Afleveringen
-
Kata Páls áttaði sig á því að hún yrði að vera andlega sterk ef hún ætlaði sér að komast til Kona á heimsmeistaramótið í IronMan. Langar vetraræfingar á Vestfjörðum og 'heilaæfingar' alla morgna klukkan 5 bjuggu til það sterkan haus að þegar hún greindist óvænt með lungnakrabbamein árið 2019 var hún andlega tilbúin að slátra því verkefni - og járnkarli í kjölfarið, með hálft annað lungað fjarlægt.
Kata segir okkur frá aganum sem fylgir því að vinna í frystihúsi sem barn, æfingarnar á Bolungarvík, hugarfarið fyrir íþróttina, hörðustu íþróttamenn í heimi, 1500km hjólakeppni yfir Malasíu og margt fleira skemmtilegt.
-
Siggi P er stórt númer og brautryðjandi í íslenskri hlaupasögu. Flestum er kunnugt um Íslandsmetið hans í maraþoni, sem stóð í 26 ár áður en Kári Steinn sló það, en færri þekkja leiðina sem lá að árangri hans í langhlaupum.
Við ræðum hvaða eiginleika langhlauparar þurfa að hafa, fókusinn sem hann hafði á árangur í íþróttinni, tenging afreksíþrótta við sveitalífið, fyrirmyndir, hvað hann hefði gert öðruvísi til að lengja í ferlinum (sem lauk fyrir þrítugt), æfingabúðir með Gunna Palla og Jóni Diðrikssyni og greiningu á hlaupasenunni í dag.
-
Zijn er afleveringen die ontbreken?
-
Andri Guðmundsson, bakgarðshetja og úthverfapabbi, og Einar Sigurjónsson, járnkarl og sjúkraþjálfari, tóku á stóru sem smáu málunum: Hvernig komst Ruth undir 2:10 í marþoni? Hvernig berum við það saman við heimsmet karla? En 100 metrana hjá Usian Bolt? Er þetta dóp? Eru þetta skórnir?
Af hverju hættir maður að hlaupa í bakgarðinum? Hver eru algengustu orsakir þreytu og af hverju eru Norðmenn með allt sitt á hreinu þegar kemur að mjólkursýru, hitaþjálfun, hæðaraðlögun, álagsstjórnun, endurheimt og næringu en ná því ekki út úr sér í keppnum?
-
Þorleifur var kannski með harðsperrur þegar hann mætti í stúdíóið en hann var tilbúinn að leysa frá skjóðunni um allan þann tilfinningarússíbana sem hann fór í gegnum síðustu helgi og síðustu ár sem einn af okkar fremstu bakgarðs-hlaupurum.
Hvernig var tilfinningin að missa Íslandsmetið?
Hvernig var tilfinningin að endurheimta það?
Af hverju hættir maður keppni í eitt skiptið en heldur áfram í næsta hring í því næsta - jafnvel þó maður sé hágrátandi í bæði skiptin?
Hvað hélt Þorleifi mótiveruðum gegnum allt æfingatímabilið og alla 415 kílómetrana?
Hvert verður Íslandsmetið eftir 5 ár?
Vinsældir bakgarðsins, samband Þorleifs og Mari, hvernig það að missa Íslandsmetið til Mari á sínum tíma var mikilvægasta keppnin fyrir Þorleif, ofur-fókus á sjálfan sig og fleira stórgott!
-
Æfinga- og keppnissaga Kára Steins og Tobba spannar tvo áratugi, fjölda Íslandsmeta, Ólympíuleika og þúsundir franskra kartaflna. Hér rifja þeir upp fyrsta Laugaveginn (og maraþonið) hans Kára, álit Bandaríkjamanna á brjálaða hlaupafélaganum sem heimsótti Kára til Berkeley, ótrúlegar framfarir í langhlaupum, hugmyndir um Bakgarðinn og bestu hlaupaminningarnar.
-
Egill Trausti er Íslandsmeistari (30-34) í 60m spretthlaupi, fór 160km í Bakgarðinum og leiddi Hrólf yfir línuna í 100km Hengli fyrr í sumar. Hrólfur hefur allar fjörurnar sopið en hann hefur gengið Bandaríkin endilöng, þverað Ísland og Skotland, lokið CCC, UTMB og settist hér niður til að segja sögurnar af þessu öllu saman.
-
Þegar Guðlaug lagði sundið til hliðar og hljóp 10 kílómetrana á næst besta tíma íslenskrar konu (34:57) var nokkuð ljóst að þarna var um framúrskarandi þríþrautarmann að ræða. Sem reyndist rétt því Guðlaug er fyrst Íslendinga til að keppa á Ólympíuleikum í þríþraut.
Við ræðum leiðina á Leikana (10 tíma leigubíll í Nepal, Namibía, Filippseyjar, Kína...), heimsmeistaratitil í Aquathon, hennar bestu frammistöður í skugga erfiðra meiðsla, sturlaðar VO2max mælingar, að reiða sig ekki eingöngu á íþróttaferilinn, bakslög og sigra.
👀 www.instagram.com/langa_hladvarp/
-
Elísa Kristins er sannkallaður ultrahlaupari með 4 bakgarða undir beltinu, í síðustu tilraun fór hún 375 kílómetra og ætlar sér mikið meira núna í október. Elísa kemur frá brotnu heimili og átti erfiða æsku sem mótaði styrk og hæfileika sem hún nýtir sér til að fara einn hring í viðbót.
Við ræðum ótrúlegt hlaupasumar sem hún kemur undan, hvernig svakalegar vegalengdir í keppnum byggja á svakalegu æfingamagni (ásamt fullu starfi og móðurhlutverki), status-checkið sem Mari tók á henni fyrir bakgarðinn, ráðin sem ultrahetjan Elísabet Margeirs gaf henni og komu henni nokkra hringi í viðbót, frammistöðukvíða og sjálfsvinnu sem skilaði henni í því að geta hlaupið, æft og keppt skælbrosandi á sínum eigin forsendum.
👀 www.instagram.com/langa_hladvarp/
-
Tobbi sigraði nýverið Wildstrubel 70K og bætti þar með ofan á heimsklassa frammistöður sínar fyrir árið 2024 - þrátt fyrir að hafa ætlað að blása ferðalagið af aðeins nokkrum dögum fyrir hlaup. Snjóskaflar, lágfjallaloft, kolvetnainntaka og hvatningarorð dóttur hans lögðu drögin að einni bestu frammistöðu hlaupara á árinu.
👀 www.instagram.com/langa_hladvarp/
-
Magnús Már Leifsson, Thelma Björk Einarsdóttir (Greiningardeild LANGA) og þáttastjórnandi sátu öll á hliðarlínunni þetta sumarið og fylgdust náið með frammistöðu íslenskra og erlenda hlaupara. Gagnasöfnun og úrvinnslu er formlega lokið og búið er að sjóða saman topplista yfir bæði íslensk og erlend afrek ásamt skemmtilegum fréttum, myrkum hestum og heiðurstilnefningum.
👀 www.instagram.com/langa_hladvarp/
-
Er hægt að leggja meira á íþróttamann heldur en 23 daga í röð af peloton-þvottavélinni í frönsku ölpunum?
Á Kristian Blummenfelt séns í pelotonið? Jonas Vingegaard: úr fiskverksmiðju í Tour de France, yfirburðir Tadej Pogacar, hjólarar sem hlaupa, hvað geta aðrar úthaldsíþróttir lært af hjólreiðum? Kolvetnainntaka, ketónar, sodium bicarbonate, þyngdarstjórnun og margt margt fleira.
-
Landsliðskonurnar og 100km hlaupararnir Andrea Kolbeins og Halldóra Huld gera upp sín lengstu hlaup til þessa: 100km og CCC, viðhorfið til langra vegalengda, keppa vs. njóta, UTMB og fleira skemmtilegt.
Í boði Sjóvá, Gifflar og COLLAB HYDRO.
-
Hafsteinn Sveinsson hljóp, fyrstur Íslendinga, heilt maraþon árið 1957.
Hann verður 95 ára gamall eftir fáeinar vikur og hló að mér þegar ég spurði hvort hann hafi keyrt sjálfur í stúdíóið.
Aðstæður til að æfa hlaup á sjötta áratugnum voru vægast sagt lélegar svo Hafsteinn þurfti að láta sér nægja að klofa snjó í stígvélum til að komast uppá Ingólfsfjall í kolniðamyrkri eftir 17 tíma vinnudag.
Í þættinum rekur hann sína sögu:
Af hverju hann byrjaði að stunda hlaup Æfingarnar sem hann stundaði til að verða betri hlaupari Hvers vegna maraþonið kallaði á hann Áhrifin sem maraþonhlaupið hafði á fólk í kringum hann Stuðninginn sem hann fékk frá mömmu sinni og hvernig hún gaf besta ráðið fyrir maraþonhlaupið mikla (og hann hefði betur tekið mark á) Hvernig draumurinn um Ólympíuleikana í Róm 1960 þurrkaðist út á einum degi Sigling sem hann fór hringinn í kringum landið á 16 feta bát (það er mjög lítill bátur) Hvernig hann heldur sér svona hraustum í dag -
Vo2max, zone 2, mjólkursýruþröskuldur, tempó... hvað þýða þessi hugtök og af hverju er mikilvægt að vita hvernig líkaminn bregst við mismunandi álagi sem við setjum á hann?
Einar, betur þekktur sem Latsi, heldur hér fyrirlestur um þjálffræði og lífeðlisfræðina á bakvið æfingar ásamt því að útskýra hvernig úthaldsíþróttamaður getur fundið sína veikleika og bætt þá fyrir næstu áskorun.
-
Björgvin Karl er fremsti karlkyns Crossfittari okkar Íslendinga og Þröstur er fyrrum heimsmeistari í kraftlyftingum. Báðir eiga það sameiginlegt að hafa verið til staðar fyrir hvorn annan í þeirra lengstu áskorunum: 106km ultrahlaupi og maraþon róðri.
Við fáum keppnissögu þeirra beggja; hvernig Þröstur kom sér í gegnum 106 kílómetrana í 100 kílóa líkama og hjálpina sem hann fékk (ekki) frá Björgvini, og stríðsástandið sem myndaðist eftir maraþon róðurinn á Heimsleikunum 2018.
-
Þorbergur Ingi / Tobbi er besti utanvegahlaupari okkar Íslendinga. Enginn hefur skorað jafn mörg ITRA stig, hann er eini Íslendingurinn sem hefur farið Laugaveginn undir 4 klukkutímum (þunnur?), margfaldur landsliðsmaður, lenti í 6. sæti í einu stærsta utanvegahlaupi heims, hann hefur tvisvar sinnum farið UTMB og gerir þetta allt samhliða fullu starfi hjá Marel sem véla- og orkufræðingur - og tveggja barna faðir.
Tobbi hefur einstaka nálgun á ultra hlaup sem hann nýtir sér í lífinu sjálfu. Það er erfitt að fyllast ekki innblástri yfir metnaðinum í manninum og dást að árangrinum sem hann hefur náð.
Þátturinn er tekinn upp sólarhring eftir að Tobbi kláraði Súlur Vertical 100km á vægast sagt stórkostlegu brautarmeti þar sem hann fór undir 10 klukkutímana.
Í boði Sjóvá og Gifflar.
-
Hvernig fer snæviþakinn Noregur að því að sigra Ólympíuleikana í strandblaki? Hvernig komst Jakob Ingebrigtsen hlaupandi í mark á undan Kenýumanninum? Síðan hvenær var heimsmeistarinn í Ironman norskur?
Í stúdíóið mæta Aron Gauti Laxdal, dósent við háskólann í Agder og Gunnar Birgisson, íþróttafréttamaður, til að kryfja þessar spurningar og gera grein fyrir því hvernig Norðmenn ala af sér íþróttamenn í sérflokki: þjálffræðin, kúltúrinn, mjólkursýrumælingarnar, peningarnir, Ingebrigtsen fjölskyldan, gagnrýnisraddirnar, Olympiatoppen, krossþjálfunin og Ventolín pústin!
Í boði Sjóvá og Gifflar.
-
Andrea Kolbeins og Andri Guðmundsson fundu sér sameiginlegan vígvöll í Laugavegshlaupinu um miðjan júlí. Andrea kom undan þriggja Íslandsmeistaratitla keppnishelgi, 10km götuhlaupi, hálfmaraþoni og ultrahlaupi áður en hún mætti á startlínuna en Andri tók 350km í bakgarðinum og tók svo afleiðingunum.
Umræðuefni þáttarins eru meðal annars:
Hversu stressandi er Laugavegurinn miðað við önnur hlaup á árinu? Andrea skerpir fókusinn: atvinnumennskan næsta mál Hraðar vs. lengra - drap bakgarðurinn brautarhlaupin? Keppnisdagskrá Sifan Hassan á ÓL (1.500, 5.000, 10.000, maraþon) Ludovic Pommeret, 49 ára, sigrar Hardrock100 á nýju brautarmeti (áður í eigu Kilian Jornet) Post-Olympics depressionÍ boði Sjóvá og Gifflar.
