, hér fáið þið góða innsýn í landsliðið og fleira. -
Zijn er afleveringen die ontbreken?
-
Þórarinn Ingi Valdimarsson hitti mig í World Class Laugum og ræddi Vestmannaeyjar, Noreg og þurra Norðmenn, FH, Stjörnuna auk þess sem hann valdi lið af mönnum til að taka með sér á þjóðhátíð sem kemur á óvart!
Visitor, Lengjan, Hafið Fiskverslun, World Class eru með okkur í liði ásamt auðvitað Budwaiser Budvar!
Njótið vel! -
Brynjar Karl Sigurðsson er fyrrverandi leikmaður, núverandi þjálfari, businesskall, brautryðjandi og óumdeilanlega umdeildur náungi úr Breiðholtinu.
Brynjar Karl stofnaði Sideline Sports og í kjölfarið Key Habits og hefur selt hugbúnaðinn til ensku úrvaldsdeildarinnar, NBA og NFL ásamt því að vinna með bestu þjálfurum í heimi.
Brynjar Karl er þó líklega þekktastur hjá almenningi á Íslandi fyrir að hafa kveikt í íslensku íþróttalífi sem þjálfari ungra stúlkna í Stjörnunni, ÍR og nú Aþenu.
Við Turnarnir viljum eðli málsins samkvæmt þakka okkar stuðningsmönnum í Lengjunni, Hafinu fiskverslun, Visitor ferðaskrifstofu, World Class og Budvar!
Njótið vel! -
Fyrsti gestur ársins er úr efstu hillu.
Kristján Arason er einn af markahæstu landsliðsmönnum í heimi, einn fárra sem hefur skorað meira en 1000 landsliðsmörk.
Kristján lék handbolta með FH, var atvinnumaður í Þýskalandi og á Spáni og var á sínum tíma einn besti handboltamaður í heimi. Kristján var líka og er frábær þjálfari.
Við fórum yfir víðan völl. Við ræddum Geir Hallsteins, Bogdan, Heine Brand, fórum yfir þjálfun, afreksmennsku, hvernig það væri að vera faðir afreksíþróttamanns og margt fleira.
Við Turnarnir þökkum styrktaraðilunum okkar fyrir samstarfið. Nettó, Hafið fiskverslun, Lengjan, Budvar og Visitor eru okkar bakhjarlar.
Það er janúar sem þýðir handbolti. Ekki láta ykkur koma það á óvart þó við fáum nokkrar kempur í stúdíóið á næstu dögum.
Njótið ! -
Síðasti gestur ársins er einn af bestu körfuboltamönnum landsins. Hann er alinn upp í Hafnarfirði. Afi hans er Faðir körfuboltans í Hafnarfirði, pabbi hans og föðurbróðir goðsagnir í Haukunum og Kári er þekktur fyrir að geta skorað hvaðan sem er af vellinum, hvenær sem er, hvar sem er!
Við fórum yfir víðan völl og enduðum á því að ræða það sem skiptir máli - að vinna!
Við Turnarnir þökkum Nettó, Hafinu Fiskverslun, Visitir, Netgíró, Lengjunni, Fitnessport og Budvar fyrir samstarfið á árinu og ykkur fyrir hlustunina. Við ætlum að bæta frekar í þegar á árinu. Ykkur er að sjálfsögðu boðið með.
Góða skemmtun og njótið áramótanna. -
Það þarf ekki að kynna Óla Jóh og Bjössa Hreiðars fyrir neinum áhugamanni um íþróttir eða bara skemmtun yfir höfuð.
Þeir félagar mættu í miklu stuði í stúdíó og ræddu meðal annars áform um að koma inn í hlaðvarpsheiminn, hvernig Frú Guðný, eiginkona Óla, fékk tvíburana í FH, það skemmtilega við þjálfun, vinnu í sjónvarpi og margt fleira.
Við Turnarnir þökkum Nettó, Hafinu Fiskverslun, Visitir, Netgíró, Lengjunni, Fitnessport og Budvar fyrir samstarfið á árinu og ykkur fyrir hlustunina. Við erum rétt að byrja og margt á döfinni.
Góða skemmtun! -
Kári Ársælsson er fyrsti fyrirliði Breiðabliks til að lyfta Íslands og Bikarmeistaratitlinum í meistaraflokki karla í fótbolta. Það gerði hann á lágmarkslaunum!
Kári var 16 ára keyptur af Ásgeiri Elíassyni í Þrótt þar sem hann sat stundum á bekknum þegar Þróttarar féllu úr efstu deild eftir að hafa verið efstir eftir fyrri umferðina. Hann stundaði nám í Alabama í Bandaríkjunum og er þekktur "trash talker" meðal fótboltamanna.
Við ræddum þetta allt og miklu fleira þegar við fórum yfir feril Kára - sem er áhugaverður.
Við Turnarnir þökkum ykkur fyrir hlustunina og Nettó, Netgíró, Budvar, Hafinu Fiskverslun, Fitness Sport, Visitor og Lengjunni fyrir samstarfið.
Njótið jólanna, njótið þáttarins! -
Grétar Sigfinnur Sigurðarson er margfaldur Íslands og bikarmeistari í fótbolta. Vinir hans nefna hann þann vanmetna því hann er raðsigurvegari sem þó hefur ekki alltaf fengið það hrós sem hann á skilið.
Hann þurfti að fara krókaleið til að komast í KR-liðið, upplifði mikla höfnum þar en endaði alltaf uppi sem sigurvegari.
Við í Turnunum þökkum Nettó, Netgíró, Hafinu Fiskverslun, Fitness Sport, Budvar, Visitor og Lengjunni fyrir samstarfið.
Njótið vel! -
Helgi Jónas Guðfinnsson á um margt áhugaverðan feril. Hann varð Íslandsmeistari í körfubolta með Grindavík bæði sem leikmaður og þjálfari og varð svo í haust Íslandsmeistari í fótbolta sem lykilmaður í þjálfarateymi Breiðabliks.
Hann var atvinnumaður í körfubolta, spilaði sinn fyrsta leik í efstu deild í knattspyrnu 26 ára, hannaði Metabolic æfingakerfið og hefur skrifað bækur!
Það er augljóst að Helgi Jónas er djúpur í þekkingu sinni á styrktarþjálfun, við ræddum þesskonar þjálfun og margt fleira.
Við Turnarnir þökkum Nettó, Netgíró, Hafinu Fiskverslun, Fitness Sport, Budvar, Visitor og Lengjunni fyrir frábært samstarf á árinu. Ykkur kæru vinir fyrir hlustunina og skilaboðið.
Áfram veginn.
Njótið -
Arna Stefanía Guðmundsdóttir er stórkostleg manneskja. Afrekskona í frjálsum, afrekskona í kennslu, meistari, snillingur og mannvinur í orði sem á borði.
Við Arna Stefanía fórum yfir farinn veg, ræddum það að vera barnastjarna, muninn á milli einstaklings og hópíþrótt, áttuðum okkur á því hversvegna við erum perluvinir og plönuðum margra manna date á næsta ári.
Við í Turnunum þökkum Nettó, Netgíró, Hafið Fiskverslun, Fitness Sport, Budvar, Visitor og Lengjunni fyrir samstarfið.
Njótið vel ! -
Fyrri gestur vikunnar er Teitur Þórðarson.
Teitur breytti þjálfunaraðferðum í knattspyrnu í Noregi, á Íslandi og í Eistlandi. Hann þjálfaði líka í Kanada og spilaði í Svíþjóð, Frakklandi og Sviss. Teitur hefur flutt 27 sinnum!
Teitur var frábær leikmaður. Stór, sterkur og fljótur með ríkt dugnaðargen í skrokknum.
Við fórum yfir fullt af hlutum. Árin í Noregi, hvernig það var að spila undir Arsene Wenger og hvað skiptir máli til að ná árangri og margt fleira.
Við Turnarnir þökkum Nettó, Netgíró, Lengjunni, Hafinu fiskverslun, Fitnessport, Visitor og Budvar fyrir að vera með okkur í liði.
Njótið! -
Gestur dagsins er Kristján Ómar Björnsson.
Kristján Ómar er einn leikjahæsti leikmaður í sögu Íslandsmótsins í knattspyrnu með skráða 531 mótsleiki hjá KSI auk þess sem hann spilaði í Svíþjóð, geri aðrir betur!
Kristján Ómar stofnaði Nú skólann í Hafnarfirði þar sem hann er nú Heilsustjóri.
Við fórum yfir víðan völl! Kristján valdi bestu leikmenn sem hann hefur spilaði með, besta þjálfarann, fór yfir um 30 ára meistaraflokksferil og kynnti mig fyrir stefnu skólans sem hann stofnaði.
Kristján Ómar er áhugaverður náungi.
Við þökkum Nettó, Hafinu fiskverslun, Netgíró, Visitor, Fitness sport, Netgíró og Budvar fyrir samstarfið góða og vonum að þið hafið jafn gaman að og ég við hlustunina.
Njótið! -
Fyrri gestur vikunnar er Stöðfirðingurinn Ívar Ingimarsson.
Ívar var farinn að spila með meistaraflokki fyrir fermingu á Stöðvarfirði þar sem hann náði í menn í frystihúsið til að spila við sig sem krakki.
Við fórum yfir feril Ívars á hundavaði. Þar segir frá dagbókarskrifum, seiglu ungs drengs og ákveðni. Einnig ræddum við lausagöngu sauðfjár og nú er spyrillinn kominn í spjallhóp á facebook um efnið..
Þessi þáttur er fyrir ungt íþróttafólk, fullorðið fólk og allt þar á milli.
Við í Turnunum þökkum Nettó, Netgíró, Lengjunni, Hafinu fiskverslun, Fitness sport , Visitor og Budvar fyrir að vera með okkur í liði.
Þið hafið fengið viku til að hlusta á hvern þátt. Nú mælum við með að stilla á hraða 1.5 því því þættirnir verða tveir í viku í þessum mánuði - svo tökum við stöðuna.
Njótið! -
Gestur vikunnar er einn af áhrifaríkustu þjálfurum í sögu þjóðar! Friðrik Ingi stýrði Njarðvíkurliðinu til sigurs í Íslandsmótinu þegar hann var einungis 22 ára gamall, geri aðrir betur.
Við ræddum Jordan, Phil Jackson, Pat Riley, liðsheild, makamissi, fótbolta, þríhyrningssóknina og um hvað lífið snýst um.
Þetta er skylduhlustun.
Við í turnunum þökkum Nettó, Netgíró, Lengjunni, Hafinu fiskverslun, Fitnessport, Visitor.is og Budvar fyrir að vera með okkur í liði.
Njótið! -
Gestur vikunnar er Íslandsmeistari í fótbolta 2024. Nik Chamberlain kemur frá Englandi, lærði í Alabama og tengdist Íslandi þar í gegnum
m.a. Sigga Sör, Kára Ársæls og Hjört Hjartar!
Hann kom til Íslands og spilaði á Álftanesi, hjá ÍH (rósir eru rauðar, fjöllin eru blá, hverjir eru bestir - ÍH) áður en hann spilaði fyrir austan hjá Hugin og KFF.
Hann setti mark sitt á Íslenskan fótbolta hjá kvennaliði Þróttar og var á haustmánuðum Íslandsmeistari með Breiðabliki.
Við fórum yfir margt. Meðal annars það að Breiðablik á að hafa sent Big Sexy í klippingu, hræðilegan tónlistarsmekk og tígulmiðjuna góðu ásamt því sem Nik valdi bestu leikmenn í sögu þjóðar kvennamegin!
Við í Turnunum þökkum okkar traustu bakhjörlum í Nettó, Netgíró, Lengjunni, Fiskversluninni Hafið, Fitness Sport og Tékkanum Budvar ásamt Visitor ferðaskrifstofu.
Njótið! -
Gestur vikunnar er mjög áhugaverður náungi. Hann æfði eiginlega ekki fótbolta í 3 og 4 flokki því það var ekki lið í Garðinum, þaðan sem Jóhann Birnir kemur. Elton John keypti hann til Watford og þar spilaði hann undir goðsögninni Graham Taylor. Jóhann spilaði svo i Englandi, Noregi og í Svíþjóð áður en hann kom heim til að spila með Keflavík. Eftir ferilinn hefur Jói verið þjálfari Keflavíkur, yfirþjálfari Keflavíkur, afreksþjálfari hjá FH og er ný þjálfari ÍR í Lengjudeildinni.
Við fórum breytt yfir sviðið.
Við í Turnunum þökkum okkar traustu bakhjörlum í Nettó, Netgíró, Lengjunni, Fiskversluninni Hafið, Fitness Sport og Tékkanum Budvar ásamt Visitor ferðaskrifstofu. Það er nóg framundan. Gamlir íþróttamenn eru byrjaðir að bóka tíma hjá mér og fyrsti þáttur með bransasögum kemur út, fyrir mánaðarmót :) -
Gestur vikunnar er í einu áhugaverðasta starfi í íslenskum fótbolta. Halli þjálfar lið frá bæjarfélagi þar sem enginn býr, því miður.
Við ræddum saman um fótboltaferilinn, 48 tíma reglu Bo Hendrikssen, hvernig það var að þjálfa með Heimi Guðjóns, Tuva og Jóni Þór ásamt því sem Haraldur spáir því að trúðurinn Trump verði næsti forseti Bandaríkjanna.
Kvikmyndaunnendur landsins munu líka njóta þessa þáttar enda er Halli kvikmyndafræðingur eftir að hafa gert lokaverkefni um Jón Pál Sigmarsson !
Við Turnarnir bjóðum Visitor velkomin í hópinn sem stuðningsaðilar. Þau bætast í hópinn við okkar hundtryggu aðdáendur í Nettó, Lengjunin, Netgíró, Hafinu fiskverslun, Fitness sport og Tékkanum Budvar!
Turnarnir eru í útrás - fylgist með :) -
Gestur vikunnar er maður frásagna! Hann hefur unnið titla sem leikmaður og þjálfari í körfubolta, var öflugur targetsenter í neðri deildum í fótbolta ásamt því að hafa gert nánast allt í fjölmiðlum á Íslandi þó hann sé sé eingöngu fertugur. Það má heldur aldrei gleymast að Kjartan Atli er rappstjarna!
Við Kjartan Atli ræddum allt milli himins og jarðar. Körfubolti, fótbolti, þjálfun, reglugerðir, áhrifavaldar og margt margt fleira bara á góma !
Við þökkum Nettó, Lengjunni, Netgíró, Fitness Sport, Tékkanum Budvar og Hafinu Fiskverslun fyrir samstarfið - það er nóg framundan.
Það Er Alltaf Von - Njótið! -
Gestur vikunnar er nýráðinn þjálfari Fylkis, Árni Freyr Guðnason.
Árni er alinn upp í Hafnafirði. Hann spilaði upp yngri flokka FH en hans bestu ár sem leikmaður komu í Breiðholtinu sem leikmaður ÍR.
Ásamt því að spila þá þjálfaði hann yngri flokka FH en hann hefur einnig þjálfað kvennalið FH og verið yfirþjálfari yngri flokka í Kaplakrika.
Árni Freyr tók við ÍR þegar félagið var í vandræðum í 2.deildinni í Júní 2022 en skilur við liðið í 1.deild sem eitt af liðum ársins í Íslenskum fótbolta.
Við Árni Freyr ræddum fótboltaþjálfun, golf, tónlist og dramatíkina vegna félagsskipta hans til Fylkis.
Við þökkum Nettó, Lengjunni, Netgíró, Fitness Sport, Tékkanum Budvar og Hafinu Fiskverslun fyrir samstarfið og hlökkum til framhaldsins.
Það Er Alltaf Von - Njótið! - Laat meer zien
