Afleveringen
-
… und i schwör dia meista wo mi uf dr autobahn überholen, stönd denn ar ampla vor miar. i han das früaner au so gmacht. Drum weissi das i eba meistens glich nid schneller bin und z einziga wo hilft isch würkli dia 5 min früener ussem huus zgoh. 🤷🏼♀️ i wünscha diar a gmüatlich gmögigi ziit, uf dass du di vu sanfta wella durch din alltag kasch loh trieba loh, und wenns numa für as paar wenigi moment so isch, denn isch das au scho viel viel wert. 🙏🏼
-
orgasmus und gebära hend meh gmeinsam als was du denksch. wasi no vergessa han zum sega: es ghit au fraua wo tatsächlich en orgasmus während da geburt hend. isch alles möglich. uuuuund ir beschriebig zu dem podcast findsch neu a emailadressa wo du miar dini froga, wünsch, feedbacks etc kasch schrieba. :) enjoooooy!
-
Zijn er afleveringen die ontbreken?
-
yesss du hesch richtig glesa. hüt redi übers nackt tanza und was für schöni sacha dass mit miar astellt. i reda am schluss au no biz übers singa vu mantras. una verlinki diar no verschiedenes zum drilosa ;) una sind 3 vu mina absoluta liablingsmantras. alli sind vo Mojo zur verfüagig stellt, aber es geit hunderti verschiedeni versiona jewils.
machs guat du schöni seel.
z liad push an shove vu no doubt <3
https://www.youtube.com/watch?v=hunha8UtqCk
mini dance playlist
https://open.spotify.com/playlist/3hsyfco1AYkdUHFeLsk7kq?si=d6fbe30636af4fa1
z mantra Hare Krishna Hare Rama
https://www.youtube.com/watch?v=YFfmtv47dig
z mantra he mata Kali
https://www.youtube.com/watch?v=i7B4SspgC0w
z mantra sita ram
https://www.youtube.com/watch?v=Vqa-_XbmF5g
-
sorry für mis dütsch, es wird immer schlechter je älter i werda xD aber i bin zfuul zum all dia versprecher z korrigiara. Machi im echta leba au nid und de podcast söll jo schlieslich so authentisch wia möglich si ;)
-
titel seit glaub schu alles. aber vlt anderst als du denksch.
-
i luaga hüt kritischer uf d entstehig vu da 12. folg vu minem podcast. buachempfehlig: das ende der ehe - emilia roig. website empfehlig: diefeministen.ch
-
eifach a kli news was mi 2023 no erwartet.
-
dasmol luagi zrugg uf mini ca 3.5 jöhrig bezüchig, wobi öppa 2.5 joor davo eba polygam also offa usglebt worda sind. random as always :)
-
nomol dr heuschnupfa, eifach imana neua joor. a spannendi reis in dia abstrakta ecka vu üserem sii
-
das isch min volli ernst. i freua mi uf jedes joor woni älter werda. i verzella vu dem ort wo mr kraft ghit, warum d menstruation an erliachterig isch für mi und uf was i will zrugg luaga wenni ufem sterbebett ligga. so ungefähr zumindest ;)
-
mit dera folg wogi mi definitv us minra komfortzona usa. vlt a kli sehr fest, i weiss es nid.
es ghot umd legalisierig vu gras ir schwiiz, en klina usflug in mini erlebnis, hoffniga für d jugend und d entwicklig vu minra usgangskultur.
-
dia guata und wichtiga sacha im leba sind nid gross und kompliziert. si sind kli und eifach, so unschienbar dass mi si oft übersiet. ma nimmt si kum wohr. aber wemma sich langsam dafür öffnet, bini mir zimlich sicher, dass jedes wesa uf dem planet das glück in sich selber findet vu dem alli immer reden. es brucht nu kli geduld. viel spass <3
-
i han gfunda das isch en easy iistig noch anra längera pausa. woni d folg nocher aglost han, hani mössa schmunzla wells für einigi worschindli zu da eher harta kost ghört und ohni bewusstsiinveränderndi substanza viel zu abstrakt isch. vlt aber au nid. anyway, dia folg als klina exkurs in dia grossi seelawelt vo üs allna und en klina usblick uf dia verschiedena bewusstsiinzuaständ wo glichzitig uf dera erda vorhanda sind. enjooy. Referenzvideo: https://www.instagram.com/reel/Cda5qjMF_6Z/?igshid=YmMyMTA2M2Y=
-
dia folg liit mr sehr am herza und i hoffa dass sie vieli menscha erreicht <3
ganz unerwartet han i min heuschnupfa gheilt. und das ohni sprütza wia bir desensibilisiarig (oder no schlimmer kortison sprütza), ohne kinesiologie und ohni tabletta. es isch en wilda mix us allem woni bis jetzt i minem leba glernt und erfahra han. was das genau isch, khörsch in dena wunderbare 25 min, i hoffa du gönsch si diar.
i verstohns wenn du noch dera folg denksch, dass das doch nid möglich isch. aber i laufa jetzt wieder do dussa uma ohni nüssa, ohni juckendi auga, ohni schnudernasa, ohni kratza im hals und ohni dassi tagtäglich müad bin und kann endlich de wunderschöni früahlig gnüssa.
-
live us mexico! i wett diar hüt verzella wia i sit langem wieder richtig und bewusst selbstliabi erfahra han. i han gseh dass sie eis fu da stützana isch wo z fundament zu (selbst)heilig isch. und well i glauba dass es wichtig isch und a wunderschöni message für üsi welt, wetti si gern mit diar teila. vlt witsch au du si gern mit öppertem teila. i wür mi ufjedafall wahnsinnig freua :D mit viel liabi und viel tacos im buch - dini simona
-
do es paar gschichta zum thema grenza überschriita, warum i verhext gsi bin (brennendi computer etc.) und wo i de nögsti monat verbringa. (das isch den au de grund warums erst im mai wieder neus vu miar ghit.
-
alsooo du bisch feminisch... NAI MAN(N)! bin i nid. zumindest nid im derziit praktiziarta stil.
wennd wetsch wüssa warum mi feminismus ufregt, denn gönn diar gern dia folg.
#freerealfeminismandmasculinism
-
um dera folg ghoz um hamsterräder und warum du das vilicht gar nid loswerda muasch, sondern numa wüssa söllsch wia di döt dina bewegsch damit du eines tages flüga wirsch und ds gitter ganz vu selber zerspringt. i reda nomol a kli übers metaversum, allerdings kli anderscht als in da ältera folg. und vor allem traui mi z erst mol kli über geld z reda. und natürli visiona vu liabi ;)
wasi nid erwähnt han isch wia realistisch de neu film vom ryan reynolds "free guy" isch. obadruf no witzig und üsserst lehrrich. wo min fründ de vorgschlaga het hani denkt: nai bitte kai trash movie. tja es isch ganz anders koh. er het a geili message. do wär de trailer: https://www.youtube.com/watch?v=X2m-08cOAbc
Inspiration für dia folg isch er gsi: https://open.spotify.com/episode/3nfjCvuNnTIJ2CIficY7He?si=955b9ce9781d4f32
do de trailer vu minem all-time-favorite "SLC PUNK" : https://www.youtube.com/watch?v=fcFm96WxAZY
-
das isch d fortsetzig vur "schländera" folg vum januar. i verzella do über mini erkenntnis und was das bewussta laufa mit mir gmacht het. i lerna immer meh drüber, was in üsra schnell lebiga welt wertvoll isch. es sind dia langsama, klina sacha. i weiss, hesch sicher au scho 1000 mol ghört. aber dia alta segend das wo sie segend amel nid uma suscht ;)
miar isch wichtig dass ma nid inra bubble lebt. i finda bubbles doof. sie hend nüd mit da reala welt ztua. i weiss dass so bloosana eim schütza könnt. aber ehrlichgseit isch es nüd anderes als en (droga-, arbeits-, konsum-)süchtiga. nu hald ohni d substanz oder materielli güeter. für mi ghoz drum zum das echta leba wohrzneh mit all sina hässlicha siita. miar alli hend scho moment kah wos üs schlecht kanga isch. isch so. es isch wohl a charakter sach plus vili witeri zuatata wia erfahriga etc. was ma den drus macht. sücht und eba so bubbles sind de schnelli usweg. in mina auga aber nid nochhaltig und de priis isch hoch. das gsehmer sobald mr ussem fenster vo üsna sichera hüüsli (v.a. do ir schwiiz) ussa luagen. eina vu da ersta schritt wo miar in a nochhaltigi richtig könnt macha isch en langsama. mit viel gnuss und achtsamkeit als Intention. may peace be with you
-
hesch gwüsst, du kasch dini nasa für viel meh isetza als numa in ihra z grübla. i han nid dia best und es ghit viel lüüt i minem umfeld wo viel besser schmöcken als ih. glich wett i hüt genau über das tolla organ reda - d nasa, üsa zinka ;) . i verzella unter anderem was i mit dem organ so macha und was miar innerhalb kürzester ziit a volli dosis lebensenergie ghit ;)
- Laat meer zien
