Afleveringen
-
في حلقة استثنائية من بودكاست "تجارب" نستضيف الدكتور محمد النجار – مستشار صندوق العراق للتنمية – في حوار معمّق نفتح فيه الملفات الاقتصادية الكبرى، ونناقش رؤى جريئة لإعادة بناء العراق من الداخل.على مدى ساعتين من النقاش الصريح، نغوص في محاور محورية: "يومين نفط ويبدأ البناء": رؤية جديدة لاقتصاد ما بعد الريع الدكتور النجار يطرح معادلته الشهيرة، ويشرح كيف يمكن تحويل التحديات البيئية والديموغرافية إلى فرص استثمار ضخمة. "العقل العراقي أغلى من البترول" ما معنى الاستثمار في رأس المال البشري؟ ولماذا يعتبر النجار أن الكفاءات العراقية هي الثروة الحقيقية؟ مبادرة بناء 1000 مدرسة خلال عام تفاصيل النموذج التمويلي المبتكر "أجّر ثم تملّك"، وكيف يمكن تسريع البنية التحتية التربوية بشراكات ذكية. الشركات القابضة المشتركة (عراقية – أجنبية) لماذا يصرّ صندوق العراق للتنمية على امتلاك "حصة أقلّية" مع "كرسي ذهبي" في مجالس الإدارة؟ مشروع "طريق التنمية": الفرصة الضائعة؟ نقاش شفاف حول تعثّر التمويل، وتعقيدات العلاقة بين الحكومات والمصارف الدولية.🔹 ٨٠ مليار دولار نائمة في حسابات العائلات العراقية هل يمكن تفعيل هذه المدخرات عبر سندات التحويل (Convertible Bonds)؟ وكيف يمكن أن تتحول إلى رافعة للاقتصاد الوطني؟📌 حلقة مليئة بالأسئلة الصعبة والإجابات غير التقليدية... إذا كنت مهتمًا بمستقبل العراق الاقتصادي، فهذه الحلقة لك.
-
تطوير القطاع الخاص صار عنوان رئيسي بكل دول العالم: الحكومات تغيِّر القوانين، تستقطب الاستثمارات، وتطلّع شركاتها برّه الحدود حتى تقلّل اعتمادها على النفط وتخلق وظائف أكثر. بالعراق، إعلان «مجلس تطوير القطاع الخاص» خلّى السؤال الأهم: شلون نترجم هالتغييرات لأرض الواقع؟ ضيفنا بهالحلقة، المهندس خالد الجابري – مؤسِّس «أصول» وعضو المجلس – يشرّح بيئة التشريعات، التمويل، وفرص الشباب حتى نشوف شنو المطلوب حتى تتحوّل الأفكار إلى مشاريع تموّل نفسها وتدفع السوق للأمام. مواضيع الحلقة
ليش مجلس تطوير القطاع الخاص خطوة محورية للاقتصاد؟الفرق بين الفكرة الريادية وبين المشروع الصغير… وشلون القانون يحدد مستقبلها؟مبادرة البنك المركزي للطاقـة الشمسية: فرصة حقيقية لو لا؟التعديلات المقترحة على الضريبة والجمارك وكيف تغيّر لعبة الاستثمار.فتح شركة «بسيطة» بيوم واحد: خطوات عملية وتكاليف.بعد قيود الدولار على بعض المصارف: شنو المنتجات الدينارية الجديدة وفرص التمويل؟الدفع الإلكتروني، الـKYC، ووحدات التدريب على الذكاء الاصطناعي: فجوات تنتظر شركات ناشئة تسدّها.ليش لازم نفصل بين «الاستشاري» و«المنفِّذ» بقطاع البناء؟ وتأثيره على منظر بغداد.🎙️ برعاية شركة كي (كي كارد، ماستركارد، وحلول الدفع لأكثر من ١١ مليون مستخدم) شمس تلكوم (خدمات الإنترنت وبُنى الكيبل الضوئي بالعراق)
-
Zijn er afleveringen die ontbreken?
-
الـPrivate Equity ديكبر بسرعة بكل مكان بالعالم، واليوم هواية مستثمرين بدوا يركّزون على الأسواق الناشئة مثل العراق، لأن بيها فرص بعوائد أعلى ومنافسة أقل.
في هذه الحلقة، ضيفنا هو محمد باليساني، مؤسِّس ومدير محفظة "نهضة" الاستثمارية، واللي تبلغ قيمتها ٨٠ مليون دولار. حچينا وياه حتى نفهم شلون تتحول فكرة إلى واقع، وشلون تنبني صفقات استثمار حقيقية تقدر تدفع السوق العراقي للأمام.
مواضيع الحلقة:
شلون تشتغل صناديق الـPrivate Equity؟ وليش تُعتبر من الطرق الذكية لتطوير الشركات؟شنو القطاعات اللي يشوفها محمد واعدة بالعراق؟ من البنوك والخدمات المالية إلى الترفيه والصناعات الثقيلة.شلون تگدر تقنع مستثمرين أجانب ومحليين يحطّون فلوسهم بسوق يعتبرونه "خطير"؟شنو كانت فائدة تجربة محمد الدراسية في أوكسفورد وAUIS؟ وشلون أثّرت على تفكيره ببناء بيئة استثمارية محلية حقيقية؟حلقة مليانة دروس، واقعية، وأفكار تلهم كل شخص مهتم بالاستثمار أو ريادة الأعمال بالعراق.
🎙️ هاي الحلقة برعاية:
شركة كي (كي كارد، ماستركارد، وحلول الدفع لأكثر من ١١ مليون مستخدم)شمس تلكوم (خدمات الإنترنت وتطوير البُنى التحتية للألياف الضوئية في العراق) -
بهذه الحلقة المميزة من تجارب، اللي نشاركها وياكم بالتعاون مع برنامج (PureCast)، نستضيف السيد بهاء المعموري، مؤسس شركة كي أو كي كارد، إحدى أهم وأكبر شركات تكنولوجيا المالية في العراق، ضمن حوار مميز مع المقدم محمد الخفاجي، مؤسس شركة بيور بلاتفورم. نناقش بهذا الحوار كل من:
واقع البيئة الاقتصادية والاستثمارية بالعراق وتحدياتهاالابتكار بالعراق وكيفية تطوير المشاريع الرياديةمقارنة بين خطط التنمية للعراق ودول المنطقةالمشهد التكنولوجي للعراق وآفاق التحول الرقميالذكاء الاصطناعي وتأثيره المستقبلي على الاقتصاد والمجتمعمستقبل التعليم والتكنولوجيا المالية والعملات الرقميةتجربة كي بإنشاء مدرسة بمفاهيم تعليمية مبتكرةشكر خاص لشركائنا في شركة كي ورعاتنا في شركة شمس تيليكوم.
-
في هذه الحلقة من بودكاست تجاوب، نستضيف الدكتور حسن الجنابي، وزير الموارد المائية العراقي الأسبق والسفير السابق للعراق لدى تركيا، في حوار معمّق حول أزمة المياه في العراق وأبعادها السياسية، الاقتصادية، والبيئية.
يتناول الحديث أسباب شحّ المياه، والتجاوزات على الحصص المائية، إلى جانب إشكالية السدود في دول الجوار، وكيف أثرت بشكل مباشر على نهري دجلة والفرات وبيئة الأهوار. الدكتور الجنابي يسلط الضوء على التحديات التي واجهها خلال فترة توليه الوزارة، ويشاركنا تفاصيل من تجربته الدبلوماسية، وتعامله المباشر مع المسؤولين الأتراك في هذا الملف الحساس.
كما يطرح رؤيته الشخصية بشأن إصلاح قطاع المياه، وسبل تطويره، مؤكدًا على أهمية الخروج من دائرة المحاصصة السياسية لإيجاد حلول مستدامة وشاملة.
حلقة غنيّة بالمعلومات، والتجارب العملية، والتفاصيل التي قلّما تُروى، لفهم أعمق لأزمة المياه في
-
In this episode of Tajarab, we sit down with Mohamed Al-Khudairi, an Iraqi-American venture capitalist and managing partner at Iraq Venture Partners (IVP). With over two decades of experience bridging international business with local opportunities, Mohamed shares invaluable insights about Iraq's evolving startup ecosystem and investment landscape.
From his early days helping build Canary Group to his current role leading investments in Iraqi startups, Mohamed offers a unique bicultural perspective on doing business in Iraq. He discusses everything from leadership styles and management approaches to the challenges and opportunities in Iraq's tech sector.
Key topics covered:
Building businesses between Iraq and international marketsThe evolution of Iraq's startup ecosystemChallenges facing Iraqi entrepreneursThe role of venture capital in economic diversificationPersonal insights on Iraq's transformation -
في الجزء الثاني من هذه الحلقة، يستكمل لؤي العبيدي، رئيس المنتجات في شركة كي، حديثه ويكشف لنا تفاصيل حصرية حول استحواذ الشركة على منصتي "مسواك" و"ديجيتال زون"، في خطوة استراتيجية مهمة على طريق التحول الرقمي في العراق.
نتعرف خلال الحلقة على كواليس الصفقة: شلون تمت، شنو المعايير اللي خلت "كي" تختار هالشركتين بالتحديد، وشلون تنسجم هذي الخطوة مع الرؤية الأكبر لتحويل العراق إلى مجتمع رقمي متكامل. لؤي يشرح بالتفصيل استراتيجية الشركة في بناء تطبيق رقمي شامل، يجمع بين الخدمات المالية، التجارية، والتقنية، ويهدف إلى تسهيل حياة الناس وتعزيز الشمول المالي في كل أنحاء البلد.
الحوار يغوص في عمق مستقبل التكنولوجيا المالية (FinTech) في العراق، وشلون ممكن هاي التقنيات تساهم في تغيير جذري بطريقة تعاملنا مع الفلوس، الفواتير، الشراء، وحتى الخدمات الحكومية.
حلقة مليانة بالمعلومات الجديدة، والرؤى الواضحة، وتفاصيل تنعرض لأول مرة عن تطورات المشهد الرقمي والمالي في العراق، وتأثيرها على حياتنا اليومية.
-
في هذه الحلقة، استضفنا أحمد الشكرة، مدير منصة 1001 المتخصصة ببث المحتوى الترفيهي. بدأنا الحديث برحلته الشخصية والمهنية، من بداياته مع البرمجة في مدينة حلب، إلى انتقاله إلى عمان، وشنو التحديات اللي واجهها وكيف قدر يبني مسيرته في مجال التكنولوجيا والتعليم الرقمي.
تعمقنا بعدها بمجال التعليم الإلكتروني، وسلط أحمد الضوء على تجاربه المباشرة في إنشاء منصات تعليمية رقمية في دول الخليج، شلون كانت هاي التجارب، شنو نجح بيها، وشنو التحديات اللي واجهها بمجال غالباً ما يكون تقني ومعقد، لكنه أساسي لمستقبل الأجيال القادمة.
ثم انتقلنا للحديث عن صناعة المحتوى الترفيهي في العراق، وناقشنا شنو نوع السرديات والقصص الموجودة بتراثنا وثقافتنا الشعبية، واللي ممكن تتحول لأفلام ومسلسلات تحاكي الجمهور المحلي والعالمي. ركزنا على أهمية هاي السرديات في بناء هوية ثقافية قوية، شنو المشاكل اللي تواجه تحويلها لأعمال إنتاجية، من قلة الدعم إلى غياب البنى التحتية المناسبة.
وفي القسم الأخير من الحلقة، تحدثنا بالتفصيل عن منصة 1001، شنو دورهم اليوم في تطوير وبث المحتوى الترفيهي العربي، خصوصاً في العراق، وشنو استراتيجيتهم لخلق نموذج عمل مستدام يحقق أرباح للمبدعين وصنّاع المحتوى. استعرضنا مشاريعهم البارزة، من رعايتهم لفيلم "ميسي بغداد" الي ترشح مؤخراً لجوائز الأوسكار، إلى بثهم للدوري الإسباني داخل العراق بالتعاون مع قنوات بي إن سبورت، في خطوة مهمة لربط الجمهور المحلي بالمحتوى العالمي.
حلقة غنية بالرؤى والخبرات، موجهة لكل شخص مهتم بالتقنية، التعليم، صناعة المحتوى، أو ببساطة يحب يعرف شلون تُبنى المشاريع الناجحة من الصفر وتتحول إلى قصص نجاح واقعية.
-
بهذه الحلقة المميزة، استضفنا واحد من أبرز رجال الأعمال في العراق، الأستاذ عزيز الخضيري، الي شاركنا رؤيته العميقة والصريحة حول أبرز التحديات الاقتصادية الي يواجهها العراق اليوم. كان محور حديثنا الرئيسي هو البطالة، والي وصفها الأستاذ الخضيري بأنها "أخطر مشكلة تواجه الاقتصاد العراقي حالياً"، مو بس من ناحية الأرقام، لكن من ناحية التأثيرات الاجتماعية والنفسية والسياسية الي ترافقها.
الخضيري تحدث عن أسباب تفشي البطالة، خصوصاً بين فئة الشباب والخريجين، وقدم مجموعة من الحلول الواقعية الي ممكن تُسهم في تقليل نسب البطالة من خلال دعم الصناعة الوطنية، وتشجيع الاستثمارات المحلية، وتوفير بيئة عمل حقيقية وآمنة داخل العراق. ووضح أهمية توجيه الطاقات البشرية لبناء اقتصاد إنتاجي مستدام بدلاً من الاعتماد شبه الكامل على الريع النفطي.
ناقشنا أيضاً مستقبل القطاع النفطي، خصوصاً في ظل التقلبات بأسعار النفط العالمية، وتأثير هذه التغيرات على موازنة الدولة العراقية. تطرقنا إلى تحدي حماية الصناعة المحلية من البضائع المستوردة الرخيصة، واللي قاعدة تضعف فرص المصانع الوطنية في المنافسة، وشلون ممكن الدولة تضع سياسات ذكية تدعم المنتج المحلي وتحفّز الشركات العراقية على النمو والتوسع.
من المواضيع المثيرة أيضاً كان العمالة الأجنبية: هل هي خطر يهدد فرص العمل للعراقيين، لو فرصة لتطوير بعض القطاعات؟ الخضيري طرح وجهة نظر متوازنة حول الموضوع، مع أمثلة عملية من تجاربه الخاصة.
وتحدثنا عن العلاقات الاقتصادية المتنامية مع الصين، والفرص والتحديات الي تجيبها هالعلاقة للعراق، خصوصاً من ناحية التوازن بين الاستفادة من الخبرات الأجنبية والحفاظ على استقلالية القرار الاقتصادي.
وأخيراً، ناقشنا الاختلاف بين الثقافة الشرقية والغربية في بيئة العمل، وتأثير هالاختلافات على الإدارة، الإنتاجية، وطريقة التعامل مع الموظفين، وكانت نقطة غنية بالنقاش والتجارب الواقعية.
حلقة ثرية بالمعلومات، موجهة لكل من يهتم بالاقتصاد العراقي، سواء كان صانع قرار، مستثمر، باحث، أو حتى مواطن يهمه يعرف شنو الي ديصير خلف الكواليس.
-
ناقشنا في هذه الحلقة مع ضيفنا محمد الخفاجي مجموعة مواضيع مهمة ومحورية، بدايةً من السياسة والانتخابات الأمريكية، حيث تطرقنا إلى تفاصيل نظام التصويت غير المباشر وكيف يعمل، والأسباب التاريخية والسياسية اللي خلّت هذا النظام مستمر لحد الآن، بالإضافة إلى تحليلات حول العلاقة بين الحكومة الأمريكية والمؤسسات المالية الكبرى، وتأثير هذه العلاقة على السياسات الاقتصادية والانتخابية.
تحدثنا أيضًا عن المرشحين في الانتخابات الحالية، منو أبرز الأسماء، شنو برامجهم، ومنو كان الأقرب للفوز حسب التحليلات والبيانات المتوفرة، وشنو ممكن تكون تداعيات فوز كل مرشح على الداخل الأمريكي وعلى الوضع العالمي بشكل عام.
بعدها تعمقنا بسوق المشتقات المالية، وشرحنا شنو هي المشتقات، أنواعها، شلون تُستخدم بالمجال المالي، وليش تعتبر من الأدوات الخطيرة إذا ما استُخدمت بشكل مسؤول. وربطنا هذا الموضوع بالأزمة المالية العالمية في عام 2008، ووضحنا شلون كانت المشتقات واحدة من الأسباب الرئيسية اللي أدت لانهيار اقتصادي كبير هزّ العالم كله.
وفي الجزء الأخير من الحلقة، انتقلنا إلى عالم التكنولوجيا والاقتصاد الرقمي، وركزنا الحديث على البيتكوين والعملات الرقمية الأخرى، شنو طبيعتها، شلون تشتغل، وشنو ممكن يكون دورها بالمستقبل من ناحية دعم أو زعزعة الاستقرار الاقتصادي، خاصة في ظل تصاعد اعتماد الناس والمؤسسات على الأنظمة المالية اللامركزية.
-
نناقش بهذه الحلقة من بودكاست تجارب التحديات اللي يواجهها المدير بالقطاع الخاص ويا مروان أحمد، المهتم والمختص سابقًا بالموارد البشرية ومدير منتج @ticketzone.app حاليًا.مواضيع الحلقة:تأثير ثقافة "الحچي" على بيئات العمل وشلون ممكن تصير إنتاجية.الإرث العسكري بالعراق وتأثيره على أساليب الإدارة الحديثة.دور المنظمات الدولية في سوق العمل المحلي وتطوير الكوادر الشابة.قصص نجاح وفشل من الشركات العراقية والدروس المستفادة.نصائح عملية لدور الموظف في تحسين بيئة العمل بشكل ممنهج.
مروان أحمد يشاركنا رؤيته وأفكاره حول التحديات والفرص لبناء قيادات متميزة بالشركات العراقية، والتغييرات المطلوبة لتحقيق بيئة عمل أفضل.
شكر خاص لرعاة الحلقة:
شركة كي: الرائدة في التكنولوجيا المالية والمدفوعات، بخدماتها لأكثر من 7 مليون زبون عراقي يوميًا.شركة شمس تيليكوم: المزود المتميز لخدمات الإنترنت والبنية التحتية للكابل الضوئي.تابعوا الحلقة الكاملة الآن! 🎧
-
نناقش بهذه الحلقة من بودكاست تجارب رحلة تطبيق أدوبا ويا د. آزاد حسن، مؤسس التطبيق التعليمي أدوبا. مواضيع الحلقة: 🚀 الرحلة الأولى: شلون تأسس تطبيق أدوبا؟ وكيف واجه د. آزاد التحديات في ريادة الأعمال بالعراق؟ 💼 رحلة الاستحواذ: تفاصيل استحواذ شركة كبرى على التطبيق وشلون هذا أثر على رؤية أدوبا؟ 🌐 التحول الرقمي: هل العراق مستعد لتحول رقمي شامل؟ وشلون ممكن هذا يساعد رواد الأعمال؟ 🔧 التكنولوجيا والابتكار: شلون قطاع التكنولوجيا بالعراق يواجه التحديات والفرص؟ 🏛️ السياسة والتخطيط: شلون التخطيط الحكومي والسياسي يأثر على تطوير المشاريع الريادية؟ 🎙️ د. آزاد يشاركنا رؤيته وأفكاره عن تطوير ريادة الأعمال، الاستحواذات، ومستقبل التحول الرقمي في العراق. 🌟 0:00 - شنو تغير من أول حلقة؟ 10:01 - عن ريادة الأعمال في العراق 20:01 - بناء وتطوير تطبيق أدوبا 35:01 - رحلة الاستحواذ 50:01 - أين يتجه قطاع التكنولوجيا في العراق؟ 1:05:01 - هل راح نشوف عراق بيه تحول رقمي حقيقي؟ 1:15:01 - السياسي العراقي والتخطيط في الدولة تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: [email protected]
-
نناقش بهذه الحلقة من بودكاست تجارب تحديات التعليم في العراق ويا مصطفى سلام، مؤسس منصة التعليم الإلكتروني كورسي. مواضيع الحلقة: الأمية والتسرب المدرسي: شلون نقدر نواجه مشكلة التسرب مع نسبة أمية توصل لـ25% وتأثير الظروف الاجتماعية والاقتصادية؟ مستوى التعليم: ليش 90% من الطلاب تحت سن الـ15 ما يقدرون يفهمون اللي يقرونه؟ النظام التعليمي: هل تركيز المناهج على التلقين بدل التفكير النقدي هو السبب الأساسي لتدهور التعليم؟ دور القطاع الخاص: شلون القطاع الخاص يقدر يساعد بتحسين التعليم إلى جانب دور الحكومة؟ الحلول المبتكرة: شلون تسعى منصة كورسي تقدم تجربة تعليم تفاعلية تخلي التعلم ممتع ومفيد؟ مصطفى يشاركنا رؤيته وأفكاره حول إصلاح التعليم ودور التكنولوجيا والابتكار ببناء جيل واعي ومبدع.
-
ضيفنا لهذه الحلقة هو الدكتور ياسر صبري رؤوف، رئيس مجلس إدارة شركة الحمراء للتأمين وأكبر شركة تأمين اهلية بالعراق. نحجي وية ضيفنا عن قطاع التأمين في العراق، نركز على التطورات التاريخية، التحديات الحالية، وأهمية التوعية المجتمعية بهالقطاع الحيوي.
🔍 محاور النقاش الرئيسية:
تاريخ التأمين بالعراق: من الشركات الأجنبية لتأسيس الشركات المحلية مثل شركة التأمين الوطنية وشركة الحمراء.التحديات الحالية: نقص الوعي بين العراقيين بأهمية التأمين، نظرة المجتمع للتأمين كمنتج غير ضروري، والقصور الإداري والتنظيمي بديوان التأمين.أهمية التأمين للاقتصاد العراقي: شلون يعتبر التأمين جزء أساسي من نجاح المنظومة الاقتصادية والمالية، خاصةً بدعم المصارف والمشاريع الحكومية.حلول مستقبلية: ضرورة زيادة التوعية والتسويق لمنتجات التأمين، وتفعيل الرقابة الحكومية لضمان مصداقية شركات التأمين وتعزيز الثقة بين المواطنين.📌 ليش لازم تشوف هالحلقة؟ إذا كنت مهتم تفهم دور التأمين بدعم الاقتصاد العراقي، التحديات اللي يواجهها القطاع، وكيف ممكن التأمين يصير جزء لا يتجزأ من حياة العراقيين، هالحلقة تقدم لك رؤى عميقة ومعلومات قيمة من خبير متمرس بالمجال.
🔔 لا تنسى تشترك بالقناة وتفعل جرس الإشعارات حتى يصلك كل جديد عن مواضيع الاقتصاد والأعمال بالعراق!
📢 شارك رأيك بالتعليقات: شنو تجربتك ويا التأمين بالعراق؟ شنو التحديات اللي تعتقد إنها الأكثر تأثيراً على انتشار خدمات التأمين؟
#تأمين #اقتصاد_العراق #شركة_الحمراء_للتأمين #ياسر_صبري_رؤوف #بودكاست #قطاع_التأمين #التوعية_بالتأمين #ديوان_التأمين #التأمين_الوطني #الشركات_المؤمنة #التأمين_الاجتماعي
-
.ضيف حلقتنا هو الدكتور عامر العضاض، مستشار رئيس الوزراء للشؤون الاقتصادية، ورئيس اللجنة العليا للإصلاح ضمن رئاسة الوزراء.نبدي نقاشنا وية الضيف بتغطية السياسات الاقتصادية اللي طُبقت بالعراق على مر السنوات، واللي ممكن يكون ابرزها هو دعم سعر صرف الدولار، واللي شاركنا الضيف رأي مميز ومختلف حوله، وعن دوره السلبي ببعض الاحيان بزيادة الاسعار بدل من خفضها، قبل ما توسعنا بأمثلة اكثر عن سياسات اقتصادية ثانية عاكست نتائجها اهدافها تماما، وليش.انتقلنا بعدها الى الملفات المحورية لاقتصاد العراق ونموه اليوم، بدءاً من النظام المصرفي واصلاحه وتنظيمه، واللي يتضمن رفع التحديدات عن المصارف المعاقبة او المحظورة، اتمتة العمليات المصرفية وانشاء مصارف رقمية، بالاضافة الى العمل على تطوير منصة الدولار وايصالها لعدد اكبر من التجار.اخيرا، ناقشنا وية الضيف اداء الحكومة الاقتصادي، واراءه وتصوراته حول مستقبل المشاريع التنموية وعمليات الاصلاح، بالإضافة الى رؤيته العامة للمستقبل الاقتصادي للعراق للسنين مقبلة.
-
ضيف حلقتنا هو السيد عزيز الخضيري، العضو المؤسس لمجموعة الخضيري التجارية، واللي تتخصص بمجالات الصناعة، والسلع الاستهلاكية، والنفط والغاز.نادرا ما نلتقي بضيوف يمتد عملهم بالعراق الى قرن او اكثر، لذلك، نبدأ نقاشنا وية الضيف بمقارنة للوضع الاقتصادي لعموم الناس ولشركات القطاع الخاص بكل من الحقب اللي كدر ضيفنا يعاصرها، بدءأ من النظام الملكي للعراق، مرورا بالجمهوري والاشتراكي، ووصولا الى يومنا الحالي.نناقش بعدها وية ضيفنا رحلة تأسيسه للمجموعة، التحديات اللي مر بيها بالطريق، من مواجهة المنافسة العالمية بعدة قطاعات والتغلب عليها، الى التعامل مع المشرعين ومفاصل الدولة، وبالتاكيد العقبات المرتبطة بكل الانعطافات اللي مر بيها العراق عبر تاريخه، وشلون تمكن من تخطيها.بعدها، نحجي عن واحد من اكثر المواضيع الشائكة بادارة المشاريع العائلية الكبرى، وهي أولا ادارة الورث وطريقة تنظيمه بطريقة واضحة وسلسة لكل اعضاء العائلة، وثانيا ما يعرف بـ (ادارة التعاقب)، او بالاحرى تكوين البنية للجيل الجديد من اداريي الشركة، سواء كانوا من العائلة او خارجها.أخيراً، نسمع من ضيفنا اراءه عن مختلف الملفات الاقتصادية بالعراق اليوم، من مشاريع الدولة مثل طريق التنمية وخطط تطوير الموانئ، الى حال القطاع النفطي وتصوراته حول اسعار هالسلعة وتاثيرها بالسنين الجاية، وصولا الى القطاع الصناعي بالبلد وكيفية تنشيطه.
-
حلقتنا هي وية لؤي العبيدي، الرئيس التنفيذي لقسم المنتجات في شركة @qicard.كلنا اليوم بالعراق نشهد تغييرات غير مسبوقة بالمجال التكنولوجي، واللي تشمل الدفع الالكتروني، التجارة الالكترونية، وحتى قطاعات محاذية مثل المجالات المالية والمصرفية.احد اهم الشركات اللي تقود هذا التحول اليوم هي كي، بالاخص بزيادة تبني وسائل الدفع الالكتروني بالتعاون وية المبادرات الحكومية، وبالاستحواذات اللي اعلنتها على شركات تكنولوجية ناشئة، واهمها واخرها، اطلاق (سوبر كي)، التطبيق الشامل اللي مخطط ان يحوي مئات الخدمات والتطبيقات المصغرة ضمنه. نناقش كل هذه المواضيع وأكثر بحلقتنا مع الضيف.
-
كل صيف، نتسائل كعراقيين، باجوائنا اللاهبة، وبيوتنا المظلمة، وأعصابنا المرهقة: ليش ماكو كهرباء؟هذا اللي نحاول اجابته بحلقتنا الجاية مع الدكتور لؤي الخطيب، وزير الكهرباء العراقي الاسبق، والباحث في شؤون الطاقة، السياسة، والاقتصاد.نناقش مع ضيفنا ملف الكهرباء بالعراق، بدءًا من 2003 الى اليوم. شنو التحديات الرئيسية بانتاج وايصال الكهرباء الى العراقيين؟ هل هي فنية؟ سياسية؟ هل ممكن حلها؟ وهل واقعيا راح نوصل لحل الها بالوقت القريب؟ شنو الحلول البديلة بهالاثناء؟خلال هذا النقاش، راح نمر بكثير من المفاصل، مثل شلون صار تعامل العراق وية ملف الطاقة بشكل عام (واللي يتضمن النفط، الغاز، والكهرباء) بعد تغيير النظام، النجاحات والاخطاء اللي ارتكبت، اهمية وتاثير امن الطاقة وسيادتنا عليها، واداء السياسيين بهالملف وشلون ممكن يتم قياسه.كعادتنا بالبودكاست، لازم نتطرق الى خلفية الضيف الشخصية، واللي راح تشمل العديد من المواقف والتجارب اللي نناقشها خلال فترة الضيف بوزارته، من ابسط التفاصيل كيوم تسنمه المنصب، الى اهمها مثل مواقفه وتعاملاته مع حكومة عادل عبدالمهدي انذاك، وحتى احتجاجات تشرين.
-
محمد الحكيم هو مؤسس تطبيق @fedshishop ومحفظة EQIQ الاستثمارية، واللي حجمها $١٥ مليون دولار وتستثمر بمختلف المشاريع التكنولوجية العراقية.بالحلقة الثانية اله، نحجي وية محمد عن التغيرات اللي دتشهدها كل من القطاعات التكنولوجية، المالية، والاستثمارية بالعراق، واللي يعمل عليها الضيف واله خبرتها بيها، فمن المواضيع اللي راح نتطرقلها هي:- التغيرات اللي نشهدها بالقطاع التكنولوجي، من استحواذات واستثمارات جديدة لشركات كبرى، ونمو ورواج فكرة التطبيقات الشاملة (super-apps)، والدعوات لسياسات حمائية تدعم الشركات المحلية وتحدد من دور الاجنبية،- التحول الملحوظ بالقطاع المصرفي، مثل انطلاق فكرة المصارف الرقمية وتعليمات بخصوصها، دخول عدة مصارف اجنبية للبلد، صدور ضوابط جديدة للدفع الالكتروني بالإضافة الى مبادرات الحكومة لدعمه وزيادة تبنيه،- وأخيراً، نحجي عن محفظة EQIQ الاستثمارية اللي يديرها اليوم، ونسمع من محمد شنو يشوف اهم النصائح لمؤسسي واصحاب الشركات الناشئة اللي يعرفوها حتى يحصلون على استثمار بشكل صحيح، بالاضافة الى اراءه عن مشهد الاستثمار العراقي المحلي (سواءً العقار، الاسهم، او الاقراض)، واخيرا، تجاربه بأخير استثمارين للمحفظة (واللي راح تنعلن بالحلقة).
-
Today, we hear about world-renowned universities offering courses and complete programs in entrepreneurship and innovation. Many students are drawn to these fields, choosing them as their academic and later professional focus. However, a central question remains in the minds of many: Is it possible to teach entrepreneurship? If so, how? What are the challenges involved? Have we witnessed successful experiences, and what is their success rate? We aim to answer all these questions in our upcoming episode with Dr. Hemin Latif, Ph.D., Director of the Entrepreneurship and Innovation Center at the American University of Iraq, Sulaimani, which is the first center dedicated to entrepreneurship at an Iraqi university. Dr. Hemin brings over 18 years of academic experience. After earning his PhD from Nottingham Trent University in the UK, he began lecturing there before returning to Iraq to teach at AUIS as part of its founding team. He has also headed the Engineering and Information Technology departments at different times. In addition to his current role as center director, Dr. Hemin applies the academic principles and teachings he provides to students to his own company, Agora Vision ئاگۆرا ڤیژن. The company's mission is to promote Kurdish literature by offering the first comprehensive platform of its kind for Kurdish audiobooks, which he is actively growing to achieve commercial success. View all of our episodes here: linktr.ee/tajaribpodcast Send us your guest suggestions here: [email protected]
- Laat meer zien
