Dilli Dali – Podcast

Afleveringen

വല്ലഭേ : വൈദ്യഭൂഷണം രാഘവൻ തിരുമുൽപ്പാട് എഴുതിയ കവിതയുടെ വായനാനുഭവം67/2023
17 nov· Dilli Dali
മഹാപണ്ഡിതനായ വൈദ്യഭൂഷണം രാഘവൻ തിരുമുൽപ്പാട് എഴുപത്തിനാലാം വയസ്സിൽ ഭാര്യയുടെ മുഖത്തേക്കുനോക്കി ഒരു കവിതയെഴുതി, കവീശ്വരൻ പണ്ടേ പറഞ്ഞില്ലേ , 'ഇമ്മട്ടൊക്കെയെഴുന്ന രാഘവൻ സീതയുടെ കാന്തനാകാൻ അനർഹനാണ്' എന്ന് .തനിക്ക് അദ്വൈതത്തിൽ പഠിപ്പേറുകിലും, ജീവിതത്താൽ ലോകത്തിനോട് നീ എന്നേക്കാൾ സമഭാവം പഠിച്ചു എന്നും ഭാര്യയോട് രാഘവൻ തിരുമുൽപ്പാട് പറയുന്നു. എപ്പോഴും സ്വകർത്തവ്യം മാത്രം നോക്കി നടന്ന തനിയ്ക്ക് 'നിന്നെ വഴിപോലായില്ല ലാളിയ്ക്കുവാൻ' എന്നും കവിത കുമ്പസാരിക്കുന്നു.ഒൻപതു ശ്ലോകങ്ങളുള്ള 'വല്ലഭേ ' എന്ന കവിതയുടെ വായനാനുഭവമാണ് ഈ പോഡ്‌കാസ്റ്റ് .സ്നേഹത്തോടെ എസ്‌ . ഗോപാലകൃഷ്ണൻ
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
സ്വതന്ത്രം പക്ഷേ ഏകാന്തം, സ്വതന്ത്രം എന്നാൽ ആഹ്ലാദം : A podcast by S. Gopalakrishnan 66/2023
12 nov· Dilli Dali
പ്രിയ സുഹൃത്തേ,നമ്മുടെ ആഹ്ലാദവേളകളെ പ്രസന്നമാക്കുന്ന സംഗീതങ്ങൾ ഉണ്ടായത് ആഹ്ലാദത്തിൽ നിന്നാകണമെന്നില്ല.സംഗീതചരിത്രത്തിലെ ഒരു ദുരന്താദ്ധ്യായമാണ് ഈ പോഡ്‌കാസ്റ്റ്.പാശ്ചാത്യസംഗീതത്തിലെ എക്കാലത്തേയും വലിയ സംഗീതജ്ഞരിൽ ഒരാളായ Johannes Brahms , അദ്ദേഹം ഗുരുസ്ഥാനത്ത് പ്രതിഷ്ഠിച്ച Robert Schumann, ഭാര്യയും വിശ്രുത പിയാനോ വാദകയും ആയിരുന്ന Clara Schumann എന്നിവരുടെ ജീവിതദുരന്തങ്ങൾ എങ്ങനെ മഹത്തായ സംഗീതത്തിന് വഴിയൊരുക്കി എന്നന്വേഷിക്കുന്ന പോഡ്‌കാസ്റ്റ് .'സ്വതന്ത്രം പക്ഷേ ഏകാന്തം സ്വതന്ത്രം എന്നാൽ ആഹ്ലാദം'സ്നേഹപൂർവ്വം എസ് . ഗോപാലകൃഷ്ണൻ 12 നവംബർ 2023 https://dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
Zijn er afleveringen die ontbreken?

Klik hier om de feed te vernieuwen.
അസത്യമായ സത്യം : ജോൺ ലെനൻ നിർമ്മിതബുദ്ധിയിൽ വീണ്ടും പാടുമ്പോൾ A podcast by S. Gopalakrishnan 65/2023
7 nov· Dilli Dali
1980 ൽ വെടിയേറ്റു മരിച്ച ജോൺ ലെനന്റെ ശബ്ദം നിർമ്മിതബുദ്ധിയിൽ പുതുതായി നിർമ്മിച്ച് 'Now and Then' എന്ന ഗാനം പുറത്തുവന്നിരിക്കുന്നു. ബീറ്റിൽസിന്റെ പുതിയ ഗാനം.നിർമ്മിതബുദ്ധിയും കലയും എന്ന വിഷയത്തെ കുറിച്ചുള്ള ചില ചിന്തകളാണ് ഈ പോഡ്‌കാസ്റ്റ് .Artificial എന്ന വാക്കിൽ തന്നെ Art ഉള്ളതല്ലേ ?സത്യം പറയാനുള്ള നുണയാണ് കല എന്ന് പിക്കാസോ പണ്ടേ പറഞ്ഞതല്ലേ ? സ്റ്റുഡിയോയിൽ മനുഷ്യശബ്ദത്തിന് എത്രമേൽ മാറ്റങ്ങൾ വരുത്തിയാണ് കലാശബ്ദലേഖനത്തിൽ സാങ്കേതിക വിദ്യ പണ്ടേ പുരോഗമിച്ചത് ? ഒരു കലാ -ധർമ്മ വിചാരം.
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
കേരളത്തിലെ സങ്കീർണ്ണ സംഘീർണ്ണത : A conversation between P.N. Gopikrishnan and S. Gpalakrishnan 64/2023
1 nov· Dilli Dali
പ്രിയ സുഹൃത്തേ,2023 ലെ കേരളപ്പിറവി ദിനത്തിലെ ദില്ലി-ദാലി പോഡ്കാകാസ്റ്റിൽ കവിയും സാമൂഹ്യഗവേഷകനുമായ പി. എൻ. ഗോപീകൃഷ്ണണനുമായുള്ള ഒരു സംഭാഷണമാണ്.രാഷ്ട്രീയനേട്ടങ്ങൾ ഹിന്ദുത്വശക്തികൾക്ക് കേരളത്തിൽ ഉണ്ടാക്കാൻ കഴിയുന്നില്ലെങ്കിലും കക്ഷിരാഷ്ട്രീയഭേദമന്യേ കേരളത്തിലെ വിവിധ ഹിന്ദുസമൂഹങ്ങളിൽ, വ്യക്തികളിൽ സാംസ്കാരികമായി എങ്ങനെ ഹിന്ദുത്വയുടെ ആഖ്യാനങ്ങൾ കടന്നുകയറിയിരിക്കുന്നു എന്ന വിഷയത്തെക്കുറിച്ച് ഒരാലോചന.മലയാളിയിലെ അദൃശ്യമോദി, അദൃശ്യ . സവർകർ..കേൾക്കണമെന്ന് അഭ്യർത്ഥിക്കുന്നു.സ്നേഹപൂർവംഎസ്. ഗോപാലകൃഷ്ണൻനവംബർ ഒന്ന്, 2023https://dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
യുദ്ധഭൂമിയിൽ പരിക്കേറ്റ അഞ്ചുവയസ്സുകാരിയ്ക്ക് എന്ത് ദേശീയത,എന്ത് മതം?63/2023
31 okt· Dilli Dali
ഈ പോഡ്‌കാസ്റ്റ് ഉന്നയിക്കുവാൻ ആഗ്രഹിക്കുന്ന ഒരേയൊരു ചോദ്യം യുദ്ധഭൂമിയിൽ പരിക്കേറ്റ ഒരഞ്ചുവയസ്സുള്ള കുഞ്ഞിന്റെ സ്വത്വത്തെ കുറിച്ചാണ് . ആ കുഞ്ഞിന് എന്ത് ദേശീയത? ഏത് രാഷ്ട്രം ? എന്തുമതം ? യുദ്ധത്തിൽ അച്ഛനും അമ്മയും നഷ്ടപ്പെട്ട ആ കുഞ്ഞിന്റ അനാഥത്വത്തിനുള്ള സമർപ്പണമാണ് ഈ ലക്കം ദില്ലി -ദാലി പോഡ്‌കാസ്റ്റ് .ഒന്നാം ലോകയുദ്ധം മുതൽ അമേരിക്ക ഇറാക്കിൽ നടത്തിയ യുദ്ധം വരെയുള്ള യുദ്ധഭൂമികളിൽ അകപ്പെട്ട കുട്ടികൾ എഴുതിയ ഡയറിക്കുറിപ്പുകളുടെ സമാഹരണമായ 'Stolen Voices'എന്ന പുസ്തകത്തെ അധികരിച്ചുള്ള ഈ പോഡ്‌കാസ്റ്റിൽ ലെബനീസ് ഗായകൻ മർസെൽ ഖലീഫ്‌ പാടിയ മഹ്മൂദ് ഡർവിഷ് ഗാനവും 1966 ൽ ഐക്യരാഷ്ട്രസഭയിൽ എം എസ് സുബ്ബുലക്ഷ്മി പാടിയ ലോകമൈത്രീഗാനവും ഉൾപ്പെടുത്തിയിരിക്കുന്നു .സ്നേഹപൂർവ്വം എസ് .ഗോപാലകൃഷ്ണൻ 31 ഒക്ടോബർ 2023https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഗാസാ സംഘർഷത്തെക്കുറിച്ച് ഒരു സംഗീതജ്ഞൻ പറയുന്നത് : A podcast by S. Gopalakrishnan 62/2023
17 okt· Dilli Dali
ചിന്തകൻ Edward Said 1999 ൽ ഒരു സംഗീതസംഘത്തിന് രൂപം നൽകി. West Eastern Divan Orchestra സംഗീതജ്ഞനായ Daniel Barenboim കൂട്ടിനുണ്ടായിരുന്നു. പലസ്തീനിലെയും ഇസ്രയേലിലെയും സംഗീതജ്ഞന്മാർ അതിൽ അംഗങ്ങളാണ്. സംഗീതം ഏകമാനവികതയിലേക്കുള്ള യാത്രയിലെ ഒരു മാർഗ്ഗമാണെന്നുള്ള വിശ്വാസം ഇങ്ങനെയൊരു നീക്കത്തിന് അവരെ പ്രേരിപ്പിച്ചു. എഡ്വേർഡ് സയിദ് 2003 ൽ അന്തരിച്ചു . സംഗീതസംഘം ഇപ്പോഴും സജീവം .ഈ ലക്കം ദില്ലി -ദാലി പോഡ്‌കാസ്റ്റ് ഗാസയിലെ ഇപ്പോഴത്തെ ദുഃഖത്തെ /യുദ്ധത്തെ മുൻനിർത്തി Daniel Barenboim എഴുതിയ ലേഖനത്തിന്റെ മലയാളപരിഭാഷയാണ്. The Guardian പ്രസിദ്ധീകരിച്ച ലേഖനത്തിൽ Barenboim പറയുന്നു, സ്വന്തമായി ഒരു രാഷ്ട്രം എന്ന ജൂതസ്വപ്നം ആശയാടിസ്ഥാനത്തിൽ തന്നെ തെറ്റായിരുന്നു. നാടില്ലാത്ത ഒരു ജനതയ്ക്ക് ജനങ്ങളില്ലാത്ത ഒരു നാട് നല്കാനില്ലായിരുന്നു. ഒന്നാം ലോകയുദ്ധം കഴിയുമ്പോൾ പലസ്തീൻ പ്രദേശത്ത് 8 ശതമാനമായിരുന്നു ജൂതർ. അതായത് 92 ശതമാനം മറ്റുള്ളവരായിരുന്നു. അതിനാൽ സന്തോഷമുള്ള പലസ്തീനികൾ ഇസ്രായേലിലെ യഹൂദരുടെ സുരക്ഷയ്ക്ക് ഏറ്റവും അവശ്യഘടകമാണ്'.സംഗീതജ്ഞൻ ലോകത്തെ മനസ്സിലാക്കുന്നത് അറിയുവാൻ ലേഖനത്തിന്റെ പൂർണ്ണരൂപം കേൾക്കൂ.West Eastern Divan Orchestra അവതരിപ്പിച്ച ബീഥോവൻ സംഗീതം പശ്ചാത്തലത്തിൽ.സ്നേഹപൂർവം എസ് . ഗോപാലകൃഷ്ണൻ 17 ഒക്ടോബർ 2023 https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഗാന്ധിയും പലസ്തീനും : A podcast by S. Gopalakrishnan 61/2023
15 okt· Dilli Dali
ഗാന്ധിയും പലസ്തീനും യഹൂദരാഷ്ട്രം , ചരിത്രത്തിൽ യഹൂദർ അനുഭവിച്ച ക്രൂരതകൾ , അറബ് ജനതയും പലസ്‌തീനും തുടങ്ങിയ വിഷയങ്ങളിൽ 1938 ലും 1946 ലും ഗാന്ധി എഴുതിയ അഭിപ്രായങ്ങളെ മുൻനിർത്തിയുള്ള ഒരു പോഡ്‌കാസ്റ്റാണിത്.2023 ൽ അതിനെന്തു പ്രസക്തി എന്ന് ഉടൻ നിഗമനത്തിലെത്താതെ ഈ പോഡ്‌കാസ്റ്റ് കേൾക്കണമെന്ന് അഭ്യർത്ഥിക്കുന്നു.സ്നേഹപൂർവ്വം എസ് . ഗോപാലകൃഷ്ണൻ 15 ഒക്ടോബർ https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ബന്ധുക്കളാൽ എന്നും ചതിപ്പെട്ട ജനത : Prof M.H. Ilias talks on the history of the Palestine conflict 60/2023
11 okt· Dilli Dali
സുഹൃത്തേ എങ്ങനെയാണ് സ്വന്തം ബന്ധുക്കളാൽ നിരന്തരം ചതിക്കപ്പെടുന്ന ഒരു ജനതയായി പലസ്തീൻ തുടരുന്നത് എന്നതിന്റെ പൂർണ്ണചരിത്രമാണ് ഈ പോഡ്‌കാസ്റ്റ് .മഹാത്മാഗാന്ധി സർവകലാശാലയിലെ School of Gandhian Thought and Development Studies ലെ പ്രൊഫസറായ എം .എച്ച് . ഇലിയാസുമായുള്ള സംഭാഷണമാണിത്. ഇസ്രയേലും UAE യും തമ്മിൽ മൂന്നുകൊല്ലങ്ങൾക്കുമുൻപേയുണ്ടായ കരാറിന്റെ നേരത്ത് ദില്ലി -ദാലി പ്രക്ഷേപണം ചെയ്ത ഈ ചരിത്രരേഖ ഞങ്ങളുടെ ശബ്ദശേഖരത്തിലെ ഏറ്റവും വിലപ്പെട്ട ഒരു പ്രക്ഷേപണമായിരുന്നു. വീണ്ടും ഗാസ യുദ്ധഭൂമിയാകുമ്പോൾ ഈ പോഡ്‌കാസ്റ്റ് വീണ്ടും അർത്ഥപൂർണമാകുന്നതിനാൽ Re-podcast ചെയ്യുകയാണ് RegardsS. Gopalakrishnanhttps://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
Book Talk with Deepak P : 'നിർമ്മിതബുദ്ധികാലത്തെ സാമൂഹിക രാഷ്ട്രീയ ജീവിതം'59/2023
10 okt· Dilli Dali
പ്രിയസുഹൃത്തേ ,പുതിയലക്കം ദില്ലി -ദാലിയിലേക്ക് സ്വാഗതം .അടുത്തകാലത്ത് മലയാളത്തിൽ ഇറങ്ങിയ വളരെ പ്രധാനപ്പെട്ട ഒരു പുസ്തകത്തെക്കുറിച്ചാണ് ഈ പോഡ്‌കാസ്റ്റ് .ബെൽഫാസ്റ്റിലെ Queen's University യിൽ കമ്പ്യൂട്ടർ ശാസ്ത്രത്തിൽ അദ്ധ്യാപകനായ ദീപക്. പി എഴുതിയ 'നിർമ്മിതബുദ്ധികാലത്തെ സാമൂഹിക രാഷ്ട്രീയ ജീവിതം' എന്ന പുസ്തകത്തെക്കുറിച്ച് ഗ്രന്ഥകാരൻ തന്നെ സംസാരിക്കുകയാണ് ഈ സംഭാഷണത്തിൽ.അൽഗോരിതങ്ങൾ ചെയ്യുന്ന തെറ്റും മനുഷ്യൻ ചെയ്യുന്ന തെറ്റും തമ്മിലുള്ള വ്യത്യാസമെന്താണ് , നൈതികവിഷയങ്ങളിൽ സിലിക്കൺ വാലിയ്ക്ക് സ്വയം തിരുത്തൽ ധാർമികതകൾ ഉണ്ടോ , മനുഷ്യന്റെ രീതികൾ നിർമ്മിതബുദ്ധിയുടെ രീതികളേക്കാൾ മേന്മയുള്ളതാണോ ,ഉത്തരവാദവിവരശാസ്ത്രമേഖലയിൽ നീതിയുടെ ആശയങ്ങൾ എങ്ങനെയാണ് പ്രവർത്തിക്കുന്നത് , നാം എന്തുകൊണ്ടാണ് നമ്മെ തന്നെ ഇങ്ങനെ വില്പനച്ചരക്കായി വെയ്ക്കുവാൻ തയ്യാറാകുന്നത് എന്നിങ്ങനെയുള്ള ചോദ്യങ്ങൾക്ക് ദീപക് മറുപടി പറയുന്നു .എറണാകുളംകാരനായ ദീപക് പി , മദിരാശി ഐഐടിയിൽ നിന്നാണ് എം .ടെക്കും പിഎച്ച് .ഡി യുമെടുത്തിട്ടുള്ളത്. സ്നേഹപൂർവ്വം എസ് . ഗോപാലകൃഷ്ണൻ 09 ഒക്ടോബർ 2023 https://dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഇന്ത്യയിലെ മാധ്യമസ്വാതന്ത്ര്യവും ഒരു മൈക്കിൾ ജാക്‌സൺ പ്രതിഷേധഗാനവും 58/2023
6 okt· Dilli Dali
നമ്മളൊന്നും അവർക്കൊരു പ്രശ്നമല്ലന്നേ ...ഡൽഹിയിലെ മാദ്ധ്യമപ്രവർത്തകർക്കെതിരെയുള്ള നടപടി ഒരു മൈക്കിൾ ജാക്‌സൺ പ്രതിഷേധഗാനത്തെ ഓർമ്മയിലേക്ക് കൊണ്ടുവന്നു .1996 ലെ ഈ പാട്ടിൽ മൈക്കിൾ ജാക്‌സൺ പാടി :'എല്ലാവർക്കും ഭ്രാന്തായോ ?എല്ലാവരും കാര്യങ്ങൾ വഷളാക്കുന്നു .വാർത്തകളിൽ കോട്ടുമിട്ടുവന്ന് എല്ലാവരും ആരോപണങ്ങൾ ഉന്നയിക്കുന്നു.എനിക്കാകെ പറയാനുള്ളത് ഒരൊറ്റ കാര്യമാണ് ,അവർക്ക് നമ്മളൊന്നും ഒരു പ്രശ്നമല്ലന്നേ ...വെറുപ്പിന്റെ ഇരയായി ഇരയായി ഞാൻ തളർന്നിരിക്കുന്നു ...എന്നെ പരിഗണിക്കാതെ പരിഗണിക്കാതെ ഞാൻ അദൃശ്യനായിരിക്കുന്നു 'ഡൽഹി സംഭവവികാസങ്ങളും മൈക്കിൾ ജാക്‌സൺ ഗാനവും പോഡ്‌കാസ്റ്റിൽ ഉൾപ്പെടുത്തിയിരിക്കുന്നു .സ്നേഹപൂർവ്വം എസ് . ഗോപാലകൃഷ്ണൻ 05 ഒക്ടോബർ 2023https://dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
സഹകരണം എന്ന ആശയവും ഗാന്ധിയും: കേരളത്തിലെ സഹകരണസംഘങ്ങൾക്ക് ഒരു ഗാന്ധിജയന്തി പോഡ്‌കാസ്റ്റ് 57/2023
2 okt· Dilli Dali
1946 ഒക്ടോബർ ആറാം തീയതി ഹരിജനിൽ ഗാന്ധിജി എഴുതി . ' ഏതൊരു സഹകരണപ്രസ്ഥാനത്തിന്റേയും വിജയരഹസ്യം എന്നത് അംഗങ്ങളുടെ സത്യസന്ധതയാണ്. കുറേ പണം കൈവെച്ച് അതിൽ നിന്നും കൂടുതൽ പണമുണ്ടാക്കാൻ ശ്രമിക്കുന്നത് മോശം ലക്ഷ്യമാണ്.അതുപോലെ മറ്റൊരിക്കൽ അദ്ദേഹം പറഞ്ഞു , ' സഹകരണപ്രസ്ഥാനങ്ങളിലെ അധികാരകേന്ദ്രീകരണം ഒരുനാൾ അരാജകത്വം ക്ഷണിച്ചുവരുത്തും' എന്ന് .കേരളത്തിലെ സഹകരണപ്രസ്ഥാനങ്ങളെ രക്ഷിക്കുവാൻ കക്ഷിരാഷ്ട്രീയഭേദമന്യേ സഹകാരികൾ പ്രതിജ്ഞയെടുക്കേണ്ട ഒരു ഗാന്ധിജയന്തിയാകട്ടേ ഇത് .ഗാന്ധിജിയുടെ സഹകരണാശയത്തെക്കുറിച്ചുള്ള ചെറിയ പോഡ്‌കാസ്റ്റ് കേൾക്കണമെന്ന് അഭ്യർത്ഥിക്കുന്നു .സ്നേഹപൂർവ്വം എസ് . ഗോപാലകൃഷ്ണൻ 02 ഒക്ടോബർ 2023
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
നരസിംഹറാവുവും നിസ്സാർ ഹുസൈൻ ഖാനും ഒരു തരാനയും : Podcast in memory of a meeting with PV Narasimha Rao 56/2023
30 sep· Dilli Dali
ഡൽഹിയിലെ മോത്തിലാൽ നെഹ്‌റു മാർഗിലെ ഒൻപതാം നമ്പർ വീട്ടിൽ പി . വി . നരസിംഹറാവുവിനെ ഞാൻ സന്ദർശിക്കുമ്പോൾ അദ്ദേഹത്തിന് 82 വയസ്സുണ്ടായിരുന്നു . ശുഭ്രവസ്ത്രധാരിയായി ആ കൃശഗാത്രം മുന്നിൽ വന്നിരുന്നു . അദ്ദേഹം സംസാരിച്ചത് ഹിന്ദുസ്ഥാനി സംഗീതത്തിലെ ഒരു പ്രത്യേക ഘരാനയെക്കുറിച്ചുമാത്രമായിരുന്നു. ആ ദിവസത്തിന്റെ ഓർമ്മയ്ക്കായിട്ടാണ് ഈ പോഡ്‌കാസ്റ്റ് . ഉസ്താദ് നിസ്സാർ ഹുസൈൻ ഖാൻ പാടിയ യമൻ രാഗതരാന അദ്ദേഹത്തിൻ്റെ ഇഷ്ടഗാനമായിരുന്നു. അതും പോഡ്‌കാസ്റ്റിൽ ഉൾപ്പെടുത്തിയിരിക്കുന്നു .കേൾക്കണമെന്ന് അഭ്യർത്ഥിക്കുന്നു .സ്നേഹപൂർവ്വം എസ് . ഗോപാലകൃഷ്ണൻ 30 സെപ്റ്റംബർ 2023https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഇന്ത്യാ -കാനഡ പിണക്കം : ചരിത്രവും യാഥാർഥ്യവും In conversation with R Prasannan 55/2023
25 sep· Dilli Dali
ആഗോളരാഷ്ട്രീയവും പ്രതിരോധരാഷ്ട്രീയവും ചരിത്രപരമായ ആഴത്തിൽ മനസ്സിലാക്കുന്ന ആർ . പ്രസന്നനുമായി സംസാരിക്കുമ്പോൾ നമ്മളും ആഗോളതലത്തിൽ നിൽക്കുന്നതുപോലെ തോന്നും.അദ്ദേഹം ഇപ്പോൾ മലയാളമനോരമയുടേയും The Week വാരികയുടേയും ഡൽഹിയിലെ റസിഡന്റ് എഡിറ്ററാണ്. ദില്ലി -ദാലിയിൽ ഇന്ത്യാ -കാനഡ പിണക്കത്തെക്കുറിച്ച് സംസാരിക്കുവാനാണ് അദ്ദേഹം എത്തിയത്.സംഭാഷണവിഷയങ്ങൾ : അപക്വമതിയും ആഗോളരാഷ്ട്രീയനേതാക്കളിലെ ആത്മരതിക്കാരിൽ ഒരാളുമായ ജസ്റ്റിൻ ട്രൂഡോയുടെ രാഷ്ട്രീയ സ്വേച്ഛകൾ മാത്രമാണോ ഇന്ത്യൻ -കാനഡ ബന്ധങ്ങളെ ചരിത്രത്തിലെ ഏറ്റവും വലിയ താഴ്-നിലയിലേക്ക് തള്ളിയത് ?, പുതിയ താഴ് -നിലയിൽ ഇന്ത്യയുടെ വക സംഭാവനയും ഉണ്ടോ ?, 1947 മുതലുള്ള ഇന്ത്യ -കാനഡ ബന്ധങ്ങളുടെ ചരിത്രം മറ്റെന്തെങ്കിലും പറയുന്നുണ്ടോ?, ലോകത്തിലെ രണ്ടു വലിയ ബഹുസ്വരജനാധിപത്യങ്ങൾ തമ്മിലുള്ള പിണക്കത്തിന് മറ്റ് പ്രത്യാഘാതങ്ങൾ ഉണ്ടോ ?, 15 .14 ബില്യൺ കനേഡിയൻ ഡോളർ വിലമതിക്കുന്ന ഉഭയവാണിജ്യബന്ധത്തിലെ കച്ചവടപ്പരുന്ത് എന്തിനും മീതേ പറന്ന് പ്രശ്നം പരിഹരിക്കുമോ ? എന്താണ് കാനഡയിലെ സിക്ക് രാഷ്ട്രീയം? രണ്ടുരാജ്യങ്ങൾ തമ്മിലുള്ള ബന്ധങ്ങൾ വഷളായിരിക്കുമ്പോൾ കാനഡയിലെ മലയാളികൾ, അങ്ങോട്ടേക്ക് പോകാൻ തയ്യാറായിരിക്കുന്നവർ ശ്രദ്ധിക്കേണ്ട കാര്യങ്ങൾ എന്തൊക്കെയാണ് ?പോഡ്‌കാസ്റ്റ് ദൈർഘ്യം : 36 മിനിറ്റ് കേൾക്കണമെന്ന് അഭ്യർത്ഥിക്കുന്നു സ്നേഹപൂർവ്വം എസ് . ഗോപാലകൃഷ്ണൻhttps://dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
മരണം , നൃത്തം : 1939 ലെ ഒരു വൈലോപ്പിള്ളിക്കവിതയുടെ പോഡ്‌കാസ്റ്റ് അനുഭവം 54/2023
20 sep· Dilli Dali
പ്രിയ സുഹൃത്തേ ,'മരണം , നൃത്തം ' എന്ന പുതിയ ദില്ലി -ദാലി പോഡ്‌കാസ്റ്റിലേക്ക് താങ്കൾക്ക് സ്വാഗതം .ദാർശനികൻ സ്പിനോസ ചോദിച്ച ഒരു ചോദ്യത്തിന് മറുപടിയെന്നോണം വൈലോപ്പിള്ളി 1939 ൽ എഴുതിയ ഒരു കവിതയെക്കുറിച്ചുള്ള പോഡ്‌കാസ്റ്റ് അനുഭവമാണിത് .സ്പിനോസ ചോദിച്ചു , ' ഒരു ശരീരത്തിന് എന്തൊക്കെ ചെയ്യാൻ സാധിക്കും ?, പ്രത്യേകിച്ച് മരിക്കും എന്നുറപ്പായ നിമിഷത്തിൽ ?'വൈലോപ്പിള്ളി ഒരു നർത്തകിയെ മുൻനിർത്തിപ്പറഞ്ഞു , മരണം നാളെ ഉറപ്പാണെന്നറിയുന്ന ഒരു നർത്തകിയുടെ ശരീരം അവസാനമായി ചെയ്യുന്നത് നൃത്തമായിരിക്കും' വധശിക്ഷയ്ക്ക് വിധിക്കപ്പെട്ട നർത്തകി അവസാനമായി ഒരു കന്യാസ്ത്രീ മഠത്തിൽ ചെയ്ത അവസാനനൃത്തമാണ് കവിതയുടെ പ്രമേയം . നർത്തകി പിറ്റേന്നു കൊല്ലപ്പെടുന്നു. പിറ്റേന്ന് മഠത്തിൽ നിന്നും ഒരു കന്യാസ്ത്രീ മഠം ഉപേക്ഷിച്ചു പോകുന്നു . പോകുന്നതിനു മുൻപ് മദർ സുപ്പീരിയറിന് ഒരു കത്തെഴുതിവെച്ചിരുന്നു, 'നുകരുവാൻ പോകുന്നു ഞാൻ ജീവിതം '1939 ൽ വൈലോപ്പിള്ളി എഴുതിയ കവിത വിപ്ലവകവിതയാണ് . മാത്രമല്ല നൃത്തത്തെക്കുറിച്ച് മലയാളത്തിൽ എഴുതപ്പെട്ട ഏറ്റവും ദാർശനികമായ കവിതയുമാണ്.ഈ പോഡ്‌കാസ്റ്റ് കേൾക്കണമെന്ന് അഭ്യർത്ഥിക്കുന്നു .സ്നേഹപൂർവ്വം എസ് . ഗോപാലകൃഷ്ണൻ 19 സെപ്റ്റംബർ 2023https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഒരു മൂന്നുമിനിറ്റ് പാട്ട് അമേരിക്കയെ പിളർക്കുമ്പോൾ : A Podcast by S. Gopalakrishnan 53/2023
15 sep· Dilli Dali
പുതിയലക്കം ദില്ലി -ദാലിയിലേക്ക് സ്വാഗതം.അമേരിക്കൻ സമൂഹത്തെ ഇളക്കിമറിച്ചുകൊണ്ടിരിക്കുന്ന ഒരു പുതിയ പാട്ടിനെക്കുറിച്ചാണ് ഈ പോഡ്‌കാസ്റ്റ് . ഒളിവർ അന്തോണി അത്ര പ്രശസ്തനൊന്നുമല്ല. ഒരു ഗിറ്റാറെടുത്ത് , ഒരു കാട്ടുപൊന്തയിൽ നിന്നയാൾ കഴിഞ്ഞ മാസം ഒരു പാട്ടുപാടി , അമേരിക്കയിലെ പണിയെടുക്കുന്നവർക്കുവേണ്ടി ...അവർ അധ്വാനിക്കുന്നതിന്റെ ലാഭം കൊണ്ട് സമ്പന്നജീവിതം നയിക്കുന്നവർക്കെതിരേ ഒരു പാട്ടുപാടി .ജനങ്ങൾ ആ ഗാനം ഏറ്റെടുക്കുകയായിരുന്നു . പാട്ടിന്റെ വിജയത്തിൽ നിന്നും മുതലെടുക്കുവാൻ അമേരിക്കയിലെ ഭരണപക്ഷവും പ്രതിപക്ഷവും ഇറങ്ങിക്കഴിഞ്ഞു. എന്നാൽ ഗായകൻ പറയുന്നു , 'കക്ഷിരാഷ്ട്രീയം മരിച്ചിടത്തുനിന്നാണ് ഞാൻ പാടുന്നത് . ഞാൻ പാടിയത് ലോകത്തിലെ കഷ്ടപ്പെടുന്ന പാവപ്പെട്ടവർക്കുവേണ്ടിയാണ്'Rich Men North of Richmond (റിച്ച്മോണ്ടിനും വടക്കുള്ള പണക്കാർ) എന്ന ഈ ഗാനത്തിന്റെ കഥയും ഗാനവുമാണ് ഈ പോഡ്‌കാസ്റ്റ് .സ്വീകരിച്ചാലും .സ്നേഹപൂർവ്വം എസ് . ഗോപാലകൃഷ്ണൻ 15 സെപ്റ്റംബർ 2023https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഒരു പ്രഭാതത്തിൻ്റെ അവശിഷ്ടത്തിൽ നിന്ന്: പുറത്തു മഴ, അകത്ത് രാഗം പൂരിയ 52/2023
11 sep· Dilli Dali
ദില്ലി -ദാലി യുടെ പുതിയ ലക്കം പോഡ്‌കാസ്റ്റിലേക്ക് സ്വാഗതം .മഴ കാരണം രാവിലെ പുറത്തിറങ്ങിയുള്ള പതിവുനടത്തം മുടങ്ങി . പകരം വീട്ടിനുള്ളിലാക്കാമെന്നു കരുതി ,കൂടെ പണ്ഡിറ്റ് ഭീംസെൻ ജോഷി പാടിയ അസാമാനമായ പൂരിയ രാഗവും.പാട്ടുകേണ്ടുകൊള്ളുള്ള നടത്തിലെ ചിതറിയ ചിന്തകളാണ് ഈ പോഡ്‌കാസ്റ്റിൽ .സ്വന്തം ജയിൽ മുറിയ്ക്കുള്ളിൽ എല്ലാദിവസവും ഏഴുകിലോമീറ്റർ നടന്ന വിനോബ ഭാവെ , വർഷങ്ങളോളം ഒരൊറ്റകാട്ടുപാതയിൽ നടന്ന് ചിന്തയുടെ ഭൂഖണ്ഡങ്ങൾ കീഴടക്കിയ നീത്‌ഷെ , എഴുത്തച്ഛന്റെ ഏകാന്തയോഗി , നാലപ്പാട്ടെ പെണ്ണുങ്ങളുടെ മുഖത്തു നോക്കാൻ മടിച്ചിരുന്ന കുട്ടിക്കൃഷ്ണമാരാര് , നാരായണഗുരുവിൻ്റെ ദർശനമാല , അൽഷെയ്‌മേഴ്‌സ് ബാധിച്ച ഒരു സുഹൃത്ത് , കംബോഡിയയിൽ യുദ്ധരംഗത്തേക്ക് തോക്കേന്തി തള്ളപ്പെട്ട കുഞ്ഞുങ്ങൾ , ആലുവായിൽ പീഡിപ്പിക്കപ്പെട്ട ഒൻപതുകാരി ...എന്തെല്ലാം ചിതറിയ ചിന്തകളാണ് ഭീംസെൻ ജോഷി ഇന്നെന്നിൽ നിറച്ചത് . പോഡ്‌കാസ്റ്റിൽ പണ്ഡിറ്റ് ഭീം സെൻ ജോഷി പാടിയ 'പൂരിയ'യും ഉൾപ്പെടുത്തിയിരിക്കുന്നു .സംഗീതം ഉള്ളതിനാൽ ഹെഡ്‍ഫോൺ ഉപയോഗിച്ചാൽ ശ്രവ്യസുഖം കൂടും .സ്നേഹത്തോടെ എസ് . ഗോപാലകൃഷ്ണൻ 11 സെപ്റ്റംബർ 2023
https://www.dillidalipodcast.com/
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
ഗുരുവിന്റെ നീലകണ്ഠം : A podcast experience of Plato's The Apology of Socrates 51/2023
7 sep· Dilli Dali
പ്രിയ സുഹൃത്തേ ,അധ്യാപകദിനത്തിൽ ഒരു ശിഷ്യൻ ഗുരുവിനുവേണ്ടിയെഴുതിയ പുസ്തകം വായിക്കുകയായിരുന്നു . വിചാരണവേളയിലെ സോക്രട്ടീസിന്റെ വാക്കുകൾ ശിഷ്യൻ പ്ലേറ്റോ എഴുതിയത് , 'The Apology'.ഒരസാധാരണ ഗുരു സത്യത്തിനുവേണ്ടി വധശിക്ഷാവിധി ഏറ്റുവാങ്ങുന്ന കോടതിമുറിയിൽ ആ അസാധാരണശിഷ്യൻ സാക്ഷിയായിരുന്നു . സോക്രട്ടീസ് പറഞ്ഞു , ' കോടതികൾക്ക് സത്യമറിയില്ല . നിയമമേ അറിയൂ . ഈ വൃദ്ധനെ നിങ്ങൾ വധിച്ചുകൊള്ളൂ . സോക്രട്ടീസ് എന്ന സത്യമുള്ളവനെ വധിച്ചവർ എന്നതായിരിക്കും ചരിത്രത്തിൽ നിങ്ങൾക്കുള്ള സ്ഥാനം . ഇതാ നമുക്ക് വേർപിരിയാൻ സമയമായിരിക്കുന്നു. ഞാൻ മരിക്കാൻ പോകുന്നു . നിങ്ങൾ ജീവിക്കാനും. ഇതിൽ ഏതാണ് നല്ലതെന്ന് ആർക്കുമറിയില്ല , ദൈവത്തിനല്ലാതെ 'അദ്ധ്യാപകദിനത്തിലെ ഈ വായനാനുഭവം കേൾക്കണമെന്ന് അഭ്യർത്ഥിക്കുന്നു .സ്നേഹപൂർവ്വം എസ് . ഗോപാലകൃഷ്ണൻ
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
നിത്യവും പാറുന്നൂ ഞാൻ മുഗ്ദ്ധതേ നിന്നെച്ചുറ്റി : P. Raman talks about the poetry of G. Kumara Pillai Dilli Dali 50/2023
28 aug· Dilli Dali
പ്രിയ സുഹൃത്തേ ,ദില്ലി -ദാലിയുടെ ഓണപ്പതിപ്പിലേക്ക് സ്വാഗതം .കവി ജി .കുമാരപിള്ളയുടെ ജന്മശതാബ്ദിയിൽ അദ്ദേഹത്തിൻ്റെ കവിതകളെക്കുറിച്ച് കവി പി .രാമനുമായുള്ള ഒരു സംഭാഷണമാണിത്.ഏതനുഭവത്തെയും വ്യക്ത്യനുഭവമാക്കി എന്നതാണ് ജി . കുമാരപിള്ളയെ ഒരു വലിയ കവിയാക്കിയത് എന്ന് രാമൻ പറയുന്നു .'നിത്യവും പാറുന്നൂ ഞാൻ മുഗ്ദ്ധതേ നിന്നെച്ചുറ്റി'സ്നേഹപൂർവ്വം എസ് . ഗോപാലകൃഷ്ണൻ
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
മുക്കുറ്റിയും തിരുതാളിയും : എം ജി രാധാകൃഷ്ണനോടൊത്തുണ്ടായിരുന്ന ഒരോണത്തിൻ്റെ ഓർമ്മ Dilli Dali 49/2023
24 aug· Dilli Dali
1999 ലെ ഒരു ഓണക്കാലസ്മൃതിയാണ് ഈ ലക്കം ദില്ലി -ദാലി പോഡ്‌കാസ്റ്റ് .അക്കൊല്ലം ഓണത്തിന് ഡൽഹിയിലെ ഞങ്ങളുടെ വീട്ടിൽ അതിഥിയായി സംഗീതജ്ഞൻ എം .ജി . രാധാകൃഷ്ണനും കുടുംബവും ഉണ്ടായിരുന്നു .കുത്തബ് മിനാർ കോംപ്ലക്‌സിലൂടെ നടക്കുമ്പോൾ ഞാൻ അദ്ദേഹത്തോട് ചോദിച്ചു , 'വഞ്ചീശമംഗളം' ഒന്നുപാടാമോ ?ഒരു മടിയും കൂടാതെ അദ്ദേഹം പാടി ,'വഞ്ചിഭൂമീപതേ ചിരം സഞ്ചിതാഭം ജയിക്കേണം'.....എന്നിട്ട് സുന്ദരമായ കുസൃതിച്ചിരിയോടെ അദ്ദേഹം കൂട്ടിച്ചേർത്തു, 'നാഗവല്ലീ , മനോന്മണീ രാമനാഥൻ തേടും ബാലേ'പ്രതിഭാധനനായ ഒരു സംഗീതജ്ഞന്റെ കൂടെ ചിലവഴിച്ച ഒരു ഡൽഹി ഓണദിവസത്തിൻ്റെ ഓർമ്മയിലേക്ക് സ്വാഗതം . പോഡ്‌കാസ്റ്റിൽ 1937 ൽ കമലാ ശ്രീനിവാസൻ പാടി record ചെയ്ത 'വഞ്ചീശമംഗള'വും ആ ഗാനത്തിന്റെ ചരിത്രവും ഉൾപ്പെടുത്തിയിരിക്കുന്നു.സ്നേഹപൂർവ്വം എസ് . ഗോപാലകൃഷ്ണൻ 24 ആഗസ്റ്റ് 2023
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
സവർക്കർ : മിത്തും യാഥാർഥ്യവും A conversation with P.N. Gopikrishnan I Dilli Dali 48/2013
21 aug· Dilli Dali
ആധുനിക രാഷ്ട്രീയ ഇന്ത്യയെ വ്യത്യസ്ത രീതിയിൽ സ്വാധീനിച്ച മൂന്നുപേർ പഴയ ബോംബെ പ്രവിശ്യയിൽ നിന്നും വന്നവരാണ് , ഗാന്ധിയും അംബേദ്‌കറും സവർക്കറും. മൂന്നുപേരിൽ ഒരാളുടെ കാര്യമെടുത്താൽ ഏതാണ്ട് ഇരുപതാണ്ടുകൾക്കു മുന്നേവരെ ഇന്ത്യയിലെ ഒരു ചെറിയ ന്യൂനപക്ഷത്തിൻ്റെ, ഒരു ന്യൂനപക്ഷം സവർണ്ണ ഹിന്ദുവിഭാഗങ്ങളുടെ രാഷ്ട്രീയഗുരുമാത്രമായിരുന്നു അദ്ദേഹം. വിനായക് ദാമോദർ സവർക്കറാണ് ഇത്.എന്നാൽ ഇന്ന് അങ്ങനെയല്ല. ആരെങ്കിലും രാഷ്ട്രപിതാവായ ഗാന്ധിജിയെക്കുറിച്ച് പറഞ്ഞാൽ വിപരീതധ്രുവത്തിന്റെ രാഷ്ട്രപിതാവെന്ന വലുപ്പത്തിൽ സവർക്കറെ കണ്ടുതുടങ്ങിയിരിക്കുന്നു.എന്തായിരുന്നു സവർക്കറിന്റെ കാഴ്ചപ്പാടുകൾ ? എന്തായിരുന്നു അദ്ദേഹത്തിൻ്റെ ദേശീയതാസങ്കല്പം? ഇന്ത്യൻ ദേശീയസ്വാതന്ത്ര്യസമരത്തിന്റെ ഒരു ഘട്ടത്തിൽ അദ്ദേഹം ബ്രിട്ടീഷ് വിരോധം ഉപേക്ഷിച്ചിരുന്നോ ?എന്തായിരുന്നു സവർക്കർക്ക് ജിന്നയും അംബേദ്‌കറും തമ്മിലുണ്ടായിരുന്ന ബന്ധം ? ഇന്ത്യയിലെ ജാതിവ്യവസ്ഥയെ സവർക്കർ കണ്ടതെങ്ങനെയാണ് ? ഇന്ത്യയിലെ ഹിംസാത്മകമായ രാഷ്ട്രീയപ്രവർത്തനത്തിൽ അദ്ദേഹത്തിൻ്റെ പങ്കെന്തായിരുന്നു ? ഇന്ത്യയിലെ കൃസ്ത്യാനികളെയും മുസ്ലിങ്ങളേയും അദ്ദേഹത്തിന്റെ രാഷ്ട്രീയം എങ്ങനെ വിലയിരുത്തി ?ഹിന്ദുത്വ രാഷ്ട്രീയത്തിന്റെ അനുയായിയായിപ്പോയ ഒരു മലയാളി 'എന്താ , സവർക്കർ ഒരു ദേശാഭിമാനിയല്ലേ ' എന്നു ചോദിച്ചാൽ എന്തുത്തരം നൽകാം ?ഇന്ത്യയിലെ ഹിന്ദുത്വരാഷ്ട്രീയത്തിന്റെ പരിണാമത്തെക്കുറിച്ച് ചരിത്രപരമായി അപഗ്രഥിക്കുന്ന കവി പി . എൻ . ഗോപീകൃഷ്ണനുമായുള്ള ഒരു മണിക്കൂർ ദൈർഘ്യമുള്ള ഈ സംഭാഷണം 'സവർക്കർ : മിത്തും യാഥാർഥ്യവും' എന്ന വിഷയത്തെ ആഴത്തിൽ പരിശോധിക്കുന്നു. സ്നേഹപൂർവ്വം എസ് . ഗോപാലകൃഷ്ണൻ 21 August 2023
- Luisteren Nogmaals beluisteren Doorgaan Wordt afgespeeld...
- Later beluisteren Later beluisteren
Laat meer zien

Afleveringen

വല്ലഭേ : വൈദ്യഭൂഷണം രാഘവൻ തിരുമുൽപ്പാട് എഴുതിയ കവിതയുടെ വായനാനുഭവം67/2023

സ്വതന്ത്രം പക്ഷേ ഏകാന്തം, സ്വതന്ത്രം എന്നാൽ ആഹ്ലാദം : A podcast by S. Gopalakrishnan 66/2023

അസത്യമായ സത്യം : ജോൺ ലെനൻ നിർമ്മിതബുദ്ധിയിൽ വീണ്ടും പാടുമ്പോൾ A podcast by S. Gopalakrishnan 65/2023

കേരളത്തിലെ സങ്കീർണ്ണ സംഘീർണ്ണത : A conversation between P.N. Gopikrishnan and S. Gpalakrishnan 64/2023

യുദ്ധഭൂമിയിൽ പരിക്കേറ്റ അഞ്ചുവയസ്സുകാരിയ്ക്ക് എന്ത് ദേശീയത,എന്ത് മതം?63/2023

ഗാസാ സംഘർഷത്തെക്കുറിച്ച് ഒരു സംഗീതജ്ഞൻ പറയുന്നത് : A podcast by S. Gopalakrishnan 62/2023

ഗാന്ധിയും പലസ്തീനും : A podcast by S. Gopalakrishnan 61/2023

ബന്ധുക്കളാൽ എന്നും ചതിപ്പെട്ട ജനത : Prof M.H. Ilias talks on the history of the Palestine conflict 60/2023

Book Talk with Deepak P : 'നിർമ്മിതബുദ്ധികാലത്തെ സാമൂഹിക രാഷ്ട്രീയ ജീവിതം'59/2023

ഇന്ത്യയിലെ മാധ്യമസ്വാതന്ത്ര്യവും ഒരു മൈക്കിൾ ജാക്‌സൺ പ്രതിഷേധഗാനവും 58/2023

സഹകരണം എന്ന ആശയവും ഗാന്ധിയും: കേരളത്തിലെ സഹകരണസംഘങ്ങൾക്ക് ഒരു ഗാന്ധിജയന്തി പോഡ്‌കാസ്റ്റ് 57/2023

നരസിംഹറാവുവും നിസ്സാർ ഹുസൈൻ ഖാനും ഒരു തരാനയും : Podcast in memory of a meeting with PV Narasimha Rao 56/2023

ഇന്ത്യാ -കാനഡ പിണക്കം : ചരിത്രവും യാഥാർഥ്യവും In conversation with R Prasannan 55/2023

മരണം , നൃത്തം : 1939 ലെ ഒരു വൈലോപ്പിള്ളിക്കവിതയുടെ പോഡ്‌കാസ്റ്റ് അനുഭവം 54/2023

ഒരു മൂന്നുമിനിറ്റ് പാട്ട് അമേരിക്കയെ പിളർക്കുമ്പോൾ : A Podcast by S. Gopalakrishnan 53/2023

ഒരു പ്രഭാതത്തിൻ്റെ അവശിഷ്ടത്തിൽ നിന്ന്: പുറത്തു മഴ, അകത്ത് രാഗം പൂരിയ 52/2023

ഗുരുവിന്റെ നീലകണ്ഠം : A podcast experience of Plato's The Apology of Socrates 51/2023

നിത്യവും പാറുന്നൂ ഞാൻ മുഗ്ദ്ധതേ നിന്നെച്ചുറ്റി : P. Raman talks about the poetry of G. Kumara Pillai Dilli Dali 50/2023

മുക്കുറ്റിയും തിരുതാളിയും : എം ജി രാധാകൃഷ്ണനോടൊത്തുണ്ടായിരുന്ന ഒരോണത്തിൻ്റെ ഓർമ്മ Dilli Dali 49/2023

സവർക്കർ : മിത്തും യാഥാർഥ്യവും A conversation with P.N. Gopikrishnan I Dilli Dali 48/2013