Afleveringen
-
ဒီတစ်ပတ် သျှမ်းသံတော်ဆင့်ရဲ့ မြန်မာပိုင်း Radio Podcast အစီအစဥ်မှာ ဆိုရင်တော့ တိုင်းရင်းသား လက်နက်ကိုင် တပ်ဖွဲ့တွေထဲက "ဝ" ပြည်သွေးစည်း ညီညွှတ်ရေး တပ်မတော် UWSA အကြောင်းကို တင်ဆက်ပေးသွားမှာပဲ ဖြစ်ပါတယ်။ လက်ရှိ ကာလမှာဆိုရင် UWSA တပ်ဖွဲ့ဟာ အင်အားကြီးတဲ့ လက်နက်ကိုင် တပ်ဖွဲ့တစ်ခုလည်း ဖြစ်နေပတယ်။ UWSA တပ်ဖွဲ့ဟာ ဘယ်လို ဖွဲ့စည်းတည်ထောင်ဖြစ်ခဲ့လဲ၊ အင်အားတည်ဆောက်မှု နဲ့ လက်ရှိ တပ်ဖွဲ့ရဲ့ ရပ်တည်ချက်၊ အခြေအနေတွေနဲ့ ပတ်သက်ပြီး အပြည့်အစုံကိုတော့ သျှမ်းသံတော်ဆင့် သတင်းထောက် နန်းနောင့်နောင့်ကစုစည်းပြီး စိုင်းဆိုင်လျန်ကနေ တင်ဆက်ပေးသွားမှာပဲ ဖြစ်ပါတယ်။
-
Zijn er afleveringen die ontbreken?
-
" သျှမ်းတော်လှန်ရေးက ဘယ်လဲ"
-
စစ်မီးတွေကြား ခေါင်းမဖော်နိုင်တဲ့ သျှမ်းနှစ်သစ်ကူး ပွဲတော်
သျှမ်းနှစ်သစ်ကူးချိန် ရောက်လာတဲ့ နတ်တော်လဟာ အုံးစည်ဗုံးမောင်း အသံတွေနဲ့ သာယာလှပခဲ့ဖူးပေမဲ့ ယခုနှစ် သျှမ်းနှစ်သစ်ကူးကတော့ စစ်မီးတွေကြား မသာယာနိုင်တော့ပါဘူး။ သျှမ်းနှစ်သစ်ကူး အချိန် မဟာမိတ် တပ်တွေနဲ့ စစ်ကောင်စီ တပ်တို့အကြား ၁၀၂၇ စစ်ဆင်ရေးကြောင့် သေနတ်သံ နဲ့ လက်နက်ကြီးထုသံတွေက သျှမ်းပြည်အတွင်းပျံ့နှံ့နေပါတယ်။ မြူနှင်းတွေအကြား ယမ်းငွေ့တွေဝေနေပြီး သျှမ်းပြည်သူတွေ သောင်း နဲ့ချီကလည်း စစ်ရှောင်ထွက်ပြေးရပါတယ်။
ဒီတစ်ပတ် သျှမ်းသံတော်ဆင့်ရဲ့ မြန်မာပိုင်း Podcast အစီအစဥ်မှာ ဆို၇င်တော့ ယခုနှစ် ဒီဇင်ဘာလ ၁၃ ရက်နေ့မှာ ကျရောက်မယ့် သျှမ်းရှမ်းနှစ် ရဲ့ သမိုင်းကြောင်း နဲ့ လက်ရှိ သျှမ်းပြည်ရဲ့ စစ်မီးပဋိပက္ခတွေအကြောင်းကို သျှမ်းသံတော်ဆင့် ဝိုင်းတော်သူ နန်းနောင့်နောင့်က တင်ဆက်ထားပါတယ်။
-
"၁၀၂၇စစ်ဆင်ရေး"ထဲက ကိုးကန့်တပ်ဖွဲ့"
မိုင်ဆုင်ခ - မင်္ဂလာပါ ဒီတစ်ပတ် သျှမ်းသံတော်ဆင့်ရဲ့ Podcast Radio အစီအစဥ်ကနေ ၁၀၂၇ စစ်ဆင်ရေးမှာ ပါဝင်ထားတဲ့ မြန်မာအမျိုးသား ဒီမိုကရက်တစ် မဟာမိတ် တပ်မတော် (ကိုးကန့်တပ်ဖွဲ့ - MNDAA) ရဲ့ ဖွဲ့စည်း တည်ဆောက်ပုံနဲ့ ရည်ရွယ်ချက် သမိုင်းကြောင်းတွေကို တင်ဆက်ပေးသွားမှာ ဖြစ်ပါတယ်။ ဒီအကြောင်းအရာ နဲ့ ပတ်သက်ပြီး အပြည့်အစုံကို သျှမ်းသံတော်ဆင့် ဝိုင်းတော်သူ ကျမ နန်းနောင့်နောင့် က စုစည်းတင်ဆက်ထား ပါတယ်။
-
ထွက်ပေါက်မရှိ နယ်စပ်မျဥ်းပေါ် ပိတ်မိနေသူများ
-
ဒီတစ်ပတ်Podcasts အစီစဉ်မှာဆိုရင် ပညာရေးပိုင်းနဲ့ ပတ်သတ်တာကို နားဆင်ရမှာဖြစ်ပါတယ်။ ဟုတ်ကဲ့ပါ ။ဒီအစီစဉ်မှာ အဓိကတော့ ထိုင်းနိုင်ငံ ချင်းမိုင်မြို့မှာ ကျောင်းတက်ချင်တဲ့သူတွေအတွက် ဖြစ်ပါတယ်။ အခုလကစပြီးတော့ ချင်းမိုင်တက္ကသိုလ်မှာ ကျောင်းတက်ချင်တဲ့သူတွေအတွက် ကျောင်းသားတွေကို စခေါ်ယူနေပြီဖြစ်ပါတယ်။ ဒီကျောင်းကို တက်ဖို့ ဘာတွေလိုအပ်မလဲ၊ ဘယ်လိုမျိုးလျှောက်ယူရမလဲ။ တစ်နှစ်တာကျောင်းတက်ဖို့ကော ဘယ်လောက်ကုန်ကျမလဲဆိုတာကို လက်ရှိ ချင်းမိုင်တက္ကသိုလ်မှာကျောင်းတက်နေတဲ့ မောင်ဩဂုတ်ကို မေးမြန်ထားပါတယ်။
-
သျှမ်းမြောက်တိုက်ပွဲကြားက စစ်ဘေးရှောင်တွေရဲ့ အခြေနေ
-
ငြိမ်းချမ်းရေး တည်ဆောက်မှုဆိုင်ရာ William P. Fuller Fellows အတွက် အမေရိကန် အခြေစိုက် The Asia Foundation က နေ ရွေးချယ်မှုမှာ မြန်မာနိုင်ငံက ပထမဆုံး နဲ့ တစ်ဦး တည်းသော အမျိုးသမီးအဖြစ် သျှမ်းတိုင်းရင်းသူ နန်းစံနွယ် က ရွေးချယ်ခံထားရပါတယ်။
Fellowship အတွက် ဘယ်လိုကြောင့် ရွေးချယ်ခံရလဲ၊ သျှမ်းပြည်ရဲ့ နှစ်ပေါင်း (၇၀) ကျော် တော်လှန်ရေး နဲ့ မြန်မာပြည် ငြိမ်းချမ်းရေး တည်ဆောက်မှုဖြစ်စဉ်နဲ့ အလားအလာတွေအပေါ် တိုင်းရင်းသား လူငယ် တဦးရဲ့ အမြင်တွေကို ဘယ်လိုရှိလဲ ဆိုတာတွေနဲ့ ပတ်သက်ပြီး နန်းစံနွယ်ကို သျှမ်းသံတော်ဆင့် သတင်းထောက် နန်းနောင့်နောင့်က ဆက်သွယ်မေးမြန်းထားပါတယ်။
-
သျှမ်းပြည် လောက်ကိုင်မြို့မှာ Hair Stylist တယောက်အနေနဲ့ ဘာကြောင့်စိတ်ဝင်စားရလဲ။ လူငယ်တယောက်အနေနဲ့ လောက်ကိုင်မြို့မှာ ဘယ်လိုရှာဖွေစားသောက်နေလဲ၊ ဘာတွေ ခက်ခဲနေလဲဆိုတာကို သျှမ်းသံတော်ဆင့် သတင်းထောက် နန်းနောင့်နောင့်က Hair Stylist စိုင်းဖကို တွေ့ဆုံမေးမြန်းထားပါတယ်။
-
လက်ရှိ နှင့် SSPP တည်ထောင်မှု (၅၂) ပြည့် ခရီး
အခုနှစ် သြဂုတ်လ ၁၆ ရက်ဟာဆိုရင် ရှမ်းပြည်တိုးတက်ရေးပါတီ၊ ရှမ်းပြည် တပ်မတော် SSPP/SSA တည်ထောင်မှု သက်သမ်း ၅၂ နှစ်မြောက် ရှိခဲ့ပြီ ဖြစ်ပါတယ်။
SSPP ဆိုတဲ့ ရှမ်းပြည်တိုးတက်ရေးပါတီကို ၁၉၇၁ ခုနှစ်၊ သြဂုတ် ၁၆ ရက်နေ့မှာ SSA အဖွဲ့အစည်းရဲ့ ပထမညီလာခံကျင်းပတဲ့ အချိန် စတင်တည်ထောင်လာခဲ့တာပါ။
SSPP/SSA၏ သမိုင်းကြောင်းက ရှည်လျားပြီး ကနဦးတည်ထောင်စဉ်ကတည်းက သျှမ်အမျိုးသား တော်လှန်ရေးအတွက် ဦးတည် ပေါက်ဖွားလာခဲ့တဲ့ ရှမ်းလက်နက်ကိုင် တပ်ဖွဲ့ ဖြစ်ပါတယ်။
ဒီကနေ့ ကျရောက် (၅၂) နှစ်မြောက် SSPP တည်ထောင်မှုကို အကြောင်းပြုပြီး SSPP ရဲ့ တည်ထောင်မှု သမိုင်းကြောင်း ဘယ်လိုရှိလဲ၊ သက်တမ်းတစ်လျှောက် စစ်ရေး၊ နိုင်ငံရေး ရပ်တည်ချက်/လုပ်ဆောင်ချက်တွေ ဘယ်လို ရှိခဲ့လဲ ဆိုတာကို သျှမ်းသံတော်ဆင့် နန်းနောင့်နောင့်က တင်ဆက်ထားပါတယ်။
#SHANNews
#SHANBurmese
#သျှမ်းသံတော်ဆင့်
-
တစ်ခေတ်တစ်ခါက စော်ဘွားတွေ နေထိုင်တဲ့ မိုင်းပွန်မြို့ ဆိုတာဟာ သာယာဝပြောတဲ့ နယ်မြေ ဒေသတစ်ခု ဖြစ်ပါတယ်။ သို့ပေမဲ့ မိုင်းပွန်စော်ဘွားကြီး စဝ်စံထွန်း ကွယ်လွန်ပြီးနောက် စစ်အာဏာလက်ထက် ရောက်လာတဲ့ အချိန်မှာတော့ မိုင်းပွန်မြို့ဟာ မထင်မရှားမြို့အဖြစ်သာ ရှိနေပါတယ်။
ခေတ်အဆက်ဆက် ပြုပြင် မွမ်းမံမှု ကင်းမဲ့ခဲ့တဲ့အတွက် မိုင်းပွန် ဟော်နန်းရဲ့ ပရိဝုဏ်ဆိုရင်လည်း ဝင်တဲ့ လမ်းလောက်ပဲ ကျန်နေပါတော့တယ်။ ဟော်နန်း အဆောက်အအုံနဲ့ အတွင်းခန်းက ပစ္စည်းတွေဆိုရင်လည်း မရှိသလောက် ကုန်ခန်းနေပြီး ကြမ်းခင်းက အစ ယိုယွင်း ပျက်စီးနေပါတယ်။
မည်သို့ပင် ဆိုစေကာမူ ဖြိုချဖျက်ဆီးခံလိုက်ရလို့ ပြိုလဲသွားတဲ့ အဆောက် အဦးတွေ ရဲ့မြည်ဟီးသံကတော့ သျှမ်းလူမျိုးတွေရဲ့ နှလုံး သားတွေထဲမှာ ကမ္ဘာတည်နေသေးသရွေ့ မြည်ဟီးနေမှာပါ။
#shannews #သျှမ်းသံတော်ဆင့် #SHANBurmese #ဟော်နန်း #စော်ဘွား
-
မိုင်ဆုန်ခ ၊ မင်္ဂလာပါ သျှမ်းသံတော်ဆင့် မြန်မာပိုင်း Podcasts အစီစဉ်ကနေ ကြိုဆိုလိုက်ပါတယ်။ ဒီတစ်ပတ် Podcasts အစီစဉ်မှာဆိုရင် တော်လှန်ရေးကာလအတွင်းမှာ အမျိုးသမီးလည်းဖြစ် ၊ Single Mother လည်းဖြစ်တဲ့ အင်းလေးသူ မယုလှိုင်သင်းနဲ့ တွေ့ဆုံးမေးမြန်ထားတဲ့ကို နားဆင်ရမှာပဲ ဖြစ်ပါတယ်။ စစ်တပ်က အာဏာသိမ်းပြီးတဲ့နောက်ပိုင်းမှာ တော်လှန်ရေးကာလအတွင်းမှာ ကလေး ၂ ယောက် နဲ့ ဘယ်လိုတွေ သွားလာလှုပ်ရှားခဲ့လဲဆိုတာကို သျှမ်းသံတော်ဆင့် နန်းနောင့်နောင့်ကနေ မေးမြန်ထားကို နားဆင်ရမှာပဲဖြစ်ပါတယ်။ ကျနော်ကတော့ စိုင်းဆိုင်လျန်ပါ။
-
သျှမ်းယဥ်ကျေးမှု ဓလေ့ထုံးတမ်း အငွေ့အသက်မဲ့တဲ့ ဟော်နန်းပုံစံတူ
စစ်အာဏာသိမ်း ဗိုလ်ချုပ်မှူးကြီး သန်းရွှေ ခေတ်ကာလမှာ ဖျက်ဆီးခံရတဲ့ ကျိုင်းတုံဟော်နန်းကို လက်ရှိ စစ်အာဏာသိမ်း ခေါင်းဆောင် မင်းအောင်လှိုင်က ငွေကြေးကုန်ကျ ပြန်ပြုပြင်နေပါတယ်။
ဒီပုံတူ ဟော်နန်းကို ပြန်လည်တည်ဆောက်တာဟာ သျှမ်းလူထုရဲ့ စိတ်ကို ပြန်လည်ကုစားပေးပြီး သျှမ်းလူထုရဲ့ ထောက်ခံမှုကို လိုချင်လို့လားဆိုတာ မေးခွန်းထုတ်စရာဖြစ်နေပါတယ်။
တခေတ်တခါက ကိုယ့်လူမျိုးပေါ် မျိုးသုဥ်းသတ်ဖြတ် ဂျီနိုဆိုဒ်လုပ်ခဲ့ပြီး ကိုယ့်လူမျိုးရဲ့ ယဥ်ကျေးမှု ဓလေ့ထုံးထံကို ဖျက်ဆီးခဲ့တဲ့ စစ်အာဏာရှင်တွေရဲ့ လက်ရက်တွေဟာ ဒီဟော်နန်းပုံတူ တွေနဲ့ သျှမ်းလူထုတွေ ကျေနပ်နေကြပြီလားဆိုတာလည်း စဥ်းစားစရာဖြစ်လာပါတယ်။
#shannews #SHANBurmese #သျှမ်းသံတော်ဆင့် #စစ်အာဏာရှင်
-
တာချီလိတ်မြို့ဟာ ထိုင်း-မြန်မာ နယ်စပ် မြို့တမြို့ဖြစ်ပြီး၊ မူးယစ်ဆေးဝါးတွေကြောင့် လူငယ်တွေ အမျိုးသမီး တွေ ဘဝပျက်သွားတဲ့သူတွေ၊ မူးယစ်ဆေးဝါးကြောင့် အသက်ဆုံးရှုံးရတဲ့ အမျိုးသမီးငယ်တွေ နေ့စဥ်နဲ့ အမျှ ရှိနေပါတယ်။
တာချီလိတ်မြို့မှာ မူးယစ်ဆေးကို ကွမ်းယာ၊ ကော်ဖီထုတ်လို့ ဝယ်ယူရလွယ်တဲ့ဒေသပါ။ ဒီတာချီလိတ်မြို့မှာ ဘယ်လို မူးယစ်ဆေးဝါးတွေရနေလဲဆိုတာကိုတော့ သျှမ်းသံတော်ဆင့် က သတင်းထောက် နန်းနောင့်နောင့် က တင်ဆက်ပေးသွားမှာပါ။
#SHAN , #SHANBurmese , #သျှမ်းသံတော်ဆင့် #မူးယစ်ဆေး #တာချီလိတ်
-
သျှမ်းခမောက်ကို သျှမ်းလို အခေါ် “ကွပ်” လို့ ခေါ်ကြပါတယ်။ သျှမ်းခမောက် ပြုလုပ်တဲ့ ဒေသများ အနက် “မိုင်းနောင် သျှမ်းခမောက်” ကတော့ ထင်ရှားကျော်ကြားလှပါတယ်။ မိုင်းနောင်မြို့ဟာ ရှမ်းခမောက် “ကွပ်မ် ယော”ထွက်ရှိရာ အချက်အချာမြို့လို့တောင် ခေါ်ဆိုကြပါတယ်။
သျှမ်းလူမျိုးတို့ရဲ့ ခမောက်ပြုလုပ်ပုံမှာ နေဒေသအလိုက် အမျိုးမျိုးကွဲပြားပါတယ်။ ဝါးခမောက်၊ မြက်ခမောက်၊ ဂျုံခမောက်၊ ရုံးခမောက်၊ ထန်းခမောက်၊ တွေခမောက် တို့ဖြစ်ပါတယ်။ ဝါးခမောက်ကို သျှမ်းလူမျိုးတို့ တည်ရှိ နေထိုင်ရာ ဒေသတိုင်းမှာ အသုံးပြုလျက် တွေ့ရှိရပါတယ်။
#shannews #SHANBurmese #သျှမ်းသံတော်ဆင့် #သျှမ်းရိုးရာ
