Afleveringen
-
Gunnar Gunnarsson hóf ferilinn á því að skrifa fyrir vefsíðu stuðningsmannaklúbbs Manchester United á Íslandi en er í dag ritstjóri Austurfréttar og hefur verið í um áratug.
-
Sól skein í heiði er blaðamenn óku yfir Fjarðarheiði skömmu eftir páska, en dagana á undan hafði heiðin verið lokuð á fimmta dag. Á bæjarskrifstofunni á Seyðisfirði tók á móti okkur Dagný Erla Ómarsdóttir sem missti húsið sitt í aurskriðu árið 2020.
-
Zijn er afleveringen die ontbreken?
-
Það sýndi sig glöggt í snjóflóðunum í Neskaupsstað í mars 2023 að þörf væri á nýrri aðgerðastjórnstöð almannavarna á Austurlandi. Ný og velútbúin stjórnstöð var tekin í gagnið í janúar 2024. Kristján Ólafur Guðnason, yfirlögregluþjónn hjá lögreglunni á Austurlandi, og Agnar Benediktsson, björgunarsveitarmaður í Jökli, ræða um nýja stjórnstöð og áföll síðustu ára í þætti vikunnar.
-
Sr. Kristján Valur Ingólfsson biskup og kona hans, Margrét Bóasdóttir, búa á Saurbæ á Hvalfjarðarströnd. Þau hafa tekist á hendur það verkefni í félagi við fleira fólk að efla staðinn og halda um leið nafni Hallgríms Péturssonar á lofti.
-
Uni Hrafn Karlsson hefur byggt upp öflugt bifreiðaverkstæði á mikilvægum stað við þjóðveginn. Hann segir verkefnin óþrjótandi og að eini flöskuhálsinn sé skortur á öflugum bifvélavirkjum.
-
Mitt í Öræfunum, kippkorn frá Jökulsárlóni, er lúxushótel ekki langt ofan við þjóðveginn, óvenjuleg bygging en þó látlaus í þessu stórbrotna umhverfi. Hrafnhildur E. Karlsdóttir hótelstjóri var tekin tali um lífið undir Öræfajökli.
-
Steinþór Arnarson er alinn upp í Öræfum. Þegar hann sá nýtt lón myndast undir Fjallsárjökli fékk hann viðskiptahugmynd og í meira en áratug hefur hann siglt með ferðalanga að jökulsporðinum og breytt sýn þeirra á íslenska náttúru.
-
Sjávarútvegsfyrirtækið Skinney Þinganes er langstærsti vinnuveitandinn á Höfn, ef hið opinbera er undanskilið. Aðalsteinn Ingólfsson hefur stýrt fyrirtækinu í nærri þrjá áratugi og segir stöðuna á svæðinu góða þótt áskoranir séu margar, m.a. vegna loðnuleysis og hruni í humarstofninum.
-
Í sjö ár, sjö mánuði og sjö daga sátu þær við og saumuðu Njálssögu í 90 metra langan hördúk. Nú bíður þetta magnaða listaverk, sem sækir innblástur í miðaldalistir, þess að verða sett upp í nýjum húsakynnum á Hvolsvelli. Þær Gunnhildur Edda Kristjánsdóttir og Kristín Ragnar Gunnarsdóttir leiða áheyrendur í allan sannleikann um Njálurefilinn svokallaða.
-
Sigfús Kristinsson hefur fylgst með þorpinu við Sogið breytast úr sveit í bæ. Hann hefur lagt drjúgt til þeirrar uppbyggingar, m.a. með því að reisa sjúkrahúsið og fjölbrautaskólann í bænum. Sigfús hefur sterkar skoðanir á hlutunum.
-
Magnús Stefánsson, bæjarstjóri í Suðurnesjabæ, ræðir um lífið í bænum og helstu atvinnuvegi, hvort hugað sé að frekari sameiningu sveitarfélaga á Suðurnesjum og margt fleira. Þá rifjar hann upp þingferil sinn og óvænta endurkomu á þingið.
-
Æskuvinirnir Kjartan Kjartansson, bæjarstjóri í Reykjanesbæ, og Páll Ketilsson, ritstjóri og eigandi Víkurfrétta, fjalla um lífið á Suðurnesjum, þær miklu breytingar sem hafa orðið á svæðinu, áhrifin af veru bandaríska hersins og síðar brotthvarf hans og margt annað í nýju hlaðvarpi Hringferðarinnar.
-
Bergþór Morthens býr á Siglufirði og í Gautaborg í Svíþjóð. Fyrir 18 árum keypti hann ásamt konu sinni Tynesarhús í miðju þorpinu fyrir norðan og hefur breytt því í undraveröld. Kannski ekki ósvipaða þeirri sem hann skapar með ótrúlega björtum litum í málverkum sínum. Hann segir litina pólitíska.
-
Blaðamenn Morgunblaðsins settust niður með tveimur atvinnurekendum í Grindavíkurbæ og ræddu um fortíð, nútíð og framtíð Grindavíkur. Grindvíkingar hafa mátt þola margt á undanförnum mánuðum og framtíðin er óráðin.
-
Agnes Anna Sigurðardóttir stofnaði brugghúsið Kalda í kjölfar ótrúlegs hugboðs. Jökull Bergmann hefur þvælst um öll svakalegustu fjöll heims og stundað og sinnt fjallaskíðaleiðsögn. Þau eru burðarásar í ferðaþjónustu á Árskógsströnd og segja tækifærin á svæðinu óþrjótandi.
-
Svava Víglundsdóttir, eigandi Kaffi Kyrrðar og Blómasetursins í Borgarnesi, var búin að missa allt eftir að hótel sem hún rak á Vopnafirði varð gjaldþrota. Ástin dró hana í Borgarnes þegar hún kynntist Unnsteini Árnasyni. Síðan eru liðin 22 ár.
-
Á leið okkar um landið er næsti áfangastaður Ólafsfjörður. Við ökum gegnum Héðinsfjarðargöngin eftir stutt stopp á Siglufirði og beint niður á kajann. Þar tekur á móti okkur Eyþór Eyjólfsson sem fyrir margt löngu festi kaup á innstu jörðinni í Ólafsfirði – Bakka. Hann býður okkur inn fyrir dyrnar á húsi sem lengst af hýsti saltfiskverkun á staðnum en hefur nú skipt um hlutverk og búning, að minnsta kosti þegar kemur að innra byrðinu. Í bláum kerjum svamlar fiskafjöld og á komandi árum hyggst Eyþór framleiða, með aðstoð þessara sérstæðu dýra, einhverja verðmætustu afurð sem sköpuð hefur verið í íslensku samfélagi. Kílóverðið er svimandi hátt. Ekki er það gull eða ál, heldur kavíar sem sífellt fleira fólk er sólgið í og virðist reiðubúið að reiða fram ótrúlegar fjárhæðir til að höndum yfir.
-
Bryndís Geirsdóttir hefur áhuga á því hvernig maðurinn mætir náttúrunni og hvernig hægt er að nýta gjafir jarðar betur. Það var þess vegna sem hún hóf nám í landslagsarkitektúr við Landbúnaðarskóla Íslands á Hvanneyri eftir að hafa lært bókmenntafræði í Háskóla Íslands. Bryndís er alin upp í Reykholti en foreldrar hennar fluttu þangað 1978 þegar faðir hennar varð prestur á staðnum.
Fyrir 11 árum fluttu hjónin aftur í Borgarfjörðinn og segir Bryndís að það séu mikil tækifæri í landbúnaði á svæðinu. Þau séu hinsvegar ekki nýtt nógu vel.
-
Stefnt er á frekari stækkun Hótels Húsafells á komandi misserum. Þetta upplýsir Unnar Bergþórsson, framkvæmdastjóri ferðaþjónustunnar á Húsafelli um í nýjasta þætti Hringferðarinnar sem efnt er til í tilefni 110 ára afmælis Morgunblaðsins. Viðtalið er aðgengilegt á mbl.is og öllum helstu hlaðvarpsveitum.
-
Stefán Einar og Hólmfríður María hittu hjónin sem eiga Jólagarðinn. Þátturinn var tekinn upp undir berum himni í þrettán stiga frosti í jólafíling.
- Laat meer zien