Afleveringen
-
Konsum mit Folge.
I dem Fall geits um Drogeexzess, d'Züri Goldchüste und e gfährlichi Fründschaft.
-
Dr Luis isch früsch us dr RS u het sis Sturmgwehr drbi. Wie gfährlech isch es, weme instabile Lüt sone Waffe id Hand git? Cha das guet cho?
Foug üs uf Instagram: @krimigliir_podcast
-
Zijn er afleveringen die ontbreken?
-
Wenn isch es Gständnis gültig? Cha e Wahrsagerin helfe e Fall ufzkläre? Was isch egentli Aberglaube? I üsere neuste Folg gö mier nach Züri Oerlikon und es chunt zume Plot Twist wod Stephie ned het gseh cho.
-
D'Darina isch schwanger. U si isch ällei. So fühlt si säch jedefaus. Uf ihres Ching fröit si säch sehr. U trotzdem, wo z'Ching gebore wird, isch si verzwiiflet u gseht si nume ei Uswäg.
Du bisch verzwiiflet u füuhsch di ällei? Hie chasch dir Hiuf hole: https://www.frauenhaeuser.ch/de
Anonymi Hiuf chasch dir hie hole: https://www.147.ch/ -
De Agriff vo de Hamas uf Israel vom 7. Oktober 2023 het bis it Schwiz Welle gschlage und het au bi üs für Gsprächstoff gfüert. Was darf mer zu sonere heikle Debatte säge? Was isch eifach nur freie Meinigüsserig oder e gschmacklose Witz? Wenn hets Konseuquenze wells als antisemitisch, menschverachtend oder Hate Speach igstuft wird?
-
Van Gogh, Monet, Picasso: D'Kunstsammlig vor Bührle-Stiftig ghört zude wärtvouste vor schwiz.
Eines Tages wird d'Stiftig aber usgroubt, 4 Biuder vo grosse Künstler verschwinde. Was isch passiert? Si aui Biuder wieder uftoucht? U was het di serbischi Mafia z'tüe? Los iz dri u touch i grösst Kunstroub vo Europa i!
-
E Frau erschlaht ihren Ehema. Wie hets so wit chene cho? Isches e Tat im Affekt oder e planete Mord? Mier gö is Jahr 1885 is Graubünde und luege e Fall a wo damals es ganzes Dorf empört het.
-
Seriemörder gits überau. Bekannt si si vor auem vor USA, Stichwort Jeffrey Dahmer, Ted Bundy, David Burkowitz, d'Liste isch ändlos. U o ir Schwiz het ide 80er Jahr ä Seriemörder sis Unwäse tribe,los iz dri u erfahr meh übere Michel Peiry u sini Tate.
-
De Walter S. het scho als Chind e riesigi Zerstörigswuet und niemerd weiss, wie demit umga. Au im Heim chamer ihm ned helfe. Eifach wegsperre und lahmlege? Das isch au kei Lösig, finde mier. Meh dezue ir neue Folg.
-
Immer wieder verschwinde Mensche, o ir Schwiz. Dr Grossteil chunnt wieder hei, aber vo paarne fäuht bis hüt jedi Spur. O d'Annika Hutter isch ide 80er Jahr spurlos verschwunde. Was isch passiert? U wie viu Mensche verschwinde ir Schwiz? Erfahrs iz ir nöie Folg!
-
D`Gschicht vor Anna Göldi kenne die Meiste als die letschti Hex vo Europa. Wemer genau hi luegt hets aber nüt mit Hexe sondeern mit Politik, Macht und Aberglaube ztüe. Los iz ine.
-
Im einte Lied isch dr Mani Matter mau sim Stammboum nah u isch der ufe Bernart Matter ufmerksam worde.
Wär isch dä Bernhart Matter, was heter gmacht u wieso ischer so hert bestraft worde? Erfahr meh übere schwizer Robin Hood ir Folg!
-
A dene Orte, wo d’Mensche bsunders verletzlich sind, het de «Todespfleger vo Luzern» zuegschlage. Warum macht eper so epis? Dere Frag gö mir i dere Folg na.
-
Zrügg zum Ex z'ga isch säute ä gueti Idee. Die Entscheidig het o für d'Anna fatali Folge gha. Mir verzeue dir vo dere verzwickte Liebesaffäre mit tragischem Ändi.
-
Dr Vierfachmord vo Rupperswil, eis vode schlimmste Verbräche ir Schwiz. I dere Folg verzeue mir euch, wie dr Täter het chönne gfasst wärde. Die ersti digitali Ufklärig ir schwizer Verbrächensgschicht.
-
D'Schwiz isch äs Sekteland. Ei berüehmti Sekte, wo ide 90er Jahr für Schlagzile het gsorget, si d'Sunnetempler. Wie het die Sekte usgseh? Was isch mit de Mitglieder passiert? U was für Sektene gits hützutags no i dr Schwiz? Los üsi 9. Folg u erfahrs!
-
Vier Männer sueche äs Abetüür im Dschungel u nid aui chöme wieder zrügg. Was isch passiert?
-
Challenges si öppis lustigs, mä misst säch unger Fründe u het drbi Spass. Aber was, we so ä Challenge tödlech ändet? Los d'Foug u erfahr, was im Apriu 2019 im Kanton Aargou isch passiert.
-
Was mache, wenn der Partner säch plötzlech veränderet und no äs Chind im Spiel isch? Wie wyt würdet dir ga zum öies Ching z'rette? Genau vor dere Frag isch o d'Isabelle Neulinger im Jahr 2005 gstande.
-
Wie wird mä am beste ganz schnäu riich? Richtig: Weme ä Bank oder d'Post usroubt. Genau das hei säch dr Marcello, Elias, Domenico, Hassan, Dieter u Zoran im Jahr 1997 o dänkt. Fing ir Foug use, wie ihne das glunge isch u was sie hüt mache.
- Laat meer zien