Afleveringen
-
فما فترات في التاريخ وين يصير تغيير كبير في وجهة نظر الإنسانية تجاه مواضيع معينة، و في فترة قصيرة.
اليوم الإنسانية تعيش في تغيير مماثل مع اللي صاير منذ أكثر من 9 شهور في غزة.
أما يقول القايل كيفاش بدات الnarrative هذي؟ علاش فما شبه إجماع في الغرب منذ تأسيس إسرائيل على مساندتها؟ هل لرأس المال دور؟ و شعندو ما يفسرلنا التاريخ في اللحظات هذي؟ علاش نزايدو على بعضنا كتوانسة رغم اللي الأغلبية الساحقة مساندة للقضية؟
نحكيو فيهم في الحلقة #21 من بودكاست نحكيو واقع.
-
الرأسمالية عبر التاريخ كانت قادرة على التأقلم مع التطورات اللي تصير في العالم، بل هي كانت المحرك الأساسي اللي يدفع للأمام. و اليوم و ماللي كان الإقتصاد متأسس على معايير العرض و الطلب و التنافس على تقديم أفضل متطلبات السوق، أصبح الإقتصاد أساسو التنافس على الإنتباه (economy of attention) و جزء كبير منو هو الصعود الصاروخي لمواقع التواصل الإجتماعي كجزء مهم من حياتنا اليومية و المشكلة هنا أنو الشي اللي نعيشو فيه اليوم ما عندناش فيه خبرة كبشرية و لذلك فهمو و تحليلو هو حاجة مصيرية على الصعيد الفردي بما أنو الماكينة موش باش تاقف و أغلبية الناس باش تعدي حياتها في شق المستهلك من غير أدنى تساؤل على تأثير التكنولوجيا هذي على مخاخنا و كل تفصيل من حياتنا.
أحنا محمد الهادي الملولي و عبد المجيد حمدي و هذي الحلقة 20 من نحكيو واقع.
-
Zijn er afleveringen die ontbreken?
-
منذ قديم الزمان كان المال يمثل قيمة أخلاقية فوق قيمته الحقيقية، إن كنت تملك القليل فأنت على الأغلب مظلوم، إن امتلكت الكثير فمن المحتمل أنك أخذت حق غيرك و هنا يكمن التغيير. لماذا نقبل بأن يكون هناك قلة مزدهرة في كل شيئ إلا المال؟ قلة هي من أوائل الأقسام في كل مدرسة كل سنة، قلة هم من يمتهنون السياسة، قلة هم من يخترعون و قلة هم من يغيرون مجرى التاريخ، إذن، لماذا عندما تتفوق هذه القلة في المال تصبح محل شك؟ و كيف تصنع هذه القلة طريقها نحو الثراء؟
أحنا محمد الهادي الملولي و عبد المجيد حمدي و هءي الحلقة #19 من نحكيو واقع.
-
كان التجمع و صنع قبائل و مجتمعات من أهم وسائل نجاة العرق البشري عبر التاريخ، و لكن مع تطور التكنولوجيا الحديثة و فهم كيفية عمل العقل البشري و تحليل العواطف و دورها في إتخاذ قراراتنا اليومية ثم تطبيق كل هذه المعرفة لغرض وحيد "الربح المادي".
إن ما يُعرف بالindividualisme، و إن كانت له إيجابياته في جانب الحرية، لهو نقيض لما تعودت عليه الطبيعة البشرية و نزعتنا نحو النفس عبر الآخر
-
إن المثقف هو ظاهرة جديدة مقارنة بعمر التاريخ -إذا اعتمدنا أن البداية جائت مع اكتشاف الكتابة-، و رغم أن المثقف في أوطاننا لا يملك نفس القيمة في نظر شعوبنا، ولكنه يملك سلطة بإمكانها تغيير مجرى التاريخ إلى الأفضل أو الأسوأ، فهو الذي يكتب التاريخ، و يُنَظِّر للمستقبل، يسعى للعدالة أو يخدم السلطة، يحقق مصالح الشعوب أو يهدف لإستمرارية الدولة.
و عليه، فإن للمثقف مسؤولية كبرى يجب فهمها و تحليلها لكي يصبح الهدف الأساسي هو العدالة، و لا شيئ غيرها.
-
إن بقي شيء مشترك بين كل مكونات الطبيعة -بما فيها الإنسان- فالبقاء والإستمرار في الزمن هو الذي لا يمكن التنازع فيه، فكل الكائنات الحية تسعى إلى الخلود. وبينما أغلب هذه الكائنات تحقق خلودها عبر تمرير جيناتها كما فعلت منذ الأزل، فإن الإنسان أصبحت له القدرة أن يتعدى الطبيعة ويذهب نحو -لا ترسيخ النوع الإنساني فحسب- بل خلود أفراد هذا النوع عبر تطوير الطب و مضاعفة أمل الحياة مقارنة بأسلافنا، واليوم، عبر إستعمال التكنولوجيا لتسجيل الذكريات الفردية وتحليل بياناتها كي تبقى بعد فناءه وصولا إلى مزج الإنسان بالآلة، لكي يتعدى مرحلة الإنسان العاقل (Homo-sapiens) الى مرحلة الإنسان الإله (Homo-Deus).
احنا محمد الهادي الملولي وعبد المجيد حمدي وهذي الحلقة #16 من بودكاست نحكيو واقع.
-
إن كان الحاضر في طور التزييف أمام أعيننا، فكيف لنا أن نصدق التاريخ كمصدر لقيمنا ومعتقداتنا. في الحلقة هذي من بودكاست الواقعيين حكينا على التاريخ في ضاهره ومعناه واتجاهه. شكونهم ها"الشخصيات التاريخية"؟ كيفاش يأثرو في تفكيرنا ونظرتنا للعالم وهل طبيعي انو نسلمو تفكيرنا وحريتنا الناس ما نعرفوهمش؟ هل التاريخ يصنع الرجال وإلا الرجال هي اللي تصنع التاريخ؟ لكلهم سؤالات خاضوا فيها الفلاسفة عبر القرون وحبينا نشاركوكم راينا في الموضوع.
أحنا محمد الهادي الملولي و عبد المجيد حمدي و هذي الحلقة 15 من بودكاست الواقعيين.
-
إذا تسائلنا عن موقعنا كبشر بالنسبة للعالم الخارجي، فسنجد أننا نتعرف على الأشياء من خلال تجاربنا الشخصية أو مخيالنا الجمعي، بدون أي حاجز، نصنع فكرتنا عن العالم الخارجي. ماذا إن أظفنا طبقة عازلة بين الإنسان و الحقيقة؟ مثل أجهزة الإتصال، ثم حجز أصدقائك، أموالك، صورتك في العالم، عملك و دراستك في هذه الأجهزة. على الأغلب لن تستطيع الإبتعاد عنها. و هذا ما حصل لنا. أحنا محمد الهادي الملولي و عبد المجيد حمدي و هذي الحلقة 14 من بودكاست الواقعيين.
-
العالم كيما نعرفوه قاعد يتبدل، بداية من صعود البريكس كقوة إقتصادية تمثل تهديد وجودي للدولار بصفة خاصة والغرب بصفة عامة وإمكانية صنع نظام عالمي جديد إلى العلاقات الجديدة بين الصين والخليج العربي. شنية موقعنا كتونس من هذا الكل؟ علاش المغرب ماشي في إتجاه التحول إلى قوة جيوسياسية كبيرة في المنطقة والعالم؟ وإنت كفرد كيفاش تنجم تحلل هالتغيرات اللي صايرة يمين ويسار؟
حاولنا نعطيو راينا بدون تحيز بش إنجمو نفهمو التاريخ ونتنبئو بالمستقبل لضمان إستمرارية الدول متاعنا و ضمان حق شعوبنا في تقرير مصيرها وسيادتها على ارضها وقراراتها.
احنا محمد الهادي الملولي وعبد المجيد حمدي وهذي الحلقة #5 من نحكيو واقع.
-
العيش في كندا وفي الدول الغربية عموما يمثل هاجس كبير للشباب في ثقافتنا. المجتمع يشوف انو الخرجة في حد ذاتها هي معيار للنجاح بغض النظر على جودة الحياة بعد الخروج والصعوبات اللي ممكن تواجهها من الثقافة، للطقس، لسياسة البلاد اللي إنت فيها. اليوم حكينا على كندا من منظور التجارب متاعنا كشباب توانسة عايشين فيها. هي محاولة لتقريب الصورة أكثر ما يمكن للناس بش تنجم تاخو قرار و تسمع راي اللي ينجم يكون مختلف.
احنا محمد الهادي الملولي وعبد المجيد حمدي وهذي الحلقة #4 من نحكيو واقع
-
في القصص متاع الصغار، كان ديما الغني هو الاي يمثل الشر و الخير ينطلق من الفقر و إكتفائك باللي موجود و لكن وقت تخمم بعقلانية، نلقاو اللي الخير نسبي و الشر نسبي. الحكاية هذي ما تفرقش برشا على قصة اليهود يحكمو في العالم و الطلاين مافيا و التوانسة أذكى المخلوقات.. هو تعميم لإراحة النفس و إعطاء معنى للفشل أو لعدم القدرة على النجاح في الحياة ككل.
أحنا محمد الهادي الملولي و عبد المجيد حمدي، و هذي الحلقة #3 من #نحكيو_واقع
-
ription: اليوم نحكيو على واقع التعليم و الهدف من مشاركتنا فيه. على قد ما التعليم هو أفضل طريقة تسهل المصعد الإجتماعي، على قد ما تختفي هويتك الفردية و في الأغلب ننساقو لإتباع شنبا لازمنا نعملو في بلاصة شنيا نحبو نعملو. في الحلقة هذي نحكيو على دور الوالدين في زرع وجهة نظر الصغير، شنيا الهدف مالقراية؟ تأثير السياسة؟ دور الرأسمالية كمحرك نحو الإختصاص عوض البحث عن المعرفة؟ أخطاء الدولة و غيرو من المواضيع.
أحنا محمد الهادي الملولي و عبد المجيد حمدي و هذي الحلقة #2 من بودكاست نحكيو واقع.
-
من علاقتك مع الوقت للذكاء الإصطناعي و التحول اللي قاعد يصير في العالم بالتكنولوجيا هذي و علاش نحبو الكسكسي؟ 😂 شمعناها 4 سوايع في القهوة بالنسبة لحياتك مستقبلك؟ فاش يحكي قيس سعيد وهل اللي يحكي فيه غالط؟ القيمة متاعك تجي مالقيمة اللي تعطيها لوقتك وغيرو من المواضيع اللي تهمك وتهم مستقبلك. (و حتى شمعناها مستقبل؟) 👀
احنا محمد الهادي الملولي وعبد المجيد حمدي و هذي حلقة جديدة من نحكيو واقع.
-
اليوم نحكيو عالهجرة، هو موضوع الساعة حاليا في تونس و لكن حبينا نعطيو وجهة نظر اللي أساسها ضمان إستمرار الوطن كثقافة و وحدة ترابية و إستمرار الدولة كممثل للشعب التونسي. منين بدات الهجرة؟ كيفاش تأثر في الشعوب؟ لوين ينجم يوصل موضوع الهجرة كان ما نتعاملوش معاه؟
أحنا محمد الهادي الملولي و عبد المجيد حمدي و هذي الحلقة #8 من بودكاست الواقعيين.
-
stoicismالرواقية أو ما يعرف بال
خذا برشا إهتمام في العقود الأخيرة و خاصة مع صعود علم النفس و أهمية الصحة النفسية. هي في المجمل فلسفة حياة تجاوب على أسئلة مهمة: شنيا الحاجات اللي تتحكم فيهم و شنيا الحاجات اللي ما عندك حتى دخل فيهم؟ في وقت تسمع أخبار مالعالم الكل، شنيا الحاجات اللي يعنيوك بالحق؟ شنيا أهمية حكمنا على الأشياء؟ و هل أحنا نحكمو عالأشياء كيما هي و إلا توقعاتنا على الحاجات كيفاش لازم تكون؟ و غيرو مالأسئلة العملية اللي تخلينا نبدلو نظرتنا على العالم. أحنا محمد الهادي الملولي و عبد المجيد حمدي، و هذي الحلقة #7 من بودكاست الواقعيين.
-
العلم في وقتنا يتحكم في جميع أركان حياتنا، شنيا لازمك تاكل، أي وسيلة نستعملوها في حياتنا اليومية كانت في نهار مالنهارات فكرة و تعدات بالمنهجية العلمية باش تتحقق. انجمو زادة نفهمو قداش العلم اتطور خاصة بعد فيروس كوفيد اللي عن طريق العلم صار أكبر lockdown في تاريخ البشرية.
أحنا محمد الهادي الملولي و عبد المجيد حمدي و هذي الحلقة #6 من بودكاست الواقعيين.
-
علاش لازم نفهمو الاديولوجيات السياسية ؟ الايدولوجية السياسة هي إلي تخلينا نعرفو الناس إلي تحكم فينا كيفاش تخمم، أو شنية نظرتهم للدولة، لتاريخ، إقتصاد أو مستقبل شعب في حد ذاتو. فهم الافكار هذي اخلينا عندنا القدرة بش نفهمو العالم، إلي سياسي احب يبني بيه مستقبلنا. في الحلقة هذي أحكينا على الرأسمالية و كيفاش تكونت، الاشتراكية و كيفاش بدات، الليبرالية و التيار المحافظ، مع بعض الأفكار كيما ال-consumerism و postmodernism إلي هوما أفكار سياسية متع القرن 21.
أحنا محمد الهادي الملولي و عبد المجيد حمدي، و هذي الحلقة #5 من بودكاست الواقعيين.
-
علاقتك بالسلطة اليوم هي علاقة أفقية بامتياز. اللي يحكم ما يعرفش حتى اللي انتي موجود، أما يأثرلك في حياتك و مشاعرك، ممكن تخرج تتظاهر و تبدل طريق حياتك على خاطرو. الأكيد إنو فهم مختلف السلطات اللي نتعرضولهم في حياتنا مهم باش تنجم تعيش بطريقة ما خير، و فهم مصالحك المستقلة على السلطة ما ينجم كان يحسنلك في حياتك و تفكيرك. رجل السياسة و رجل الدين، هوما وجهين لعملة واحدة. أحنا محمد الهادي الملولي و عبد المجيد حمدي، و هذي الحلقة #4 من بودكاست الواقعيين.
-
كيفاش الشعوب تتكوّن؟ أهمية اللغة و الأخلاق في صنع القوانين و علاش نحسو بالإنتماء للوطن؟ علاش فما شعوب تصنع حضارات و شعوب تبقى كيما هي؟ شنيا مكونات الشعب و غيرهم من الأسئلة باش نحكيو فيهم في الحلقة هذي. أحنا محمد الهادي الملولي و عبد المجيد حمدي و هذي الحلقة #3 من بودكاست الواقعيين.
-
في حلقة الجمعة هذي من بودكاست الواقعيين نحكيو على الطبيعة البشرية و كيفاش وقت تفهمها تنجم تبدلك حياتك. علاش نخافو كبشر؟ علاش نحبو الناس تشوفنا بطريقة معينة؟ كيفاش المخ ينجم يغلطنا و يخلينا نحسو حاجات ماهمش موجودين؟ أهمية المعرفة كسلاح باش تواجه الحياة و أكثر. أحنا محمد الهادي الملولي و عبد المجيد حمدي و هذي الحلقة #2 من بودكاست الواقعيين. #podcast #tunisie #tunisia #psychologie #philosophie #neuroscience #الواقعيين #tounsi #بودكاست #knowledge #تعلم
- Laat meer zien
