Afleveringen
-
31 сакавіка кіраўнік фонду BYSOL Андрэй Стрыжак у звыклым для сябе стылі праанансаваў на сваёй старонцы ў фэйсбуку добрыя навіны на наступны дзень. Звычайна ўслед за такімі анонсамі беларусы даведваюцца пра эвакуацыю кагосьці з рэпрэсаваных на Радзіме. Але на гэты раз усё склалася інакш.
Прачнуўшыся раніцай на наступны дзень шмат хто з нас прачыталі навіну на “Нашай ніве” пра эвакуацыю арыштаванай на суткі прапагандыстцы Вользе Бондаравай. Тое, што гэта першакрасавіцкі жарт, зразумелі не ўсе. У хуткім часе, праўда, Андрэй Стрыжак патлумачыў сітуацыю, маўляў Бондарову ніхто не эвакуіраваў, але ў выпадку звароту, яго б разгледзелі. Добра, праехалі. Але дзе абяцаныя добрыя навіны?
Падрабязней пра тое, ці дарэчны гумар на глебе рэпрэсій (асабліва на старонках медыя, якія змагаюцца за давер чытачоў), размаўляем у жывым эфіры Еўрарадыё з самім Андрэем Стрыжаком.
Таксама пагаворым пра рэальныя рэпрэсіі ў нашай краіне, паводзіны сваякоў пры эвакуацыі экс-палітвязняў, скандал вакол “падстаўнога пашпарта” для агентурнай дзейнасці мужа вядомай журналісткі Фёдара Гарбачова, знікненне спікеркі Каардынацыйнай рады Анжалікі Мельнікавай, заробкі ў BYSOL і шмат пра што яшчэ. -
Zijn er afleveringen die ontbreken?
-
Дональд Трамп абвясціў свету гандлёвую вайну. Мытамі абкладзеныя больш за 100 краінаў, уключна з бязлюднымі выспамі.
Кітай, экспарт з якога ў ЗША ад часу інаўгурацыі Трампа "падаражэў" на 54%, уводзіць свае дадатковыя мыты і заклікае прэзідэнта ЗША адкаціць усё назад. Еўропа пагражае контрзахадамі. А Трамп адказвае, што трэба "ўсяго толькі" перанесці вытворчасці на тэрыторыю ЗША — і тут ужо ніякіх мытаў.
Як адрэагавалі на крок Трампа біржы і долар? Чым развязалася гісторыя з рэгуляваннем коштаў у Беларусі — там добрыя навіны для беларусаў ці не? Што за "дырэктыва пра дысцыпліну" і якія грошы беларускім чыноўнікам больш нельга траціць на родных і палюбоўніц?
Пра гэта ўсё размаўляем у стрыме з палітыкам і блогерам Аляксандрам Кныровічам -
Прэзідэнт Дональд Трамп абвясціў пра "ўзаемныя пошліны для краінаў па ўсім свеце". Ён заявіў, што на працягу дзесяцігоддзяў Злучаныя Штаты зніжалі гандлёвыя бар'еры ў дачыненні да іншых краінаў, у той час як гэтыя краіны ўсталёўвалі вялізарныя тарыфы на амерыканскую прадукцыю.
Тым часам беларусы працягваюць пошукі спікеркі Каардынацыйнай рады Анжалікі Мельнікавай, навінаў ад якой няма ад 25 сакавіка, і шукаць “агентаў” сярод сваіх.
Ці можна правесці тут нейкія гістарычныя паралелі і ці чакаць трэцяга тэрміну прэзідэнства Трампа, улічваючы яго дзіўную актыўнасць на пачатку другога?
На гэтыя ды іншыя актуальныя тэмы ў эфіры Еўрарадыё разважае гісторык Яўген Красулін. -
Як на Беларусь паўплываюць новыя санкцыі ЗША. Эканамічныя навіны за тыдзень by Euroradio
-
Трамп на вайне і развал Расіі — Еўразум за 3 красавіка | Новости Беларуси за 3 апреля by Euroradio
-
Знікненне спікеркі Каардынацыйнай рады выклікала шмат канспіралогіі — ад "пайшла за вечаровым сонцам разам з грашыма ад донараў" да "вывезлі на пасольскіх машынах", "хаваюць у Беларусі" або "здарылася нешта жудаснае".
Людзі, якія падазраюць Анжаліку Мельнікаву ў выкраданні грошай, задаюцца пытаннем: дык хто ж прадстаўляе дэмакратычныя сілы Беларусі? Дзе гарантыі бяспекі?
2 красавіка, размаўляючы з Еўрарадыё, прадстаўнік арганізацыі экс-сілавікоў BELPOL Уладзімір Жыгар расказаў, што прапаноўваў сябрам КР прайсці паліграф, але тыя адмовіліся. У сваю чаргу выканаўчы сакратар КР Іван Краўцоў адказаў, што паліграф не працуе, ды і наогул яго не праходзілі ні Святлана Ціханоўская, ні Павел Латушка.
Тым часам Ціханоўская робіць некалькі цікавых заяваў у інтэрв'ю Euronews, а ў Беларусі Лукашэнка збірае генералаў на паседжанне Савета бяспекі.
Падрабязней пра гэта і не толькі гаворым у эфіры Еўрарадыё з дырэктарам Агенцтва еўраатлантычнага супрацоўніцтва Валерыем Кавалеўскім. -
Дональд Трамп канчаткова пазбавіўся ад “нахлебнікаў”, аб’явіўшы гандлёвую вайну ўсяму свету. Эксперты кажуць, што ад гэтага кроку найбольш пацерпяць самі амерыканцы, але ў Вашынгтоне лічаць, што Амерыка такім чынам “зноў стане вялікай”.
Як гандлёвая вайна ЗША паўплывае на сусветную палітыку, чаму Трамп пачаў злавацца на Пуціна, каму дастанецца Грэнландыя,чаму ў Беларусь больш не прыязджае Крыс Сміт (ці прыязджае?) і як ставіцца да скандалаў у дэмсілах — у 13:00 па Мінску размаўляем пра гэта ды іншае з палітычным аглядальнікам і гісторыкам Аляксандрам Фрыдманам. -
3 красавіка ў эфіры Еўрарадыё — прадстаўнік ініцыятывы BELPOL Уладзімір Жыгар.
Мы павінны завершыць пачатае і знішчыць аўтарытарную сістэму, пабудаваную Лукашэнкам. Якім цяжкім ні быў бы гэты шлях, нягледзячы на ахвяры, якія ўжо ёсць, мы мусім зрабіць усё магчымае, каб вярнуць сабе краіну, зрабіць з Беларусі нацыянальную дзяржаву, дзе больш ніколі не будзе палітвязняў. І мы гэта абавязкова зробім, перакананы Уладзімір Жыгар.
Пра тое, ці павінны сілавыя структуры быць нацыянальнаарыентаванымі, ці магчыма зрынуць рэжым мірным шляхам і чаму важна правесці “дэлукашызацыю” Беларусі, мы і разважаем у праграме “Ідэя Х” з Уладзімірам Жыгарам. -
Рэжым Лукашэнкі не пакідае сваіх памкненняў дацягнуцца да ўсіх, хто выступае супраць яго, і пакараць тым ці іншым чынам. Задзейнічаюць і завочныя крымінальныя справы, і пазбаўленне маёмасці, і ціск на сваякоў. Але і спрабуюць дацягнуцца да тых, хто знаходзіцца за мяжой: дасылаюць пагрозы, “узломваюць” сацсеткі і тэлефоны, вярбуюць і намагаюцца дамагчыся дэпартацыі ў Беларусь.
Чаму для рэжыму так важна дацягнуцца да тых, хто знаходзіцца ў эміграцыі, і якія сродкі для гэтага прымяняюцца? Ці не перабольшваюць магчымасці спецслужб Лукашэнкі і на што за мяжой яны здольныя? Што, паводле версіі BELPOL, найхутчэй здарылася з Мельнікавай і якія пагрозы яе знікненне нясе? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар -
З Беларусі, сярод іншых, вымушана з’ехала вялікая колькасць творчых людзей — паэтаў і празаікаў, гісторыкаў і філосафаў, даследчыкаў і этнографаў. Але пісаць вершы ці прозу, гістарычныя альбо этнаграфічныя даследаванні ды філасофскія трактаты яны не перасталі. Так, можна ўсё напісанае даносіць да чытача ў электронным выглядзе, але і аўтары, і прыхільнікі іх творчасці па-ранейшаму хочуць узяць у рукі папяровы носьбіт — кнігу. Ці займець каляндар па-беларуску на наступны год!
Ці ёсць попыт за друкаваную прадукцыю па-беларуску і што найперш цікавіць чытача? Ці гатовы польскі рынак пусціць на сваю тэрыторыю беларускую кнігу? Як зацікавіць чытача беларускамоўнай кнігай? На гэтыя ды іншыя пытанні адказвае выдавец, заснавальнік фонду kamunikat.org Яраслаў Іванюк -
Чым даўжэй мы знаходзімся ў эміграцыі, тым больш актуальнымі робяцца пытанні пра тое, як беларусам захаваць сябе. Мы вагаемся паміж жаданнем асімілявацца і прагай захаваць сваю беларускую ідэнтычнасць. Для гэтага ствараем ютуб-праекты, дзе расказваем пра гісторыю і культуру Беларусі, ладзім “Кніжныя магістраты”, святкуем Дзень Волі. І марым… Альбо не марым, а проста жывём у век пераменаў.
Чаму не заўсёды добра жыць у часы пераменаў, а беларусам — дык асабліва? Ці не ператвараемся мы паволі, жывучы далёка ад Бацькаўшчыны, у здраднікаў сваёй беларускасці і як у захаванні ідэнтычнасці дапамогуць ютуб-праекты і “Кніжны магістрат”? Што такое “літвінізм”, ці ён існуе і як перамагчы расейшчыну? На гэтыя ды іншыя пытанні ў эфіры Еўрарадыё адказвае гісторык, вядоўца гістарычнага ютуб-канала “Вусы Скарыны”, грамадскі актывіст Цімафей Акудовіч -
У Беларусі ў спіс забароненай літаратуры трапілі творы Бакмана. Шмат каго гэта шакавала, але ж рэжым апошнім часам увогуле вельмі актыўна забараняе раманы для падлеткаў пра булінг і адносіны. Але, як паказвае жыццё, і беларускае грамадства не далёка адышло ў пытанні прыняцця нечага новага і адрознага ад патрыярхальнага лукашэнкаўскага рэжыму. Сведчанне таму — рэакцыя і на зварот Насты Базар пра дапамогу, і на знікненне спікеркі КР Анжалікі Мельнікавай.
Чаму зварот Насты Базар і знікненне Анжалікі Мельнікавай выклікалі такую неадназначную рэакцыю пэўнай часткі грамадства? Ці гэта мы такія, ці агулам адносіны ў свеце да “левай павесткі” змяніліся? Чаму рэжым забараняе літаратуру для падлеткаў пра булінг і адносіны? Пра гэта і шмат што іншае мы і разважаем у жывым эфіры Еўрарадыё з медыяэксперткай і гендарнай даследчыцай Ірынай Сідорскай -
Сітуацыя са знікненнем спікеркі КР Анжалікі Мельнікавай спарадзіла новую хвалю ўсеагульнага падазрэння і пошукаў у сваім асяродку “агентуры і маргінэсу”. А калі да тэмы знікнення дадалася тэма грошай, якія нібыта таксама зніклі (хаця дакладна не вядома, ці былі яны ўвогуле), то фантазія і канспіралогія беларускага грамадства сталі нястрымнымі. Пры словах “КДБ” і “грошы” ўжо практычна забыліся на лёс Мельнікавай і яе дачок і на тое, якія пагрозы ўся гэта сітуацыя нясе беларусам замежжа.
Пра што сведчыць сітуацыя са знікненнем Анжалікі Мельнікавай і рэакцыя грамадскасці на гэтае знікненне? Ці сапраўды інфармацыя, якой яна валодала як спікерка КР і сябра каманды НАУ, можа нанесці ўдар па гэтых структурах? Ці здольныя правакацыі, якія ладзіць рэжым, прывесці да кансалідацыі беларускага грамадства і новай рэвалюцыі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым -
Беларусы працягваюць асэнсоўваць той досвед, якім іх узнагародзіў лёс. І той шлях, які ім давялося прайсці за апошнія 5 гадоў. Гэта і падзеі 2020 года, і вымушаная іміграцыя (а для некага яна сталася падвойнай ці нават патройнай), вайна ва Украіне, спроба знайсці сябе і сваё месца ў новай краіне. І пры ўсім гэтым — жаданне не знікнуць як беларус/беларуска ў іншай рэчаіснасці. Пра ўсё гэта (а таксама пра сны) — новая кніга літаратара і праваабаронцы Сержука Сыса. Кніга, якой яшчэ няма, але якая ўжо ёсць.
Пра што новая кніга аўтара і ці сапраўды яна здольная дапамагчы не з’ехаць з глузду ў вымушанай эміграцыі? Ці рэальна напісаць партрэт нашай сённяшняй непрадказальнай рэчаіснасці і чаму так важнае каханне? Як звязаныя праваабарончая дзейнасць аўтара і літаратура і ці існуе яшчэ беларуская салідарнасць? На гэтыя ды іншыя пытанні ў жывым эфіры Еўрарадыё адказвае паэт, публіцыст, перакладчык і праваабаронца Сяржук Сыс -
Былы міністр унутраных спраў Юрый Караеў прызначаецца старшынёй Гродзенскага аблвыканкама, а былы дыпламат і дэпутат-прызначэнец Савіных нечакана ўляпваецца ў партыю — становіцца намеснікам Гайдукевіча ў атрыманай апошнім у спадчыну ад бацькі ЛДПБ. Малаімаверна, што паміж гэтымі двума працаўладкаваннямі ёсць нешта агульнае, але самі па сабе яны цікавыя. Як і пераслед прарасійскіх актывістаў лукашэнкаўскімі сілавікамі. Да гэтага спісу варта дадаць і знікненне спікеркі Каардынацыйнай рады Анжалікі Мельнікавай…
Што азначае прызначэнне Караева ў Гродна і чым так адметны гэты рэгіён Беларусі? Навошта былому дыпламату і “дэпутату” Савіных запісвацца ў партыю Гайдукевіча-малодшага і навошта рэжыму палохаць айчынных рускамірцаў суткамі? Ці была адэкватнай рэыкцыя беларускага грамадства на знікненне спікеркі КР? На гэтыя ды іншыя пытанні ў жывым эфіры Еўрарадыё адказвае палітычны аналітык Валерый Карбалевіч -
Знікненне спікеркі КР Анжалікі Мельнікавай нарабіла шмат шуму. Нехта пачаў казаць пра знікненне разам з нейкімі грашыма, кагосьці турбуе інфармацыя, якой яна валодае, іншых хвалююць таямніцы з жыцця дэмсіл, якія, магчыма, Анжаліка ведае. Але найважнейшае ва ўсёй гэтай сітуацыі — гэта, безумоўна, тое, дзе Мельнікава і дзве яе дачкі сёння і ці ўсё з імі ў парадку.
Пра што сведчыць сітуацыя са знікненнем Анжалікі Мельнікавай і рэакцыя грамадскасці на гэтае знікненне? Ці сапраўды інфармацыя, якой яна валодала як спікерка КР і сяброўка каманды НАУ, можа нанесці ўдар па гэтых структурах? Якія апошнія звесткі пра лёс Анжалікі і яе дачок? На гэтыя ды іншыя пытанні ў эфіры Еўрарадыё адказвае лідар спіса “Каманда Латушкі і рух “За свабоду”, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка - Laat meer zien
