Afleveringen
-
Við byrjum á því að ræða Tyson vs Paul bardagann mjög stuttlega, var þetta handrit?Birkir fær erfiðustu ríða, drepa, giftast spurningu í heimi, sem enn er ekkert svar við! Við komumst að því af hverju Kári Stefánsson er að reyna að fá DNA allra Íslendinga! Svo ræðum við skandala, eins og þegar Woody Allen ákvað að byrja með stjúpdóttur sinni, Brangeilna skandallinn, Bill Clinton og Monica Lewinski, Norður Kóreskir hermenn sem eru að sjá internetið í fyrsta skipti í Rússlandi og Úkraínu, týndar kjarnorkusprengjur í heiminum, Tiger Blood ævintýri Charlie Sheen, P Diddy ruglið, og auðvitað stóra 2005 skandalinn á Íslandi sem Birkir var í! Svo stýrir Davíð leik á Birkir og Daða sem var vægast sagt flókinn, en samt svo einfaldur, misvel gefnir strákar!
-
Birkir byrjar þáttinn á því að sýna okkur búninginn sem hann gleymdi að taka með sér þegar við gerðum Halloween þáttinn, þetta er allt í tiktok og instagram hjá okkur. Þið finnið þá linka á bubblurogbjor.is. En svo förum við í málefni þáttarins, Bucket listarnir okkar, hvað langar okkur að gera áður en við kveðjum þessa jarðvist? Af hverju vill einn okkar ferðast til Kongó, Sýrlands eða Norður Kóreu, hver ætli það sé, svo er á lista að hitta Michael Jordan, sjá pýramídana, stofna fyrirtæki og reyna að forðast gjaldþrot, tropical ferð á skemmtiferðaskipi, klifra Everest, halda á tarantúlu og margt margt fleira sem við viljum gera. Við komumst líka óvænt að því að Davíð er Tik Tok ICON hjá unglingum á Íslandi, það kom flatt upp á Birki og Daða. Svo lokum við þættinum á sjúklega fyndnum og misheppnuðum leik þar sem við tárumst allir úr hlátri!
-
Zijn er afleveringen die ontbreken?
-
Það er slatti af nostalgíu í þessum þætti, ef þú varst 20 ára eða eldri um aldamótin, þá færðu algjört kikk, ef ekki, þá ertu að fara að læra helling! Í þessum þætti ræðum við ýmislegt sem við munum eftir, Birkir kemur með stuttar gamlar sögur af okkur í byrjun, ekki endilega það sem við Davíð bjuggumst við, en við ræðum svo líka viðburði, staði, hluti og fleira sem var í gamla daga þegar við vorum ungir og hvernig það var að alast upp og nota þessa hluti og fara á þessa staði. En við förum yfir eins og Tívolíið og Eden í Hveragerði, Vídeóheimar, RC Cola, Skittles bannið, gömlu gos jójó-in, tíkallasímar (hvað gerði Daði í tíkallasíma í Kringlunni 1994?), 2000 tölvuvandinn, hundurinn Lúkas og margt margt fleira, svo fara Birkir og Davíð í leik sem tengist klámmyndum í lokin!
-
Eins og vanalega hefst þetta á vinalegu banter spjalli um daginn og veginn, til dæmis vinsæla spurningin, eruð þið byrjaðir að kaupa jólagjafir, af hverju fáum við svona fáar jólagjafir og af hverju erum við hættir að gefa hvor öðrum jólagjafir? Það eru ágætis ástæður fyrir því reyndar. En svo komum við með efni þáttarins, fáránlega mikið af óþarfa upplýsingum sem enginn þarf að vita. Til dæmis, hvaða fíkniefni átti að leysa úr morfínfíkn, hvað er sérstakt við snípinn, hver átti að leika aðalhlutverkið í Die Hard áður en hlutverkið fór til Bruce Willis, hvaða genagalla eru kettir með og af hverju í andskotanum rauk Davíð út úr þættinum áður en upptökur kláruðust???
-
Í þessum þætti tökum við fyrir Hrekkjavöku, eða Halloween sem er handan við hornið! Daði byrjar á því að segja okkur af hverju hrekkjavaka er til og af hverju hún er haldin, hann fer einnig yfir það hvernig Trick or Treat eða Grikk eða Gott verður fylgifiskur hrekkjavöku. Birkir segir okkur frá því þegar hann lagði óvart hendur á konu á hrekkjavöku íklæddur Scream búning, ekkert eðlilega steikt en samt svo mikið seinheppni hann! Svo ræðum við í þættinum helstu raðmorðingjana, helstu hryllingskvikmyndirnar, förum yfir topp 20 lista þar og við förum líka yfir hryllilega hluti sem hafa gerst í raunveruleikanum á hrekkjavöku, þann 31. Október í gegnum árin. Einnig tölum við um eitrað hrekkjavökunammi og svo í lokin platar Birkir þá Daða og Davíð í að svara skrítnum spurningum í „Hvort myndirðu frekar“ HORROR EDITION! Einnig fáum við dúndurspurningu frá hlustanda sem slær í gegn!
-
Við byrjum þáttinn á smá ASMR bjórfroðu alveg óvart. Birkir mýkist upp og talar um hvað það er hollt að opna sig, eins og einhverjir vinir okkar gerðu á síðasta djammi, allir opnir með tilfinningar, Daði var þarna en var ekki að hlusta...what a guy! Birkir ræðir sína vegferð í því að tjá sig um tilfinningar og aðstæður og við hvetjum alla til þess að gera það!
Svo förum við í málefni þáttarins, Árið 1994! Stórmerkilegt ár með stórmerkilegum viðburðum, bíómyndum, tónlist og fleira, við skoðum líka hvaða merkilega fólk lést þetta ár og hvaða stórstjörnur fæddust, hvaða stórviðburðir áttu sér stað á Íslandi þetta ár, sem og í heiminum, vertu tilbúin/n til þess að fræðast helling, um árið 1994!
-
Kaótískur þáttur með miðaldra karlmönnum sem láta allt fara í taugarnar á sér, og mæta í podcast til að tuða yfir því! Allavega, hinir heimsfrægu Herpes bræður sameinast í þessum þætti, bara gleði með það! Þátturinn byrjar á því að strákarnir gefa Daða misgóðar og misfurðulegar afmælisgjafir, svo er farið í málefni þáttarins...væl og pirring.
Við pirrum okkur á öllu! Eru trúarbrögð heimskuleg og rót alls ills í heiminum? Verða Palli var einn í heiminum eða Harry Potter að Jesús eftir 2.000 ár? Eru allar bardagaíþróttir heimskulegar? Vegan gæludýr, hvað er það? Er metingur á milli kynja pirrandi! Er Cancellation Nation er óþolandi þjóðflokkur og margt margt fokking fleira sem er pirrandi! Svo eru nýir styrktaraðilar að bætast við...segir Birkir!
-
Eðlilega byrjum við þennan þátt á því að ræða allt ruglið í kringum P Diddy, did Diddy do what they Diddily say Diddi did? Við köfum ofan í það hvort við myndum mæta í svona partý og færum svo umræðuna yfir í stutt spjall um Playboy partýin sálugu og fræga fólkið þar.
Þá er það efni þáttarins, sem eru Urban Legends, er fjársjóður undir Skógarfossi, voru allir í The 27 club í raun myrtir, er Chupacabra til og bjó CIA til tölvuuleik árið 1981 í tilraunastarfsemi sem gerði fólk geðveikt? Þetta og margt fleira í þessum þætti sem lokast svo á því að Daði og Davíð lesa upp skrítnar auglýsingar frá vafasömum nýjum styrktaraðilum þáttarins!
-
Við byrjum þáttinn á því að ræða nýskeðan ísbjarnarblús á Íslandi, Birkir er með lausnina að koma þeim aftur heim, en hann vill fá borgað fyrir það, svo er það umræða þáttarins!
Skrítnustu vörurnar, vörur sem eru eiginlega tilgangslausar og/eða skrítnar. Til dæmis Crocs grifflur, USB gæludýrasteinn, Glow in The Dark klósettpappír, geimverudildó sem verpir eggjum (ekki spyrja) og rafhlöður sem ganga fyrir þvagi, þetta og margt fleira í þessum þætti ásamt dagbók Davíðs!
-
Jæja, þá er komið að hættulegasta þættinum okkar, hann byrjar sakleysislega en keyrir sig svo klárlega í gang, kannski að viðkvæmu blómin sleppi þessum. Við byrjum samt á því að ræða tanið hans Davíðs, Birkir segir okkur reynslusögu sem fjallar um það hversu stutt það væri að hann myndi kúka í sig í bílnum sínum. Svo taka Hot Takes við, hvað eru hot takes segirðu, það er eitthvað sem einhver hefur sterka skoðun á sem þarf alls ekki að endurspegla skoðanir annarra, og gerir það sennilega sjaldnast, þetta byrjar létt, og verður svo umdeildara, sumar skoðanir dansa á línunni en við tökum fram að það er bannað að cancella okkur...af því að það er ekki í boði. Daði spyr svo strákana óþægilegra spurninga í lokin!
-
Birkir byrjar þáttinn á því að væla yfir bakverkjum, enda kominn vel yfir fertugt. Við tökum Davíð aðeins í drithornið, bara fastir liðir.
Svo tökum við umræðu þáttarins um skrítna sjúkdóma. Til dæmis hraðöldrunarsjúkdóm, Cotard´s heilkennið þar sem fólk er fullvisst um að það sé látið, þótt það sé það ekki, Kluver-Buxy heilkennið sem orsakar fullt af óþarfa káfi! Treeman syndrome, já, googlið bara myndir af því ef þið þorið! Og auðvitað PSAS sjúkdóminn sem veldur því að þú eyðir heilum dögum í það að vera alveg að fá fullnægingu, en hún kemur ekki af sjálfsdáðum, bara svona dass nett til að pína þig! Þessir sjúkdómar og heilkenni og svo margt miklu fleira í þessum þætti, þátturinn endar svo á því að Birkir leggur nokkrar spurningar fyrir Daða og Davíð.
-
Við byrjum þáttinn á tæknilegum örðugleikum, bara gaman að því. En í þessum þætti ætlum við að þræða hinn flókna og stundum dökka heim fræga fólksins. Við förum yfir það hverjir eru vonda fólkið, ofbeldisseggir og misnotarar, hverjir eru hreinlega bara fávitar, en þátturinn er ekki bara á neikvæðu nótunum, því við könnum líka hvaða fræga fólk er bara doldið næs! Daði dæmir Michael Jackson, Birkir segir okkur frá „The Casting Couch“. Við ræðum þegar Will Smith sýndi sitt rétta andlit. Var Elvis dálítill perri? Þetta er sennilega einn gelgjulegasti þátturinn okkar, en skemmtilegur er hann...hlutlaust mat!
Þátturinn klárast svo á því að Birkir setur Daða í leikinn „Hvort myndirðu frekar“ og Daði endar á því að rjúka út!
-
Í þessum þætti ætlum við að fara rétt ofan í sögu Ólympíuleikanna á okkar sérstaka hráa hátt. Við byrjum á að stikla á því skemmtilega úr þeim síðustu og förum svo yfir hinar furðulegustu „íþróttir“ sem voru eitt sinn inni í þessum leikum. Eins og dúfu skotkeppni, nei, ekki leirdúfu skotkeppni, heldur dúfu skotkeppni! Púðluhundasnyrting sem 128 keppendur tóku þátt í, það voru veittar medalíur fyrir málaralist sem var eiginlega bara að kasta málningu úr fötu og reyna að fá flottustu áferðina. Við komumst að því að klikkuðustu Ólympíuleikarnir fóru fram árið 1900. Og eitt sinn sendu víst Spánverjar fullheilbrigt lið fyrir sína hönd á Ólympíuleika fatlaðra. En við byrjum þáttinn á því að rifja upp nineties unglingamyndir sem Birkir er að binge-a þessa dagana.
-
Í þessum þætti förum við yfir heppnasta fólk í heimi, sem flest hafa naumlega sluppið frá dauðanum á ótrúlegan hátt, og sumir oftar en einu sinni, jafnvel átta sinnum og ættu bara að vera heima hjá sér umvafin í bómul og búbbluplast. Hver var svo klár að þjappa dýnamít með járnkarli? Hver lifði af tvær kjarnorkusprengjur á fjórum dögum? Hvernig er að sogast út úr flugvél og hvað gerirðu þegar þú færð 9 líf en klárar 8 af þeim?
En við byrjum þáttinn á því að Daði túlkar þemalag þáttarins skelfilega illa. Birkir tuðar yfir leiðinlegu veðri og kinnholusýkingu, mjög erfitt allt saman.
Svo ræðum við smá landablöndur og vegan áróður og Daði segir mestu alkóhólistasetningu sem hann hefur sagt.
Daði skellir Birki svo í „Giskaðu á hljóðið“ leik í lokin!
-
Það er mikið um glens og grín í þessum þætti eins og alltaf þegar Herpes bræður mæta, Davíð og Þröstur. Við losnum ekki við þá, þeir bara mæta aftur og aftur! Birkir byrjar þáttinn á því að kasta fram sinni hugmynd að framhaldslífi hvolpasveitarinnar fyrir eldri kynslóðir, eiginlega bara mjög góð hugmynd að bíómynd. Svo klúðrar hann brandara sem hann fékk gefins.
En svo förum við í umræðu þáttarins, um Disney samsteypuna.
Lét Walt Disney í alvöru frysta sig eftir dauðann? Voru Disney teiknimyndir fortíðarinnar með áróður tengdu stríði? Er Disney að miða á rangan markhóp í dag með Marvel og Star Wars? Er Disney of mikið á “woke” vagninum? Var Tinkerbell að dreifa álfaryki eða englaryki og var Mjallhvít íslensk? Svo kemur Þröstur með reynslusögu úr heimsókn í Disney World, sem er peningamaskína fyrir Disney en peningasvarthol fyrir fjölskyldur.
Þetta og margt fleira kemur í dagsljósið í þessum bráðskemmtilega þætti. Herpes bræður fara svo í spurningakeppni í lok þáttar þar sem ýmsar óþægilegar spurningar líta dagsins ljós, af hverju var Davíð hent út af facebook og instagram? Það er stóra spurningin í lífinu!
-
Í þessum þætti gefst ykkur tækifæri á að kynnast aðeins skuggalegri fortíð þáttastjórnenda.
Fyrst tökum við létt spjall um þessa blessuðu endalausu Ólympíuleika á léttum nótum og Birkir talar um að hann ætli að taka jákvætt ár þrátt fyrir íslenska sumarið sé að drepa hann tilfinningalega.
Við ætlum að rifja upp gömul strákapör í hópnum Krass sem var hið íslenska Jackass, byrjuðum meira að segja á undan Jackass (Já, við erum gamlir). Við tölum um atriði sem við gerðum eins og þegar það kviknaði í Birki, þegar við vorum fengnir til þess að hita upp fyrir Jackass 2, þegar við tókum live show á Akureyri, þegar við vöktum athygli meðlima Jackass hópsins á myspace í fortíðinni og þegar við komum fram í þáttunum Top 20 Most Dumbass Daredevils en Top 20 Most serían var vinsæl í sjónvarpi hér á landi meðal annars, og þegar við komum á MTV. Og við tölum um enn fleiri lífshættuleg atriði sem við tókum upp, einnig tölum við um bölvunina sem hvíldi á hópnum sem lagði niður hvert fyrirtæki eftir annað. Popptívi, XFM, NFS fréttastöðina, minnsirkus og fleira.
Við tökum svo símahrekki í lokin á nokkra vel valda vini og kunningja.
Við munum svo auðvitað setja inn krassandi myndbönd tengd þættinum á Instagram og TikTok.
-
Birkir byrjar á því að tala um sitt sjötta skilningarvit sem tengist klósettferðum Daða. Frekar einkennilegt...
En í þessum þætti förum við yfir skrítna hluti sem hafa fundist á jörðinni. Hlutir eins og hinn dularfulli London hamar, Baghdad battery sem er 2.000 ára gömul rafhlaða, fjársjóður sem fannst undan ströndum Ísraels, nokkrir 2 metra háir Lego kallar sem hafa fundist á ströndum við Ameríku og Evrópu. Dularfull dúkka úr Titanic sem fannst á undan skipinu sjálfu. Sjalið hans Jesú, falsað eða ekki falsað? Birkir fræðir okkur svo um smíði pýramídanna og Daði fjallar um þorpið sem fannst á hafsbotni...Atlantis?
Birkir fer svo í leik í lokin í boði Daða.
-
Við fengum hlaðvarpsmógúlinn Frosta Logason til okkar í skemmtilegt spjall þar sem við förum til dæmis yfir Mínus ferilinn og rokk ævintýrin, hvernig það var að túra með Papa Roach og hita upp fyrir bönd eins og Incubus, Muse, Velvet Revolver, Metallica og fleiri. Við ræðum einnig um woke kúltúrinn á Íslandi, Big Pharma, Trumpismann, sjóævintýri Frosta, hlaðvarpsheiminn og margt fleira. Skemmtilegt spjall þar sem við förum yfir víðan völl!
-
Hellum okkur í tilgangslausa fróðleikinn!
Hversu þung eru ský! Vatn er ekki blautt! HA! Heilinn á þér er stanslaust að borða sjálfan sig, hver var hauslausi Mike sem lifði vel og lengi...hauslaus. Hvað eru margir með þriðju geirvörtuna, af hverju frýs heitt vatn hraðar en kalt vatn og af hverju klæjar okkur í húðina!!! Þú færð svör við helstu mysteríum lífsins í þessum þætti, svo hendir Daði í leik fyrir Birki og við komumst að því hvort hann sé skarpari en skólakrakki og auðvitað endar þetta á Dagbók Daða þar sem blautir draumar koma við sögu...
-
Dáðasti sonur Íslands (að eigin sögn) snýr aftur heim eftir tveggja vikna skelfingarútlegð!
Birkir ferðaprinsessa snýr tilbaka frá Tenerife og er ansi svipaður Ross úr Friends þegar hann fór í misheppnaða brúnkuspreyið. Birkir segir okkur aðeins frá klikkuðu villunni sem hann gisti í og færði sig svo á 5 stjörnu hótel með nektarnýlendu á þakinu sem hann sver að hann heimsótti ekki, villa er auðvitað ekki nóg fyrir garðbæinginn okkar. Hann sleikti sárin með því að leigja snekkju, bara ósköp venjuleg utanlandsferð.
Svo vildi Birkir fá update af því sem gerðist í heiminum á meðan hann lá í sólarmóki. Hann fær að vita að síðasta eldgos er búið. Hann furðar sig á því hvað þetta EM er sem allir tala um. Við ræðum um snöggfrægð Hailey „Hawk Tuah“ Welch og einnig Bobbi Althoff. Svo hlægjum við að Biden og Trump og förum yfir viðburði, hluti og staði sem eru yngri en þeir báðir. Birkir hendir svo Daða í „Ertu skarpari en skólakrakki“ leik og Dagbók Birkis lítur dagsins ljóss í fyrsta og kannski síðasta skipti, svo auðvitað rekur Dagbók Daða lestina í lokin.
- Laat meer zien
